| كمال مسعودي | ||
| [[Image:|220px|center]] | ||
| السميّة الحقّانيّة: | ||
| خدايمهُ: | مغني شعبي | |
| تاريخ تاع الزيادة: | 30 جانفي 1961 | |
| بلاصة تاع الزيادة: | بوزريعة | |
كمال مسعودي edit
فنان من لفن اشعبي. كمال مسعودي مغني و شنتار فلفن شعبي زايد في بوزريعة في 30 جانفي 1961 في وسط عايلة قبايلية لي اصلها من بلدية ازفون ولاية تيزي وزو جازاير.ومات في 10ديسمبر 1998 على جال حادث سيارة . كان عازف و مغني شعبي
حياتو edit
كمال مسعودي زاد في 30جانفي 1961 في بوزريعة و بالتحديد في حي شعبي في لعاصمةتاع الجازاير .كبر كمال في وسط عايلة متواضعة دوريجين قبايلية(حي بوعلي بلدية فراحة ايت مجناد).او عاش في كارتي "قي صولاي"ملي كان صغير و هو يهتم بسبور و [/wp/arq العروض] كثيرا .بصح باباه كان ديمايحفزو و يشجعو باش يكمل قرايتو كثر مالفن لخاطش كمال مسعودي كان مهتم يقرايةبزاف و مليح .
بداية مشوارو الفني edit
كمال مسعودي ملي كان صغير و هو متاثر بخوه الكبير لخاطرش كان مهتم بالغناو [/Wp/arqالفن ] بزاف . ايا من بعد قرر هو تاني باش يولي مغني كبير و مشهور كيما خوه.بداياتو كانت في 1974 عنما ترٲس مجموعة تاع موسيقى شعبية و بفضل الصوت تاعو كامل الناس تاع الحي تاعو بداو يعرفوه و يحبوه اكثر و اكثر. في 1985 نشر كمال مسعودي الديسك اللول نتاعو بصح مالڨري الستيل الجديد نتاعو في الغناء مالقاش نجاح كبير هاكداك و تباع في سنة 1990.صنع اول البوم ف عام 1985 مي منجاحش بصح بقى غير يعاود حتى لعام 1991 لي بانت فيها غنية الشمعة لي بدلت حياتو و عطاتلو موعد معا شهر مرا ودخرا .
ستوديو الراحل كمال مسعودي edit
عبد القادر دعماش.[1]هو واحد من حبابو لمقربينليه قاوي.لخاطرش كمال مسعودي كان من اهم جدد ف غنية شعبية.و دايمن يحوس على كل شي باه يبتكر.كان يقول عبد القادر دعماش على لمرحوم هدا هو شي لي ميزوا ما بين لجيل م لمغنيين لفن شعبي.ا لحاجة لي متتصدقش قال عبد القادر دعماس بلي كان لمرحوم يدرب على تسجيل غناه في لاتولي تاع واحد من صحابو.ا هدي هي ضروف تلمت و خلات كمال مسعودي عندو طاقة كبيرة و لي تحولت مزرية الى غنيات تتسمع مع لعايلة ا لحد لان.
نجاح كمال مسعودي edit
في سنة 1991 ، لقى كمال مسعودي نجاح كبير على جال لغناية نتاعو الول الشمعةو من هاداك العام نشهر بزاف . كان كمال مسعودي متاثر بزاف بلشيخ الحسناوي ٬ سليمان عزام٬معطوب يونس او دحمان الحراشي.كانت غنية الشمعة [2]شهرة كبيرة للفنان لجزايري كمال مسعودي لخاطرش تتعلق بتاريخ وجع بلاد الجازاير و لهي يمات لارهاب ف تسعينات م لعوام لي فاتت.الشمعة هي من اجمل و اشهر غنيات كمال مسعودي و هو علم من اعلام مو سيقا شعبي لجزايرية .خرجت عام 1991كيف كيف معا بداية لجزاير و هي رايح لهاوية لقتل و ضلمات وهدر فيها لحقيقة و بكل صدق على لوجاع او لمزرية لعاشها كمال مسعودي في داك لوقت .غنية الشمعة غناها من قلب او دخلت في قلوب لجزايريين لخاطرش لغنية مست لوجاع او لمزرية لي عاشها و لهي ليالي لارهاب .
