المروك هي بلاد في شمال إفريقيا عاصمتها رباط و أكبر مدنها الدار البيضا ساكنين فيها بتقريب 35 مليون بنادم، لغتها الرسمية هي لعربية و لمازيغية.
جغرافيا
editالمروكي في حياتو تع كل يوم
editالمراركة كيما جوارينهم تع الحوض المتوسط يحبو الخير و فخورين بانتمائهم. متميزين بلي تزيد لافوا ديالهم بلخف باش يعبرو على المشاعر تاعهم، علا الفرحة ولا علا الزعاف. الزنق تان نلقاوهم عامرين بزاف، وسورتو في لسواق. المراركة يحبو ملذات الحياة الصغيرة، و تقدرو تتكلو عليهم في لاكاليتي تع الطياب و لا كي يهدرولك على اتاي بالنعناع. لعشية فالمروك وقت سبيسيال، درجات الحرارة تنتعش و تما الوقت المليح للخرجة و الطلة من لي بالكون. المراركة ورثو ثقافة القوافل على هذا يحبو يمارسو ليزافار تع التجارة. المناقشة التجارية راهي تدرس عندهم. لي بري ماينعرضوش مي يتفاهمو عليهم، و ايدا لقيتهم م افيشيين عرف بلي هاديك هي لاباز تع الصفقة.
اللوغة
editالعربية الفصحى هي اللغة تاع التعليم عندهم، تع الادارة ووسائل الاعلام. و اللوغة تع دايمن و كل يوم هي الدارجة. التامازيغت (القبايلية) يهدروها فالريف، في لجبال و فالسوس. و الدارجة تتبدل على حساب البلايص. الكثرة تع المراركة يهدرو الفرانساوية، و بزاف لي يهدرو سبانيولية و لانجليزية.
الكوزينة
editمن الوصفات و البلاوات ديالهم، المروك تشهد على التنوع الكبير اللي تعرف كيفاش توحدو في كيان متجانس فوق أرضها. (اقرا لارتيكل المخصص للطياب المروكي)
لافامي
editكل مروكي متعلق تعلق خاص مع لافامي ديالو، و غير بشوية تعصرنت لافامي المروكية وولاو يحضرو حاجة قليلة ف ليمارياج فورصي، و معندهمش بزاف لي يعددو الزوجات. مي العصرنة هاذي ماهيش في كامل لبلاد، وين النسا في ليفيل الكبار يقدرو يخرجو بلا خيمار، مي في الريف و الجبل قليل باش يبانو في البلايص العامين و لازمهم يخرجو بالخيمار.
الدين
editالاسلام هو الدين الرسمي ديال الدولة و الملك هو الزعيم الديني تع البلاد. 99 بالمية من المراركة مسلمين و بالأساس سنيين. التعايش مع الديانات لوخرة يتم بذكاء من قرون بكري فالبلاد. و الممارسة الدينية تاع الديانات لوخرة مضمونة بالدستور تع البلاد.
المبادلات الثقافية و التجارية مع لوروب أثروا على المروك فالنهج الاسلامي المعتدل. فئة الشباب قعدت مؤمنة مي نقصت الممارسة الدينية للاسلام. يفوت النهار على وقع صوت المؤذن لي ينادي للصلاة خمس مرات فاليوم من المنارة.
في رمضان، المراركة يصومو، ماياكلوش و ما يشربوش و مايتكيفوش من لي يطلع النهار حتى لغروب الشمس. و يتبدل الوقت و تنظيم الساعات في شهر رمضان.
الغنا و الشطيح
editالغنا و الشطيح يدو بلاصة كبيرة في حياة المراركة، و تان الشيوخ لي هوما الودائع تع التقاليد يحركو الاحتفالات العائلية فلفيلاجات كيما لعراس و المعمودية و حفلات وحدوخرين. فالحفلات هاذو يغنو الشعر القديم، النصوص الدينية و لا غنا على الحياة اليومية و يرفدو معاهم البندير.
قواعد اداب السلوك
editباش نبينو للبلد المرحب المجاملة اللازمة، حاجة مليحة لوكان نحترمو عاداتو المحلية . سوء الفهم و المواقف المحرجة يتجنبوهم بزاف فالمروك.