Росијскы напад на Украјину (rus.: российское вторжение на Украину; ukr.: російське вторгнення в Україну) или Специална војенна операција јест војенны конфликт Росије с Украјиноју, что иде с 24 дња второго мєсеца 2022 года, чест росијско-украјинској војны. Росијскы напад стал највеликоју војноју в Европє од часа Второј свєтовој војны и сустрєтило широкы меджународны осуд.
Војенна кампанија је почела се послє нарастенја росијскых војск од јединнадсетого мєсеца 2021 года по граници Украјины с Росијеју и Бєлорусју и признанја владоју Росије 21 февруара 2022 года сепаратистичных држав на територији Украјины — ДНР и ЛНР — како независных држав. Официалне прєдставитељи Росији всако сут одрєкали в својих тврдженјах, же Росија планује или имаје намєр нападати на Украјину. Практично једночасно војенне силы Росијској Федерацији сут почели неукрыто прємешченје додаточных војск на зајете територије Донечској и Луганској областиј.
Близко четвртој часины за кыјевскым часом (UTC+2) 24 февруара президент Росијској Федерацији, Владимир Путин, огласил је о начелу "специалној војенној операције", цєљ кторој јест "демилитаризација и денацификација Украјины". За нєколико минут сут почели се ракетне удары по всеј територији Украјины, вкључно подле Кыјева. Росијске војска сут вјежджали из боку Харкова, Херсона, Чернигова, Сум. Заједно с Росијеју војну против Украјины фактично вмєшана Бєлорус. Из приграничных округов наносет се ракетне удары по територији Украјины, вылєтаје војенна авиација дља нанесенја ракетных и бомбовых ударов по територији Украјины, дєје се прємешченје војск и јего забезпеченје.
Благодаре одпору украјинској армији и сил самообраны уж в први дни агресији росијска армија је прєжила значных утрат в живој силє и техникє. У својеј најновєјшеј историји, за оцєнками украјинскых и меджународных експертов, Росија в жадној војнє јешче не је прєживала такых великых утрат за такы краткы час. За признанјем западној развєдкы, Росија је стрєтла силнєјши, неж је очекывала, одпор, кторы је поражал материаљне-техничне проблемы дља јеј војск, недостаток палива, амуницији и продовољства, упад бојевого духу војинов. Быстре сједињенје крајев свєта дља помочи Украјинє, ако и запроваджање мочных санкциј против Росији, стало неочекываным дља нјеј ударом.
В септембру 2022 года Росија такоже присјединила до себе јешче 4 региона Украјины — Донечску, Луганску, Херсонску и Запорожску области, оземја кторых она контролује не полно.
Од првого дња напада обоје страны гласет, же противник нарушаје правила водитељства војны и чини војенни злочины. Кромє того, иде информацијна војна.