Wp/jax/Pempek Sambal

Pempek sambal adolah makanan khas Jambi tepatnyo Sengeti dan Sebrang Kota Jambi (Sekoja), Indonesia  yang dibuat dari tepong kanji atau tepong sagu. Pempek memang terkenal dari Sumatra Selatan yang pakek cuko, tapi kalo di Jambi pempek yang terkenal adolah pempek sambal. Pempek sambal beda samo pempek pado umumnyo karno sebenarnyo pempek sambal ko idak pakek ikan.

Pempek sambal ko banyak tesedio di Jambi, terutamo saat bulan puaso karno biso dimakan sebagai takjil buko puaso. Rasonyo dewek sebenarnyo pedas samo gurih, dan beda nian samo takjil-takjil biasonyo yang rasonyo manis. Pempek sambal ko jugo lamak nian dimakan waktu lagi ujan, apolagi samo nasi kuning. Soalnyo raso pedas dari cabe dan jugo bauk dari daun jeruk samo kunyit akan menambah selera makan.

Bahan-Bahan

Bahan-bahan bikin pempek sambal sebenarnyo udah banyak tesedio di sekitar. Pempek ko idak pakek ikan, jadi dak perlu nyiapin ikan. Bahan-bahannyo adolah:

• 250 gram tepong terigu
• 250 gram tepong tapioka
• 15 cabe merah kereteng
• 4 bijik bawang poteh
• Daon konyet  dikit bae
• Garam
• Aek hangat
• Minyak goreng

Caro Membuat

Pempek

Caro membuat pempeknyo adolah:</ref> Bahan-bahannyo adolah:

1. Siapin wadah yang bersih.
2. Masukin tepong terigu, tapioka, samo garam ke dalam wadah itu.
3. Tuang aek hangat dikit-dikit sambil diadok sampe jadi adonan.
4. Kalau sudah jadi, bentok pempek sesuai dengan keinginan dewek-dewek. Biasonyo pempek sambal idak besak nian ukurannyo, dan digepengin.
5. Goreng pempek sampe matang.

Sambal

Caro membuat sambalnyo:</ref> Bahan-bahannyo adolah:

1. Campurin semuo bahan dapor yang udah disiapin dan halusin pake gilingan atau pakek blender.
2. Masak sampe matang dan cicip rasonyo.
3. Potong tipis daon konyet, dan masukin kalau sambalnyo udah matang. Jangan lupo jugo untuk masukin pempek yang udah digoreng dan adok sampe rato.
4. Pempek sambal siap disajikan.