Gunung Kerinci (juga dieja "Kerintji", dan dikenal sebagai Gunung Gedang, Berapi Kurinci, Kerinchi, Korinci, atau Puncak Indrapura) adolah gunung yang paling tinggi di Sumatra dan jugo gunung yang paling tinggi di Indonesia. Ketinggian Gunung Kerinci ko sampe 3.805 meter di atas permukaan laut. Bentuk gunung apinyo adolah stratovolcano dan masih aktif sampe sekarang.[1]
Letak gunung ko sebenarnyo di antaro perbatasan antaro Provinsi Sumatra Barat samo Provinsi Jambi. Gunung ko termasuk ke dalam bagian dari Taman Nasional Kerinci Seblat (TNKS) yang luasnyo sampe 1,5 hektar dan berado di empat provinsi, Sumatra Barat, Jambi, Bengkulu, samo Sumatra Selatan. Diketahui kalo TNKS ko udah ditetapi UNESCO sebagai kawasan konservasi Asean Heritage Site dan World Heritage Site pado tahun 2004. Pado tahun 2006, TNKS ko jugo dinobatin sebagai The Tropical Rainforest Heritage of Sumatera (TRHS).[1][2]
Sejarah edit
Namo dari gunung ko masih menjadi perdebatan sampe sekarang. Masyarakat setempat percayo kalo nama “kerinci” tu sebenarnyo dari kondisi gunung yang dikelilingi samo hutan yang lebat dan jugo bukit yang terjal. Dari kondisinyo tu, seakan-akan kalau gunung iko bakalan susah untuk dimasukin, jadi kayak ‘tekunci’.[2]
Cerito lainnyo menyatakan kalau namo gunung ko sebenarnyo berasal dari bahaso Tamil “Kurinji” yang merupokan salah satu jenis bunga yang ado di dataran tinggi. Orang yang petamo kali sampe ke puncak Gunung Kerinci adolah Von Hasselt samo Veth pado tahun 1877. Informasi ko didapatin dari catatan di R10, Desa Kersik Tuo, Kayu Aro, Kerinci.[3]
Flora dan Fauna edit
Karano Gunung Kerinci berado di TNKS, mako flora dan fauna yang ado pun banyak dan rato-rato khas Sumatra yang jarang ado di tempat lain. Floranyo kayak pohon mahoni, tumbuhan Rafflesia Arnoldi, samo Suweg Raksasa Amorphophallus Titanium. Sedangkan faunanyo ado gajah, badak Sumatra, harimau, beruang madu, kus-kus, tapir, macan tutuol, siamang, gibbon, monyet ekor panjang, samo ado sekitar 140 jenis burung.[2]
Daftar Referensi edit
- ↑ 1.0 1.1 Virgina Maulita Putri (31 Juli 2019). "6 Fakta Gunung Kerinci yang Baru saja Erupsi". Detik.com. Diakses pada 9 Mei 2021.
- ↑ 2.0 2.1 2.2 Kumparan. Mengenal Gunung Kerinci, Gunung Tertinggi di Sumatera yang Mempesona. Diakses pada 9 Mei 2021.
- ↑ Gresi Plasmanto (1 Agustus 2019). "Menyusuri Jalur Pendakian Gunung Kerinci yang Sarat Misteri". Liputan6.com. Diakses pada 9 Mei 2021.