Wp/ctg/চাটগাঁইয়া ভাশা

< Wp‎ | ctg
Wp > ctg > চাটগাঁইয়া ভাশা

চাটগাঁইয়া ভাশা অ়ইলদে ইন্দো-আর্য ভাশাগোস্টির উগ্যো ভাশা। ইবা বাংলাদেশর চিটাঙ অন্সলর মেঁইঁশঁর ফইলা ভাশা। ইবাত এহ়ন, ১ কোটি ৩০ লাক়রঅ বেশি মেঁইশে হত়া হয়। ২০২০ শালত নিয়লইন্যা কানাডার উগ্যো ওয়েবসাইট ৱিজ্যুয়াল ক্যাফিটালিস্ট মজিন দুনিয়ার ১০০ৰো ৱাশার মইদ্যে চাটগাঁইয়া ৮৮ নম্বরত জাগা ফাইয়্যিল এদ্দে বাংলাদেশত বাঙলার বা৴দে দুসরা ডঁ৴র ভাশা ইশেফ্যে জাগা ফাইয়্যে।[1] বাঙলা ৱাশার ল৴য় চাটগাঁইয়ার কিস়ু শম্ফর্ক ত়৴নর লাই বুলি চাটগাঁইয়ারে কিয়াই কিয়াই বাঙলার উফৱাশা হইতো সায়, জুদি অ় ৱাশা দুনোৰার উগ্গার ল৴য় উগ্গার হনো মিল নাই।[2] এতল্লায় বুলি বেশদ্দক ৱাশাবিদে এই ৱাশাৰারে উগ্গা আলিদা এদ্দে শতন্ত্র ৱাশা ই়শেইফ্যা বিয়েসনা গরি তায়।[3] এহ়ন, সিটাইঙগা ৱাশার হনঅ নিজুরার অ়রফ ন ত়াইলেঅ বউত কিতাব এদ্দে অইন্যান্য জাগাত বাংলা, আরবি এদ্দে লাতিন অ়রফ দি ইবা লেহ়া অ়য়।[4]

কেটাগরি edit

সিটাইঙগা ইন্দো-য়ুরোফিয় ৱাশা ফেমিলির ইন্দো-আর্জ ব্রান্সর ফুগর ব্রান্স ইন্দো-আর্জর উফ-ব্রান্স বাঙলা-অশম্‍য়া শাক়া। এক্কু কেটাগরির আরঅ় ৱাশাঅক্কল অ়ইলদি সিলেইট্টা, রোৰাইঙগা, বাঙলা, অশম্য়া, উরিয়া এদ্দে বিহারি ৱাশা। ই়য়ান বাদেঅ় ইন্দো-আর্জর হিন্দির ও়য়াঁরে সিটাইঙগার দুরর উগ্গা মিল আস়ে। অইন্য বাংলা-অশম্‍য়া ৱাশাঅ়লর না৴ন সিটাইঙগা ফালি ৱাশাত্তুন আইশশে, জিবা ইন্দো-য়ুরোফিয় ৱাশাঅক্কলর উগ্গা সিন্তাগইরগা মুরব্বি ফ্রোটো-ইন্দো-য়ুরোফিয় ৱাশার ফরর গোশ্টি।

জিওগ্রাফি এরিয়া edit

এহ়ন, সিটা৴ঙ এদ্দে ককশোবাজারর মানুশ অ়৴ল সিটাইঙগা ৱাশাত হত়া হয়। উ৴ন বা৴দেঅ রাঁ৴মাটি, বান্দরবান এদ্দে হ়াগরাস়রির বেশদ্দক মেঁইশে ৱাশা ইবাত হত়া হয়। ২০২০ শালর ইশাফ মজিন ১ কুটি ৩০ লাক় মেঁইশে সিটাইঙগা ৱাশাত হত়া হয়।[4]

