Drs. H. Abdurrahman Sayoeti (5 Mei 1933 - 22 Mei 2011) adolah Gubernur Jambi ke-5 yang menjabat selamo dua periode dari 1989 sampe 1999. Abdurrahman Sayoeti ko terkenal di masyarakat Jambi sebagai pemimpin yang idak gampang capek dan berdedikasi buat mimpin masyarakat di Jambi.[1][2]
Latar Belakang edit
Abdurrahman Sayoeti lahir pado 5 Mei 1993 di kelurahan Mudung Laut Kota Seberang, Kota Jambi. Dirinyo merupokan anak keduo dari tujuh orang bersaudara dari pasangan H. Muhammad Jakfar bin Abdul Jalil (meninggal pado 1981) dan Hj. Mahani (meninggal pado 1971). Keduo orang tuo Abdurrahman Sayoeti bukanlah orang sembarangan. Bapaknyo merupokan ulama agama yang disegani dan jugo sering dipanggil “hoof penghulu”. Panggilan tesebut bukanlah panggilan biaso karno merupokan panggilan yang dikasih samo Hindia Belando pado waktu itu untuk ulama islam sebagai wali hakim. Bahkan dak cuman wali hakim bae, bapaknyo Abdurrahman Sayoeti ko ikut serta dalam urusan nentuin rukyatul hilal.[1]
Abdurrahman Sayoeti merupokan seorang pemuda yang sederhana. Dalam segi ekonomi, dirinyo merupokan seorang anak yang terlahir dari keluargo terpandang, tapi dirinyo idak memanfaatkan hal tesebut. Tumbuh besar di rumah papan dengan tiang kayu membuat dirinyo sangat sederhana. Bahkan ketiko Abdurrahman Sayoeti sekolah, dio pakek celano dari karung.[1]
Riwayat Pendidikan edit
- Sekolah Rakyat (SR)
- Madrasah Nurul Iman
- Belanda High Indies School (HIS)
- Meer Uitgebreid Lager Onderwijs (MULO)
- SMEA Yogyakarta
- Diploma satu (D-I) jurusan bahasa di Yogyakarta
- Universitas Indonesia jurusan Ekonomi Koperasi
Riwayat Pekerjaan edit
- Pegawai Negeri Sipil
- Kepala Biro Pemerintahan Sekwilda Provinsi Jambi
- Pimpinan Akademi Ilmu Pemerintahan Dalam Negeri (APDN) (1965)
- Sekretaris Wilayah Daerah (Sekwilda) Pemerintah Tingkat I Jambi (1969)
- Wakil Gubernur KDH Tingkat I Jambi (1985)
- Gubernur Jambi (1989-1999)
Wafat edit
Abdurrahman Sayoeti meninggal pado Minggu, 22 Mei 2011 karno mengidap penyakit tetentu. Dirinyo meninggal di Jakarta dan dimakamkan di TPU Putri Ayu, Kelurahan Sungai Putri. Abdurrahman Sayoeti dimakamkan di sebelah makam ayahnyo, M. Jakfar Hoof.[3][4]
Daftar Pustaka edit
- ↑ 1.0 1.1 1.2 Jambi Network. Abdurrahman Sayoeti - Gubernur Jambi ke-5. Diakses pada 16 Mei 2022.
- ↑ Pemerintah Provinsi Jambi. Nama-nama Mantan Gubernur Jambi. Diakses pada 16 Mei 2022.
- ↑ Ridwan Junaidi (22 Mei 2011). "Mantan Gubernur Jambi Abdurrahman Sayoeti Meninggal". tribunnews.com. Diakses pada 16 Mei 2022.
- ↑ Redaksi (9 Oktober 2020). "Al Haris Ziarah ke Makam Abdurrahman Sayoeti Mantan Gubernur Jambi". jernih.id. Diakses pada 16 Mei 2022.