الشمعة غنية شهرة edit
حكاية شمعة.[3]كانت غنية "شمعة"غنية زهر و شهرة لفنان و لمرحوم كمال مسعودي لله يرحم.لخاطرش كانت تحكي بشي لكان صاري ف الجازاير.يمات كحلة.و لهي وقت لارهاب وقت تسعينات م لعوام لي فاتو .ملا خرجت هدي لغنية عام 1991. و كي خرجت كانت تحكي عل لوجاع ا مزرية شعب لجزايري .و شي لي ميعرفوهش قاوي م ناس هو بلي لمرحوم كمال مسعودي بدا حياتو لفنية عام 1974م.هنا وين صنع اول البوم عام 1985م. لمرحوم بقى غي يخدم حتى عام 1991م. لخاطرش كان يحب بزاف لفن. ف عام 1991م خرج غنية "الشمعة" لي درتلو سكسي كبير ا بدلتلو حياتو م راسها لساسها . و عطاتلو شهرة كبيرة بعد سنين م محولات .مي كمال مسعودي بين لفن تاعو ا صوتو لي عجب ناس كامل ا حبوه.
فنانون اعادوا اغانيه edit
وصل صوت المرحوم حتى خارج الجازاير.و تحول غناه خاصة الشمعة لي بزاف فنانين عاودو غناوها.من بينهم لفنانة لبنانية ماجدة الرومي لي غناتها ف حفلة الفنك الدهبي عام 2008 و قالت لفنانة بلي لقات ا صابت صعوبات ف غنية الشمعة يعني جاتها صعيبة ف لحن تاعها.مي قالت بلي عجبتني ف لاحساس تاعها .حتى لفنان سعد لمجرد ف البوم تاعو نتي باغية واحد .فاني غناتها وحدة غناة ف الحان و شباب و لهي رجاء مزيان ف البومها لول بعد ما تخرجت عام 2007.بعد كل هدا لازم نقر بلي لمرحوم كمال مسعودي هو سيد لغنا لحزين.
من اشهر غنياة edit
هادو هوما لغنيال لي كمال مسعودي لي نشاهر ا بان بيهم.[4]
- يا جزاير.
- دنيا.
- مرهون.
- شمعة.
- غدارة.
- فراقك.
- دنيا.
اسرار كمال مسعودي edit
كامل [/Wp/arq شعراء] [5]و لموسيقيين لي خدمومع كمال مسعودي قالو بلي عاود عنية شمعة .لخاطرش كان في وقت شيوخة كانو شادين بلكلاسيك من بينهم شيخ لعنقى و عمر الزاهي و بصوتهم.هو لكان يعشق و يحب لغنية ف كلماتها ا حتى ف لموسيقى تاعها .هو لفنان لي صنع لعجب ككان يغني ا ينطق لكلمات و لحن. قدور فراح:«كانت بداية كمال مسعودي من لاتولي بحي شمس ضاحكة»قال شاعر قدور فراح ل«لمحور ليومي»بلي هو من اعز صحابو ا مقرب ل كمال مسعودي .و زيد على هدا كان جار ملي كانو صغار ف حي شمس ضاحكة .عاشو صغرهم كيف كيف .اقراو ف رحب ا كبرو كيف كيف .و كجا وقت لخدمة صنع قروب صغير و كان عمرهم ميفوتش 16 نعام كانو مع شنتار كمال كشرود.فريد سوداني.... و قال تاني بلي نتفكر مليح كي كان كمال مسعودي ربح ا دا اول كادو ف مسابقة تاع مهرجان لفن شعبي و هو في عمرو 16نعام. ياسين اوعابد:«كمال مات وهو يبدع»قال ياسين اوعابد و هو لي كتب كلمات غنية «يا حسرة عليك يا دنيا»و لكانت لغنية ا لكلمات تليين لغنهم لمرحومو قال عليه ل«محور ليومي»كان كمال مسعودي يحب تحدي و كان دايمن يجدد ف لغنا شعبي و كان محبوب عند كل ناس و قال تاني بلي نبقا نتفكر كمال مسعودي واش كان يدير ا واش كان يحب ا محال ننساه لخاطرش عرفتو من صغري و تاني كان لمرحوم م ناس لعاونوني وقت ضيق .