Wp/blc/Stl'xlxlxsm

Wic wa stl'xlxlxsm wa alh7ay wa tsitstsipii, stl'xlxsmnaw ala kulhnks wa stn, s7icyaasnmnaw ca tsakwliwa. Lhkw'aw wa acwlh ts, qiqtinaw tuu wa acwlh.

ti mucwmukwiixw tc

1. ti mucwmukwiixw

Tic ti mucwmukwiixw ti lhkw'anats tc ala stl'xlxlxsm ts.^[1]

ti ts'yaaxw tc

2. Ti ts'yaaxw

Tic ti ts'yaaxw ti k'cicw ti tsitstsipii alh ti 2tum ti alhqulhuus tc.^[2]

ti sts'piilh

3. ti sts'piilh-tum ti stl'xlxlxsm

tic ti sts'piilh ti qiqti tc ala stl'xlxlxsm ts.^[3] Tic ti "Downy Woodpecker" wa itts'xlhiixw wa skwatstas ti qiqti ti stl'xlxlxsm tc alh Nuxalk.^[4]

wa qw'las wa stl'xlxlxsm

4. Ayutsakw' wa acwlh ts sts'yaaxwtum ti tl'xlxlxsm t'ayc - axwlits Joshua Moody.

Iniclhnus wa stl'xlxlxsm - tic ti tsitstsipii, alh7ays ti slhkw's c ti ha7u - ti alhk'cicw ti alh ti 4tum ti alhqulhuus - ti "flicker"-tum tc. ayutsakw wa acwlh ts stics ti flicker ti ts'yaaxw-tum tc. Kamalh7alh7ays, ts'yaaxw-tum wa lhnus wa alh7ay - ti tsitstsipii t'ayc n ti mukuus ti lhkw' ti stl'xlxlxsm tc alh ti 2tum ti alhqulhuus tc. Tic tuu ti alh7ayutsmim ca s"Hairy" - alh7ayliwas tx c ti sts'piilh-tum, lhkw's kuks - alh7ays c ti t'iclhala slhkw's tc.^[5] K'cicw tc alh ti 5tum ti alhqulhuus tc.

5. ti stl'xlxlxsm tc, alh7ayusliwas c ti sts'piilh, lhkw's kuks tc alh tc

References

[1] Joshua Moody

[2] Mrs. Carlson

[3] Hank Nater

[4] Dale McCreery

[5] David Sibley

[1]

[2]

[3]

[4]

[5]