Khalakwati-stik ebe tush-stik ixt nim pus hayu hayas stik.
Nim-ikta edit
Lakit "khalakwati-stik" miłait wik-saya yakwa:
- Cupressus nootkaensis, kopa maiʔmi kinchuch-kolombi, pi wix̣t washintan-iliʔi pi olekin-iliʔi łaska limutai.
- Thuja plicata, kopa maiʔmi iliʔi kopa kinchuch-kolombi, washintan-iliʔi olekin-iliʔi, pi wix̣t aidaho-iliʔi pi kʰaliponiya-iliʔi kʰul sitkəm.
- Chamaecyparis lawsoniana,
- Calocedrus decurrens, kopa olekin-iliʔi pi khaliponiya-iliʔi łaska limutai.
Tłunas kanawi ukuk stik (pi wik Calocedrus decurrens) chako elip hayas kakwa 200' (60 m.) Wix̣t-tenas Calocedrus decurrens
Qhata tilixam mamuk ukuk stik edit
Łush maika mamuk upq'ənəx̣ khanumakwst khalakwati-stik yaka khalakwati.
Ikhanəm pus khalakwati-stik edit
Kopa Łinkit-tilixam łaska ikhanəm, "Notsiłane" mamuk ixt khalakwati-stik qənchi yaka mamuk "Łiʔil-Pish" (elip kakowan.)
Hesiquaht-tilxam t'uʔan ixt ikhanəm, pi kopa ukuk ikhanəm, ixt hayas-kakaʔ tłap łun łuchman wik-saya saltchəqw, qha łaska mamuk-dlai samən. Ukuk hayas-kakaʔ wawa: "Mesaika t'uʔan k'was pus kakwa ixt, ebe itswut, ebe lilu?" (pi wix̣t x̣luima x̣ələl-ikta.) Kanawi łun łuchman k'ilapai-wawa: "Wik", pi wix̣t łaska wawa: phuphup pałach k'was kopa łaska. Hayas-kakaʔ k'ilapai kopa stik-iliʔi, pi yaka wawa kakwa phuphup. Ukuk łun łuchman kuli sax̣ali kopa limutai, pi qənchi x̣auqał-mamuk-win łaska, łaska chako kakwa khalakwati-stik. Alta kakwa łuchman łaska yakso ixt khalakwati-stik yaka khalakwati, pi khalakwati miłait kopa limutai.
Khalakwati wix̣t ixt nim pus stik-skin.