سيبيريا جاية في جزء الاسيوي من الاتحاد الروسي هي بلاصة هادئة مساحة تاعها 13.1 مليون كم2 كثافة سكانية تاعها قليلة (39 مليون نسمة ولا حوالي 3.51 عدد سكان لكل كيلومتر مربع)، جاية في شرق روسيا و تمتد من جبال الاورال لي جايين في غرب حتى محيط الهادئ، و من المحيط المتجمد في الشمال حتى جبال التاي تع شمال كازاخستان و منغوليا و لصينية .
و هي لي تشكل جزء كبير شمالي تع اسيا و عندها مساحة 77 بالمئة في اسيا، بصح سكان تاعها 27 بالمئة برك عندها مناخ بارد بزاف و قاري، و تميز بمناظر طبيعة هايلة و نصيبو فيها ودان كبار. بكري كانو يسكنوا فيها رعايا ينطقوا لغة تركية غير بشوية حتى ستعمرتها روسيا فما بدا نظام سوفياتي يخرج في نفط و غاز في قرن عشرين، و فان ولاو يقطعوا في شجر.[1]
سبة تع تسمية
editسيبيريا دات سمها من كلمة سيبير اصل تع هذي كلمة مهوش مؤكد . بصح هذا مصطح سيبير بلاك يكون تركي منغولي ،ولا مستنقعات ،ولا صوالح وحدخرين. كاتب كولين ثوبرون شاف انو هذا اسم جا مخلط بين مصطلح منغولي سيبير لي يقصد بيه (جميل, نقي) و التتار سيبير(بلاد راقدة) .[2]
جيوڤرافيا
editالجغرافيا الطبيعية
editالمناطق الطبيعية
editسيبيريا تنقسم لثلاث مجموعات كبار، متميزة جيولوجيا و يقسم بينتهم نهري ينيسي و لينا:
- سيبيريا الغربية (2427000 كلم2 )، شرق واد تع الاورال[3] حتى لخط لي يقطع بين واد تع أوب بينيسي، و هو عرض عريض سهل يوصل حتى 2000 كلم و فيه اراضي هابطة ماهيش مليحة، معمرة ببحيرات و مستنقعات .
- هضبة سيبيريا لي جاية في سونتر (4122000 كم2)، شرق نهر بينسي ارتفاع تاعو يكون بين 300 و 1200 متر فوق سطح بحر سيول و بحيرات عامقة كيما بحيرة بايكال . وفي الجنوب، كاين لجبال عالية تكون من جبال التاي و ساين من 3000 حتى كثر من4000.
- سيبيريا شرقية، و لي معروفة فان باسم لشرق الاقصى الروسي (كثر من 6 ملايين كيلومتر مربع)، شرق نهر لينا، و فيها جبال بزاف تكمل من شرق شبه جزيرة كامتشانكا و سلسلة تع براكين نشطة.
بلاصة قاع العالية في سيبيريا هي كليتشوفسكي، و هو بركان ثائر في شبه جزيرة كامتشانكا.
في سيبيريا كاين بلايص فيهم الغاز و بترول ، فيها 25 / من الماس في عالم . كي يستغلوها يقلقو الناس و يديرو تلوث . سيبيريا كانت تغديسيونال يرحلو ليها لغاشي ولا يجيبوهم للحبس باسكو بعيدة ، و كانو باغيين ينحوها من روس و الاتحاد السوفياتي . باغ كونتر كانو حاسبين بلي عسكر تاع غولاغ مكانوش في سيبيريا و كانو في روسيا الاروبية.[4]
الديانة
editالدين عندو دور كبير في حياة شعب سيبيريا، بزاف فيهم يمارسوا طوائف. الديانة لوفسيال تاعهم هي الأرثوذكسية كاين شعوب فيهم يحافظوا على الشامانية و فان بالنسبة للبوريات بوذيون. عندهم بلايص مقدسيين كيما جزيرة أولخون لي جاية في بحيرة بايكال . الإسلام كاين في جنوب بين التتار . و اليهودية يتمركزو في احواض التعدين وبيروبيجان .
مصادر و مراجع
edit
