Wp/isv/Judaizm

Judaizm (heb.: יַהֲדוּת‎ MFA: [jahaˈdut]) jest abrahamičska, jednobožska, etnična religija, sjedinjajuča v sobě kulturne i pravne tradicije hebrejskogo naroda. Religine hebreji pojmajut judaizm kak srědstvo držanja zavĕta Mojseja, ktory je byl ustanovjeny medžu Bogom i izraeljcami, jih prědkami. Tuta religija jest jedna iz davnějših jednobožskyh religij vo světu.

Předmety judaizma (po strělkě časovnika): podsvěčnik dlja šabata, čaša dlja ritualnogo mytja ruk, Tora i Tanah, ukazatelj Tory, šofar i škatulka-etrog.

Hebreji sut etnično-religijnoju grupoju, ktora sodrživaje tyh, kto urodil se hebrejem (abo «etničnymi hebrejami») v dopolnjenju k novo-prěobračenym v judaizm. V 2021 hebrejsko naseljenje světa se ocěnjalo v 15,2 miliona ljudij, abo priblizno 0,195% od občego naseljenja světa, hot religijne obredy měnjajut se od strogyh do odsutnyh. V 2021 godu priblizno 45,6% od vsih hebrejev sut obyvali vo Izraelju, ješče 42,1% obyvali vo Sjedinjenyh Štatah i Kanadě, pri tom večša čest ostatnyh hebrejev obyvala v Evropě, a druge grupy sut razseljene po vsej Latinskoj Amerikě, Aziji, Afrikě i Avstraliji.

Etimologija

Termin «judaizm» počinaje se od davnogreč.: Ἰουδαϊσμός, ktory izhodi od hebrejskogo יַהֲדוּת‎ MFA: [jahaˈdut], ktory, v koncu, pojavjaje se v hebrejsko-elinističnoj literaturě vo 2. stolětju do n. e., osoblivo vo 2. knigě Makabejskoj (2. Makabejska 2:22, 8:1) i stanovi se antonimom grečskomu poganstvu.

Vněšnje linky

• Tutoj članok imaje prěvod iz članka «Judaism» v Vikipediji na anglijskom (spis avtorov; dozvoljeńje CC BY-SA 4.0).