Wp/isv/Svety Vojtěh

Svety Vojtěh (češ.: svatý Vojtěch; slovač.: svätý Vojtech; pol.: święty Wojciech) abo Adalbert iz Pragy (lat.: Adalbertus; ok. 956 — 997) byl češsky knez iz rodiny Slavnikovicev, episkop Pragy, benediktin, misionar do Prusije, mučenik. Svety Katoličskoj crkvy, hranitelj Poljsky, Čehije i Madjarije v katoličskoj tradiciji.

Obraz madjarskogo umětnika Mihaly Kovača «Svety Vojtěh»

Žitje

Vojtěh rodil se v Libicah ok. 956 roka. Byl šestym synom Slavnika iz rodiny Slavnikovicov, i Strezislavy (č. Střezislava). Podolg legendy kogda zabolěl, jegovi roditelji oběčali syna na žitje duhovno. V 981 godě stal duhovnikom, a v 983 biskupom.

Všel v konflikt s čehami i okolo 989 goda pošel do Rima. Pristupil v red benediktinov. V 992 byl izslany do Pragy ako episkop po smrti episkopa Folkolda.

Glasil hristijanstvo na madjarskoj Slovakiji, skroz togo všel v konflikt s ne-hristijanskymi Arpadami. Podolg legendy udělil kresta kralju Stefanovi I. Hranil hristijanskyh rabov izslanyh do muslimanskyh držav.

V 994 godě viděl kak ljudi dvorjanina Všrovca ubili nevěrnu ženu ovogo dvorjanina, ktoroj Vojtěh dal uběžišče v crkvi. Episkop metnul kletvu i pojehal do Rima. Sinod kazal jemu vračati se, no papa pozvolil mu stati misionarom.

Pojehal do Poljsky a iz njej do Prusije s svojim pol-bratom Radzimom i duhovnikom Bogušem Benediktom. 23 aprilja 997 roka žrec Sokko ubil jego pri gradu Holin.

Relikvije i kult

Kralj Boleslav I izkupil tělo Vojtěha za cěnu težinu v zlatě. Bylo ono v katedralě v Gnězně.

V 999 godě papa Silvester II kanonizoval Vojtěha.

Denj svetogo Vojtěha jest 23 aprilja.

Resursa

O svetom Vojtěhu znajemo tri života: anonimny s 999-1003 goda, napisany prěz svetogo Brunona s 1002-1004 i Pasio Sancti Adalperti martitis.

O svetom Vojtěhu pišut episkop Titmar v svojej kronikě i Anonim zvany Gallem v svojej kronikě.

Vněšnje linky

• Tutoj članok imaje prěvod iz članka «Święty Wojciech» v Vikipediji na poljskom (spis avtorov; dozvoljeńje CC BY-SA 4.0).