Tic its'ik Joshua Moody tu asnuxalkmcuts tu staltmc, tanapsulhs alh Q'umk'uts ka ilaaxaycs Harlan Smith n Thomas McIlwraith ulh Nuxalk alh 1920-1924. Tic tu kukwpis Larry Moody Sr.. Wic Nusmata wa sawasiixw wa skwatstas, k'am7ayliwas c tu skwatstas ta slh7imts, Larry. Tic Joshua ti acwsaltcw ta Harlan ala kulhulmcilh ts, n wa alhkwtl'ilh ts n wa tsay wa acwlh wa ts'ktalh ts ala awcwa. Alhhukwalas tuu tx.[1]
Wa smayustas edit
Stl'mstaliwalhs tu ta Joshua - clhsmayustas tx ca mus - tu smayustas Nutl'lhiixw, tu smayustas Snut'li (apsulh), tu smayustas Asklhta, n ti smayustas Nats'i.[2][3]
Wa sulhs edit
K'caynicim wa sulhs Nusmata ala alhqulhuuss Q'umk'uts - Alhtxuq'uulhs tu sulhs txw ala sulhs Tl'alamin (Alex Clallamin).