Tic ti kwa7yalaqs ti qiqti ti tsitstsipii, ti alhi tc alh ti alhqulhuus t'ayc.[1] Axw walis Nuxalk sutkams.[2] Slaxaw ats ala awcwa.[3] Ulx tc - yanicis ska alhps ala k'maalhtim wa nmnmk' ts.[3] Ustcwakw ala matl'ap ula sulhuks.[3]
.jpg)
ti s7alh7ayuulhliwas tc
editkwa7yalaqsaqw's ti tsitstsipii t'ayc - sk'culhiixws kuks. alh7ays ti slhkw'aw tc c ti t'iclhala.
ti s7alh7ays tc ala ts'ktas
editAlhps tc ala mamis ts, wa tsakwliwa ts, wa nut'xtiitk ts, wa nmnmk'ii ts, n wa tsitstsiipi ts. Alhpsaw tuu ca qwalas, n wa qiqti wa papink. Kalaqw'smtim ts ala clhslalimstskak wa asikaax ts. Alh7aynaw c ti Astas tc sq'awit wa acwlh wa snknicaw ts ula s7anaykmit. Yanicit ska aytut ti imantanaw ts alh ti clhqwals ti stn. mtiis tsi cnaaslh tsc ala 2-6 wa q'panaw ts. Anukaliktiilhams smtiis tsc alh txw, alhpstum kw' c ti imlaakwlh tc.[4]
wa slhk'mstas ts
editKamalh-k'ctst c ti kwa7yalaqs - ala alats'iitutis wa acwlh wa asikaaxlh wa nmnmk' ts stakannu ula su7ulmcaw ts. Acwsannaw tuu alh ti s7anusq'xuuts tc.