Wp/fit/Peru

< Wp‎ | fitWp > fit > Peru

Perun tasavalta eli Peru on valtio Etelä-Ameriikassa. Sen rajakrannit on Ecuador ja Colombia pohjoisessa, Brasiilia iässä, Bolivia eteläiässä ja Chile etelässä. Maan länsipuolela on Tyynimeri.

Flag of Peru.svg
Peru (orthographic projection).svg

Muinaisen mahtavan Inkkavaltion kukistumisen jälkhiin Peru oli Spannian siirtomaa 1531-1821. Ittenäistä Perua vaivasit ekonoomiset prupleemit, ja hallinto vaihteli oikeistotiktatyyritten, sotilasvallankaappauksitten ja vasemistovallan välilä. 1900-luvun loppupuolela Loistava polku -kerillaliike taisteli hallitusta vasthaan ja otti panttifankia. Vuosituhanen vaihtheessa maan entistä johtoa tuomithiin korupsuunista ja muista väärinkäytöksistä. 2000-luvula on ollu jo kaks tuhosaa maanjäristystä. 24. elokuuta 2011 Perussa oli voimakas 6,9 magnityydin Richterin kraíjitten tärähtys.

Vaikka Peru sijaittee lähelä päiväntasaajaa, kylmä Humboldtin merivirta ja korkeat Andit pitävät sen ilmaston viileämpänä kun muuala tropiikissa.

Perun viralinen kieli on spannia. Lähes puolet 30 miljoonasta asukhaasta on intiaania ja yli 80 prosenttia roomalaiskatolisia.