Timor Leste atawa name resminye Republik Demokratik Timor-Leste (Tetum: Repúblika Demokrátika Timór-Leste) 'ntu adalah sebuah negare nyang terletak di Asia Tenggara. Negare ini terletak di bagian timur dari Pulau Timor. Dikelilingi ame Laut Timor di selatan, Selat Wetar dan Selat Ombai di utara, NTT, Indonesia di barat dan Laut Banda di timur. Ibukotanye adalah Dili. Timor Leste sempet jadi salah satu propinsi dari Indonesia sejak taun 1976 dan lepas pade taun 1999. Selepas 'ntu Timor Leste resmi jadi negare merdeka secara penuh pade 20 Mei 2002.
Luas wilayahnye 14,874 km2, karnanye ini negare merupakan negare terkecil ketiga di Asia Tenggara. Penduduknye pada taun 2010 berjumlah 1,066,582 dengan kepadatannye sebanyak 76.2 orang/km2. Walopun ini negare letaknye di Asia Tenggara, namun die cume pengamat ASEAN, bukan anggota.