চাটগাঁইয়া ভাশা
|
চাটগাঁইয়া ভাশা অ়ইলদে ইন্দো-আর্য ভাশাগোস্টির উগ্যো ভাশা। ইবা বাংলাদেশর চিটাঙ অন্সলর মেঁইঁশঁর ফইলা ভাশা। ইবাত এহ়ন, ১ কোটি ৩০ লাক়রঅ বেশি মেঁইশে হত়া হয়। ২০২০ শালত নিয়লইন্যা কানাডার উগ্যো ওয়েবসাইট ৱিজ্যুয়াল ক্যাফিটালিস্ট মজিন দুনিয়ার ১০০ৰো ৱাশার মইদ্যে চাটগাঁইয়া ৮৮ নম্বরত জাগা ফাইয়্যিল এদ্দে বাংলাদেশত বাঙলার বা৴দে দুসরা ডঁ৴র ভাশা ইশেফ্যে জাগা ফাইয়্যে। বাঙলা ৱাশার ল৴য় চাটগাঁইয়ার কিস়ু শম্ফর্ক ত়৴নর লাই বুলি চাটগাঁইয়ারে কিয়াই কিয়াই বাঙলার উফৱাশা হইতো সায়, জুদি অ় ৱাশা দুনোৰার উগ্গার ল৴য় উগ্গার হনো মিল নাই। এতল্লায় বুলি বেশদ্দক ৱাশাবিদে এই ৱাশাৰারে উগ্গা আলিদা এদ্দে শতন্ত্র ৱাশা ই়শেইফ্যা বিয়েসনা গরি তায়। এহ়ন, সিটাইঙগা ৱাশার হনঅ নিজুরার অ়রফ ন ত়াইলেঅ বউত কিতাব এদ্দে অইন্যান্য জাগাত বাংলা, আরবি এদ্দে লাতিন অ়রফ দি ইবা লেহ়া অ়য়। সিটাইঙগা ইন্দো-য়ুরোফিয় ৱাশা ফেমিলির ইন্দো-আর্জ ব্রান্সর ফুগর ব্রান্স ইন্দো-আর্জর উফ-ব্রান্স বাঙলা-অশম্য়া শাক়া। এক্কু কেটাগরির আরঅ় ৱাশাঅক্কল অ়ইলদি সিলেইট্টা, রোৰাইঙগা, বাঙলা, অশম্য়া, উরিয়া এদ্দে বিহারি ৱাশা। ই়য়ান বাদেঅ় ইন্দো-আর্জর হিন্দির ও়য়াঁরে সিটাইঙগার দুরর উগ্গা মিল আস়ে। ... সম্পর্ণ আর্টিকেল ফড়ইন
|
বাঙলাদেশ
|
বাঙলাদেশ দইন এশিয়ার এক্কান আযাদ দেশ। বাঙলাদেশর দস্তুর মজিন নাম গণপ্রজাতন্ত্রী বাংলাদেশ। বাঙলাদেশর ফস়িনদি ইন্ডিয়ার ফসিমবঙ্গ, উতুরদি ফসিমবঙ্গ, আশাম এদ্দে মেগ়ালয়, ফুগদি আশাম, তিফুরা এদ্দে মিজোরাম, দইন-ফুগদি বর্মার সিন এদ্দে আরকান রেইজ্য ; দইন কুলদি বঙ্গদরিয়া আস়ে। ৱুগোলর ই়শাফে দুনিয়ার বেগ্গুনত্তু ডঁ৴র ব-দিয়ার বিরাট এক্কান এলাহা লই বাঙলাদেশ আস়ে। ১৬ কোটিত্তুন বেশি মানুশ লই বাঙলাদেশ দুনিয়ার ৮ লম্বর ডঁর মাঁইঁশঁর দেশ। দইজ্জা মা-র বাঙলাদেশর জবিনর উৰদ্দি ব৴ই গেইয়ে ৫৭ৰা ইন্টারনেশনাল দইজ্জা। বাংলাদেশর উতুর-ফুগ এদ্দে দইন-ফুগদি টারশিয়ারি জুগর ফারঅক্কল স়া৴য় আস়ে। দুনিয়ার বেগ্গিনত্তুন ডঁর মেনগ্রোব জঁ৴ল সুন্দরবন ও বেগ্গুনত্তুন ডঁর আ-ৱেইঙ্গা নেসারাল দরিয়ার কুল ককশোবাজার দরিয়ার কুল বাঙলাদেশত আস়ে।