বিআকরন edit

  • সিটাইঙগা ৱাশার বিআকরন বাঙলা ৱাশার বিআকরনত্তু আলগ। কিস়ু কিস়ু জাগাত অশম্য়া ৱাশার লয় মিল আস়ে। তই, সিটাইঙগা ৱাশার নিজর বিআকরন আস়ে, সিটাইঙগা ৱাশা আর হনো ৱাশার বিআকরন ফলো ন গরে।
  • বাঙলা বিআকরনত না বুজ়াইন্না 'অব্যয়' হামর(ক্রিয়ার) ফরদি বইয়ে লেকিন সিটাইঙগা বিআকরনত না বুজ়াইন্না 'অব্যয়' অ়ক্কলশঁত হামর(ক্রিয়ার) আগদি বইয়ে। বুজ়াবেল্লায় এডে হদি৴ন মেস়াল দিয়া গেইয়ে। জেঁ৴নকি-
  • সিটাইঙগা > বাঙলা

আঁই ন জাইয়্যুম > আমি যাবো না।

আঁই হাম ইয়ান গরিত ন ফাইরগুম > আমি এই কাজটা করতে পারবো না।

  • সিটাইঙগা বিআকরনত টানর বেশহম অ়ইলে হাল(Tense) বদলি জাগই , বাঙলাত এইল্লা হনো বইশিশ্ট নেই। জিয়ান বাঙলাত্তু সিটাইঙগা আলগ অ়ইবার এক্কান সিন্ন। জেঁ৴নকি -

আঁই ইস্কুলত ন জাই > আমি স্কুলে যাই না।

আঁই স্কুলত ন৴ জাই > আমি স্কুলে যাই নি।

  • ইন স়ারাঅ় উফসর্গ (Suffix), অনুসর্গ(Prefix) এদ্দে আরঅ় নানান ডইল্লা উফায়দি লফজর সাইজ বারনর মিক্কাদ্দি বইসিত্র আস। জেঁ৴নকি -

হাম ইয়ান গেলদে হালিয়া গইজ্জি দি/গইরগি দি > কাজটি গতকাল করেছি।

হাম ইয়েন ইয়া/এহন গরির > কাজটি এখন করছি।

হাম ইয়ান আইয়েদ্যে হালিয়ে গইজ্জুম দে/গইরগুম দে > কাজটি আগামিকাল করব।

  • বাঙলা টোনাল ৱাশা নয়, লেকিন সিটাইঙগা টোনাল ৱাশা। মানি, সিটাইঙগা ৱাশাত এক্কুই লফজর টোন (শুর) অ়র বদল অ়ইলে আরেড্ডইল্লা মানি বুজায়। জেঁ৴নকি -

ফর - পড়

ফ৴র - আলো

হানা - অন্ধ

হ়ানা - খাবার

লফজ অ৴ডার (শব্দক্রম) edit

সিটাইঙগা ৱাশাত লফজ অ৴ডার, মানি লেইন অ়য়দে সাবজেট-অবজেট-ৱার্ব ইয়ানেকি গরইয়া-গরনি-হাম (বাঙলা: কর্তা-কর্ম-ক্রিয়া) লাইনত।

জেঁনকি: * ই়তারা হামত জারগোই।

(গরইয়া) (গরনি) (হাম)।

বাঙলা তরজমা: তারা কাজে যাচ্ছে।

(কর্তা) (কর্ম) (ক্রিয়া)


আঁই ৱাত হ়াই।

ইতি টিৱি সা৴র।

ইতে সাইকেলত সরের।

ই়তারা ক়েলা হ়ার।

মিডিয়াত বেৱার edit

শেফালি গ়োশ এদ্দে শেমশুন্দর বইশনবরে হ৴য়দে সিটাইঙগা গানর রাজা এদ্দে রানি। আরঅ় আছে সিটাইঙগা ৱাশার শিল্ফি সিরাজুল ইসলাম আজাদ। মেইজৱান্ডারি গান এদ্দে হবির গান ডঁ৴র সিটাঙর নামগরা টেডিশন। হবিয়াল রমেশ শিল এজ্জন নামগরা শিল্ফি এদ্দে গিতিহার। আদ্দুল গফুর আ়লি সিটাইঙগা ৱাশাত বেশিৱাগ সল অ৴লা সিটাইঙগা গান অ়ক্কলর গিতিহার এদ্দে শুরহার। তেঁ দুই আ়জারর বেশি সিটাইঙগা ৱাশাত গান লেইক্কে এদ্দে শুর গইরগে।