قال تاني ياسين اوعابد ملي تلقيت بيه تعلمت منو بزاف صوالح ا كان يدلي كوراج بله نكمل نكتب .ملا خدمت معاه كما خدم معا لخرين منهم:محمود شايب.كمال شرشال ...و هدا محمود شايب طبيب.مي كان يحب يكتب شعر .ملا ستتفاد منو كمال لمرحوم و غنا من شعر تاعو.مي مات كمال و هو يحب تراث تاعو.و لكلمة تالية لي قالها لصاحبو ياسين اوعابد «ربي عطاك موهبة بلاك تفشل ف نهار م نهرات».ملا كان يمدلي لكراج باه نكتب ا نخدم .عليها جامي لا قلت بلي كمال مات مدام كلام ا هدرة مزالني نسمعها ف ودني.
وفاة كمال مسعودي edit
كان كمال مسعودي من لفنانين لي خرجوا كلمة نيو شعبي.حتى وصل و نشهر بعد ما قدم غنية الشمعة . مي قدر لله مقدرش يكمل واش كان متمني . ا مع لوقت لفامي ا حبابو عرفو بلي كان حاب يدير ا يخدم بزاف من مشاريع للفن شعبي. مات [6]كمال مسعودي نهار لخميس ف 10 ديسمبر 1998. سي كمال لعاصمي و لجزايري كان انسان كريم و قليل و حتى كان صادق و حنين. كان يتالم ف سكات على هداك كان غناه كامل حزين .كان انسان مصلي و يخاف ربي سبحان .وهدا شي لبان في غناه بزاف اشباب.ومكانش يغني اي حاجة ا خلاص بلعكس كان كل غناه يبين حقيقة لوجاع لعاشها هو اشعب لجزايري. كان دايمن يجمع مع ناس محتاجين و مساكين و حتى لي ميخدموش ا لحراقة. مات مسكين و كان في عمرو 38 سنة يمات قبل زواجو . مسكين زواجو كان روطار لخاطرش كان انسان من عايلة محتاجة.ربي يرحم. كان مشوار لفنان كمال مسعودي قصير من 1991 حتى 1998 يعني طال 8 سنين. في عام 10 ديسمبر 1998 ٬عرضوه في شان جازايريةعلى المباشر ٬سالو منشط الحصة و قالو "وعلاش ماتحفظش الكلمات تاع الشعر شعبي٬جاوبو و قالو "الا نحفظ نحفظ ايات القران نصيبهم لعاقبتي ونهار لحساب نشاله "توفى كمال مسعودي في حادث سيارة [7]خطير ٬ وانتشرت اشاعت تقول بلي مات مقتول ومازالو يحروفي الوفات نتاعو .
غنيات كمال مسعودي edit
- الشمعة
- ياحسرا عليك يا دنيا
- نجوم اليل
- كلتوم
- الحنة
- اسمعي يالبنية
- محال انا ننساك
- وين رايحة
- ما نزييد نخمم
- ولاه ما دريت
- مشيت ما شفت وراك
- مابقات الرجلة
- من حب هاديك لغزالة
- يالحبيبة ما تبكيش
- يا عروس -عزيز عليا -انتا لحبيب
- حبيت اليوم نتفكرك
- روح يازمان
- يا محلا الليل
- خليها تعمل ما بغات
- نبغي تكوني مستورة
- نحلم بيك