|
|
|
টুট্টেঙ
|
টুট্টেঙ (বৈজ্ঞানিক নাম:Gekko gecko) গেকোনিডি গুশ্টির উগ্যো লউফি৴নি জাতর ফ্রানি। ফিডর মিক্কা ধূসর, নীলা-ধূসর বা নীলা বায়ুনি-ধূসর। গোডা শরিলত লাল এদ্দে শাদামিক্কা ধূসর ফোঁডা। ফিডর শাদামিক্কা ফোঁডাইন ডাহদি ৭-৮ৰো শিদা লাইনত শাজাইন্যা ত়াহে। হম বয়ইশ্যা টুট্টেঙর লেঞ্জাত এগজা ড়াঁডঅ-নীল এদ্দে শাদার হাস়াহাস়ি রঙর বলয় আস়ে। মাত়া শরিলত্তুন এক্কানা ডঁ৴র, নাহর ডগা মইন্যা এদ্দে ৱোঁতা। সোগ ডঁ৴র ডঁ৴র, মনি ফালি গইর্গা ফান। লেঞ্জা এক্কানা নুয়াইয়্যা। লাম্বাত নাহর ডগাত্তুন ট্যাঙ লতিক ১৭ সেমি এদ্দে লেঞ্জাঅ প্রায় এদ্দুর। টুট্টেঙর ডাক চড়া, স্পষ্ট এদ্দে বউত দুরত্তুন উ়না যায়। ডাহর লাইএ নাম ইবা। কক্কক্ আবাজ দি ডাক শুরু অ়য়, ইয়ারবাদে ‘টুট-টেঙ’ ডাহে হয়েক বার এদ্দে স্পষ্টগরি। উ৴ন কীটপতঙ্গ, গ়রর টিকটিকি গুরা ফাইক এদ্দে গুরা আঁফ হায়। সাদর ডাহদির ৱাঁ৴ ফাঁক-ফোঁকড় বা গাত্তাত নইলে গাস়ত তাহে। ব্যাপক নিধনই বিপন্ন হওয়ার কারণ। বউত কেয়াই ৱুলগরি টুট্টেঙরে বিশঅ৴লা সরীসৃপ বুলি মনো গরে। টুট্টেঙ দইন এশিয়াত মুসিবতত আস়েদে এইল্লা উগ্যো ফ্রানি। বাংলাদেশ উদ্যো মায়ানমার, থাইল্যান্ড, ভিয়েতনাম, লাওস, কাম্পুচিয়া, মালয়েশিয়া, ইন্দোনেশিয়া, চীন এদ্দে ফিলিপাইন উদ্যো বউত দেশত ৬০০ৰোর হাস়াহাস়ি জাতর টুট্টেঙ আস়ে। বাঙলাদেশত ২ জাতর হাস়াহাস়ি টুট্টেঙ দেহ়া যায়। এশিয়ান ফুরানা আয়ুর্বেদিক চিকিৎসা এদ্দে আধুনিক চিকিৎসাায় হাঁপানি,এইডস, ক্যান্সারর দাবাই তইয়ার গইত্তে ইবা ব্যৱার গরা অ়র। কার্যত দাবাই ইবা এদ্দে ফরিক্কা ফলপ্রসূ ন অইলেঅ টুট্টেঙর অ়াজিযন এদ্দে শিকার সলের অবৈধ ভাবে এদ্দে অহরহ। |
|
