Wic wa kasmlhkm wa acwlh wa tl'kukwtsm wa tsitsipii. Ts'icw ma wa s7alh7ay wa tsitsipii ts, wa alh7ay c ti tcncni alh Nuxalk.[1] Alhpsaw wa acwlh ts ca tsitstsipii, aynaw kw' wa acwlh ts ca smlhk, was s7aynakw'tuu wa acwlh ca ank'pts n wa alh7ay.
.jpg)
wa skwatstas tc
edit.jpg)
Tsuts Charles Snow s"kasmlhkm"-tum wa alh7ay wa tsitsipii. Ayuts kw' Tsayliwa (Felicity Walkus) "kalhsmqw'm" n "kalhtsmqw'm". Tsuts kuks David Moody "kalhtsmq'm".[2][3][4] Ayutsa-kwtuu ti wal s"kalhsmlhkm"-tum tc.
Alhinaw tuu wa stsicts'ix ts n wa kalhsmlhkmi ts.
ti kasmlhkm
editTic ti k'cicw alh ti 1-tum ti alhqulhuus ti kasmlhkm. Tics tc ti lhkw' tc ala tsay wa kasmlhkm ts - samwiis t'ayc ti issmlhk ti kasmlhkm - kalhnmnmk'iinaw wa acwlh ts. Tam7imantas tc ala atma wa alh7ilhm wa stn ts, iklhi ala qla ts. Sunsupts tc. alh7ays ti slhkw'aw tc c ti qiqti ti xaxaq'. Wics "osprey" wa itts'xlhiixw wa skwatstas ti tsitstsipii t'ayc.
ti qw'las ti kasmlhkm
editKasmlhkm-tum ti k'cicw ti tsitsipii alh ti 2-tum ti alhqulhuus tc. Axw alhps tc ca smlhk - anusyamis kuks wa ank'pts n wa tsitstsipii. tutu7imantas ala tsakwaax wa stn ts ala amats wa slawsikalh. Ts'xulhank tx, was sk'culhiks. mukulhankaw wa acwlh ts. Axw walis Nuxalk. Wics "red-tailed hawk" wa itts'xlhiixw wa skwatstas tc.
ti kasmlhkmi
edit_-_Flickr_-_Alejandro_Bayer_(2).jpg)
Kasmlhkmi-tutim wa qiqti wa kasmlhkm - alh7ays ti slhkw'aw tc c ti t'iclhala. tam7imantanaw ts ala nutsq ala stn. k'caynictim ts ala awcwa alh Siqalxm.[1] Wic "Falco Sparverius" wa itruummciixw wa skwatstas tc. Wics "Kestrel" wa itts'xlhiixw wa skwatstas ti kasmlhkmi t'ayc.
ti kiwkiwlit ti kasmlhkmi
edit.jpg)
inic-maw ti s7alhay i kasmlhkmi - ti kiwkiwlit tc. Axw alhnapilh kamalh-clh-skwatstas ti kalhsmlhkmi t'ayc ala slhk'mstalh ts. Tutu7imantas tc ala stntn ts. Yanicis ska iputsuts kamalh-lhxanms. kiwkiwlits tc. axw walis Nuxalk.
ti stsicts'ix
edit.jpg)
Tsuts Franz Boas stsicts'ix-tum ti smaw ala kalhsmlhk ts.[5] Samwiis ti k'cicw ti tsitstsipii alh ti alhqulhuus t'ay ti alh7ayuts tc - tsictsiclits tc. wics "northern harrier" wa itts'xlhiixw wa skwatstas. alhk'cim kw' tx alh Nuxalk. Tutu7imantanaw ts ala kulhulmc ts.[6] Kalhtsitstsipiinaw ts.[1] Ts'xws wa spuxulhankaw ts. sk'cliwa kuks wa spuxulhikaw ts.