সিটাইঙগা ৱাশাত ব৴ত ডইল্লা গান আস়ে। এডের ৱুতুর নামগরা হদু৴ন গান অ়ইলদি:

  • মন হাসারা মাজ়ি তোর সাম্ফানত সইত্তাম নঁ।
  • অ জেঁডা ফ়ইরার বাফ
  • বাঁশহ়ালি মইশহ়ালি ফাল ওড়ায় দিলে সাম্ফান
  • সাম্ফান কেককুরত
  • মদ়ু হই হই আঁরে বিশ হাবাইলা
  • টেন্নাইফ্ফা ফ৴না শু রি মইশহ়ালির ফান রে
  • বাইক্কা টিঁয়া দে
  • আঁই আইলে এ়নকা গরঅ়
  • হেড মাস্টরে তোঁৰারে তোৰার
  • আই ৱাত নহায়ুম গোশশা অয়ুম
  • জার‌অ় গ়রত গাই গরু নাই তারত বেসের দই
  • গ়ুম যারে বাসা তুই
  • শুজ্য উডেরে ভাই লাল মারি
  • ওরে হালা ৱোওঁরা আঁই আইজো ফুলর হঁর়া
  • বন্দ়ু আঁর দুৰার দি জঅর
  • আইলা অশমত বেইন্না ফজরত
  • হতদিন অইয়্যেদে বারিত নজাইদ্দি
  • অ হালাসান গলার মালা
  • ফ়িরিত মানি ফুডুর ফাডুর
  • নজাইও দুবাই বন্ধু আঁরে ফেলাই
  • যদি শুন্দর এক্কান মন ফাইতাম
  • বানু রে অ বানু
  • কুতুবদিয়া আঁর বাড়ি
  • নাতিন বরই হ়া
  • রশর হতা হই হই
  • হইলজার ৱিতুর গাঁত়ি রাইক্কুম তোঁৰারে
  • বাইন দুৰার দি নোআইশ্শো তুই
  • ও ৱেই আঁরা সাটগাইয়া নওজোৰান
  • রইশ্যা বন্ধু স়ারি গেলগই

ইয়া সিটাইঙগা ৱাশাত অনলাইন সিফ্লাস টিৱি ফসার অ়য়। ইয়ান বাদে অ় বাঙলাদেশ বেতার এদ্দে বিটিৱি সিটাঙ সিটাইঙগা ৱাশাত অনুশ্টান সলায়। তার লয় সিটাঙর ইয়ার জুৰান ফুৰআ স়া ব৴ত বেশি ৱাশা ল‌ই সিন্দা গরে, তারা রিগুলার নানান জাগাত সিটাইঙগা ৱাশারে তুলি দ়রিবার হাম গরের।

আরঅঃ সঅন edit

চিটাঙ

চিটাঙ বিভাগ

ডঁঅর চিটাঙ

বাঙলা

অশম্য়া

হিন্দি

সিলেইট্টা

সাম্মো

ইনফরমেশন edit

  1. Ranked: The 100 Most Spoken Languages Around the World
  2. Lua error in package.lua at line 80: module 'Module:Wp/ctg/উদ্ধৃতি/সাদাতালিকা' not found.
  3. Template:Wp/ctg/Cite book
  4. 4.0 4.1 Lua error in package.lua at line 80: module 'Module:Wp/ctg/উদ্ধৃতি/সাদাতালিকা' not found.