Candi Muaro Jambi adolah sabuah kompleks percandian Hindu-Buddha yang mempunyoi luas sekitar 3.981 hektar yang ado di Provinsi Jambi dan menjadi candi yang paling besak di Asia Tenggara. Candi ko berado di Muaro Jambi, tepatnyo di Kecamatan Maro Sebo. Candi iko udah diusulin sebagai situs warisan dunia ke UNESCO sejak tahun 2009.[1][2]
Sejarah edit
Candi Muaro Jambi merupokan candi yang diperkirakan udah ado sejak abad ke-11 Masehi. Hal iko petamo kali dilaporkan petamo kali pado 1824 samo orang yang bepangkat Letnan, namonyo S.C. Crooke. Awalnyo dio ni sebenarnyo cuman nak metain daerah aliran Sungai Batanghari bae untuk kebutuhan militer. Tapi awalnyo Indonesia dak mikir ke situ, tahun 1975 lah pemerintah Indonesia baru mulai ngelakuin pemugaran yang benar dan serius. Kegiatan iko ko dipimpim samo R. Soekmono.[2]
Candi Muaro Jambi ni jugo diperkirakan sebagai kampus pado maso Kerajaan Sriwijaya. Hal iko karano ado banyak kemiripan antaro Candi Muaro Jambi samo Universitas Nalanda yang ado di India. Kerajaan Sriwijaya merupokan sebuah kerajaan yang ado di Indonesia. Kerajaan iko diperkirakan berjaya tahun 784, dan waktu itu dipercayo bahwa ado utusan orang Sriwijaya untuk kuliah di Universitas Nalanda. Sriwijaya pun membuat 2.000 kamar dan satu perpustakaan untuk orang-orangnyo yang kuliah di India.[1]
Waktu ajaran Budha Dharma di India ado masalah dan hancur, mako Univesitas Nalanda tu pindah ke Sumatra dan tepatnyo pindah ke Candi Muaro Jambi. Beberapo lulusan dari Candi Muaro Jambi ni akhirnyo balek ke India lagi dan melakukan reformasi agama di Tibet. Makonyo sampai sekarang di Tibet ado doa-doa yang menyebutkan namo guru-guru di Indonesia.[1]
Bangunan yang Telah Ditemukan edit
Di lingkungan Candi Muaro Jambi, ado sekitar 80 bijik reruntuhan menapo (candi samo bangunan yang udah ditemuin). Dari 80 reruntuhan itu, idak semuo dapat ditengok samo orang luar. Cuman ado sekitar 9 bangunan bae yang udah dibangun dan biso didatangi. Kesembilan bangunan ko bercorak Buddhisme.[2][3]
- Candi Vando Astano
- Candi Gumpung
- Candi Tinggi
- Candi Kembar Batu
- Candi Gedong 1
- Candi Gedong 2
- Candi Kotomahligai
- Candi Kedaton
- Telago Ratu
Daftar Pustaka edit
- ↑ 1.0 1.1 1.2 Kompas. Candi Muaro Jambi Kampus Peninggalan Kerajaan Sriwijaya. Diakses pada 30 April 2021.
- ↑ 2.0 2.1 2.2 Liputan 6. Muaro Jambi Candi yang Luasnya 8 Kali Borobudur. Diakses pada 30 April 2021.
- ↑ Provinsi Jambi. Candi Muaro Jambi. Diakses pada 30 April 2021.