Wp/blc/T'iclhala

Wicanaw wa t'iclhala ts wa nuyamlh wa tsitstsipii ts s7amlhams, siputl'aw wa smlhk ts ula anuxumlh ts. mukulhankaw, was sk'culhiikaw ts. alhnapliwatim txw s7aytut wa tsakwliwa ts. Knicit tuu wa sqaluts ts. Alhitimutaw wa acwlh wa t'iclhala ts alh Nuxalk ssutkams. Aynakwtuu wa acwlh ts s7ixwamaw ula ats'aaxlh ts, lip'tsutaw ulh Nuxalk s7a7mlhanmis.

ti tsitsipii - kalaalhmim k'u alh Nuxalk

ti s7alh7aynaw ala tl'msta

Axw alhpstim ts cu tl'msta. Acwsanaw ts alh ti snuyamlh tc, wics siyanicilh ska anustsayanmtilh ts s7alh7ayutsaw. Smsmayamkim ti t'iclhala tc - smsmayuustinilh s7alh tu ayk' txw, anaykakw tu tl'msta ska ays t'iclhala, ska ayawis ti syuts tc. Way, ays tu tc cts, axkuks putl'akw wa slax wa smlhk ts ula anuxum ts. Axw its'ik tuulwamktsutakw tu tl'msta txw ska putl'aynictit wa alhputl' wa smlhk, alh7ays snuyas wa qla ts. Slaxaw ts - wic its'ik si7axw paaxulh ka k'cilhtcumalhaw ts.

alh7aynaw sninitsaw ts

ti t'ict'iclhalayii ala kulhanks ti t'iclhalayulh

Tutu7imantanaw wa t'iclhala ts ala staq'aax - aytut wa imantanaw ts smakw'ps ts ula asmuskw'ps ti stl'uk's tcala stntnii. Aynawkw' sts'ktanaw ula kulhulmcilh ts wiclhta amatapsulhaw txw alh tu ats'aaxlh txw. nu7usqnamkit wa q'panaw ts ulh txw - asimlts its'ik ilh cna7slh ilh - axwmas alh7ays ti imlaakwlh tx. Nu7sqnamkit ma wa asmus wa qwitliwa wa q'pa - ama7itsk s7aytut wa ts'iculh wa alh7ay, wa t'iclhalayulh ts. ts'klaktaaxams putl's wa musaax wa suncw ts s7ays tsc, asimlts ala q'pas alh ti imantanaw tc. k'am7ayliwas sslaxaaxs wa suncw ts s7alhpstutimkw wa t'ict'iclhalayiinaw ts, wa mnnmtsinaw ts. Asmusams s7aynakw alh ti smalacw tc. Ta swaltim wa t'iclhala ts ca mnmntsinaw ts, sastaw wa amatalaaxt ts ulh ti qw'las ti stn, tutu7imantanawtuts' alh tc.