Wp/chn/stik (tipsu)

Stik ixt pchix "tipsu", pi ixt stik t'uʔan yuɬqat pi q'əl "iɬwəli" (wəx̣t "stik" ixt nim pus stik-"iɬwəli."). Iləp ulman stik chako 370 milyən khul anqati. Hayu pchix tipsu ɬaska saya-tənas chako stik, qhiwa ɬaska chako hayash. Nsaika təmtəm: 3,000,000,000 stik ɬaska miɬait khapa khanawi iliʔi: 400 stik pus khanawi tilixam. Khapa khaliponiya-iliʔi, iləp sax̣ali stik (380 ft / 116 m) khapa khanawi iliʔi, "Hyperion", miɬait. Wəx̣t khapa khaliponiya-iliʔi, "General Sherman", iləp-hayas stik (52,500 ft³ / 1,487 m³)khapa khanawi iliʔi miɬait, Wəx̣t iləp-ulman stik (5,078 khul), miɬait khapa khaliponiya-iliʔi.

stik

Kəphit "stik" nim pus stik-"iɬwəli". nawitka, tilixam ɬaska mamuk ukuk pus mamuk hayu ikta kakwa haus. ukuk ikta luʔlu tsəqw pi məkhmək khapa ixt stik.

stik-skin (kʰalakwati)

Ɬax̣ani ixt stik, maika t'ɬap stik-skin, əbə "khalakwati." ina məkhmək hayu stik-skin. anqati tilixam ɬaska məkhmək stik-skin pus hilu hayu məkhmək-iktas ɬaska. khalakwati-stik-skin pi tq'up-stik-skin pus mamuk ikta kakwa kənim pi upq'ənəx̣.

tipsu

Kakwa hayu pchix ikta (əbə "tipsu), stik ɬaska mamuk tipsu pus iskam san-t'wax̣. Wəx̣t ixt stik mamuk tipsu pus mash chəqw.

lalasin

Kikwəli ixt stik, kʰapa iliʔi, maika t'ɬap lalasin. Lalasin mamuk-mitxwit ixt stik, pi stik mamuk lalasin pus iskam tsəqw pi pus məkhmək.

nim pus hayu stik:

tɬimin stik:

(kakwa k'hiphwat ɬaska tipsu)

ina-stik

khalakwati-stik (Thuja, etc.)

lakum-stik (Abies)

phain (Pinus)

seqaɬ (Picea)

q'əl stik:

(t'uʔan ɬəq'əl tipsu)

ina-stik (Salix)

isik-stik (Fraxinus, Acer)

k'anawi-stik (Quercus)

lipum-stik (Malus)

tk'up-stik (Betula)

wəx̣t nanich

stik-iliʔi