عنوان المقالة عالويكيبيديا هو العنوان الكبير اللي بيكون فوق محتوى المقالة, و هو أساس اسم صفحة المقالة و الرابط تبعها. العنوان بيبيّن شو الموضوع تبع المقالة و بيميزه عن باقي المقالات.
العنوان ممكن يكون ببساطة اسم (أو واحد من الأسماء) تبع الموضوع اللي عم تحكي عنه المقالة, أو إذا كان موضوع المقالة ما إله اسم, ممكن يكون وصف للموضوع. و لأنو ما في مقالين بنفس العنوان, أحياناً لازم نضيف معلومات مميزة, غالباً على شكل وصف بين قوسين بعد الاسم. بشكل عام, عناوين المقالات بتعتمد على شو بينقال عن الموضوع بالمصادر الموثوقة. إذا كان في أكتر من خيار, المحررين بيختارو بين الخيارات حسب مبادئ مختلفة: العنوان المثالي لازم يحدد الموضوع بدقة, يكون قصير, طبيعي, مميز و معروف, و يشبه عناوين مقالات متلها.
هالصفحة بتشرح بالتفصيل الاعتبارات أو القواعد اللي بتنعتمد عليها لتسمية عناوين المقالات. هالصفحة ما بتغطي العناوين تبع الصفحات بمساحات أسماء تانية, متل التصنيفات. فيه قواعد تانية أكتر تحديداً بتكملها, و لازم تتفسر مع باقي السياسات, خصوصي تلاتة من السياسات الأساسية: وجهة النظر المحايدة، إمكانية التحقق، و مو بحث أصلي.
إذا لزم, ممكن يتغير عنوان المقالة عن طريق نقل الصفحة. لمعلومات عن إجراءات النقل, شوف ويكيبيديا:نقل صفحة و ويكيبيديا:طلبات النقل.
تحديد عنوان المقالة
editعناوين المقالات بتعتمد على الطريقة اللي بتستخدمها المصادر الموثوقة باللغة لتسمية موضوع المقالة. غالباً بيكون فيه أكتر من عنوان مناسب للمقالة. بهالحالة, المحررين بيختارو أفضل عنوان بالتوافق, استناداً للاعتبارات اللي هالصفحة بتشرحها. العنوان المنيح لمقالة ويكيبيديا لازم يكون فيه الخصائص الخمسة هي:
- الوضوح – العنوان لازم يكون اسم أو وصف للموضوع اللي أي شخص عنده معرفة بسيطة (مو ضروري يكون خبير) بمجال الموضوع يقدر يتعرف عليه.
- الطبيعية – العنوان لازم يكون واحد من اللي القُرّاء غالباً بيدورو عليه أو يستخدموه, و اللي المحررين بيستعملوه بشكل طبيعي للربط بين المقالة و مقالات تانية. هيك عنوان عادةً بيعبر عن شو بينقال عن الموضوع باللغة الشامية.
- الدقة – العنوان لازم يحدد الموضوع بوضوح تام و يميزه عن المواضيع التانية. (شوف قسم الدقة و التوضيح تحت).
- الإختصار – العنوان لازم ما يكون أطول من اللازم ليحدد موضوع المقالة و يميزه عن المواضيع التانية. (شوف قسم الإختصار تحت).
- التناسق – العنوان لازم يكون متناسق مع نمط عناوين مقالات متلو. (شوف قسم التناسق تحت).
هالخصائص لازم يتم اعتبارها كأهداف, مو كقواعد. بمعظم المواضيع, بيكون فيه عنوان بسيط و واضح بيحقق هالأهداف بطريقة مرضية. بهالحالة, لازم يتم اختياره كخيار مباشر. لكن أحياناً بيكون الاختيار مو واضح, و بيصير لازم نعطي أولوية لهدف أو أكتر على حساب أهداف تانية. هالشي بيتم بالتوافق. مثلاً, العنوان الواضح و الطبيعي و المختصر "المملكة المتحدة" بيتم تفضيله على العنوان الأكتر دقة "المملكة المتحدة لبريطانيا العظمى و أيرلندا الشمالية". (للتفاصيل, شوف قسم استخدام الأسماء المعروفة عموماً تحت).
لما يكون الموضوع عن مجال محدد أو مشكلة خاصة, غالباً بيكون فيه توافق سابق ممكن نستخدمه كسابقة. راجع صفحات القواعد المرجعية. و إذا ما كان في توافق سابق, بيتم إنشاء توافق جديد عبر النقاش, مع مراعاة الأسئلة المذكورة فوق. اختيار عناوين المقالات لازم يعطي الأولوية لمصلحة القُرّاء قبل المحررين, و لمصلحة الجمهور العام قبل المتخصصين.
لازم يتم إنشاء تحويلات لصفحات المقالات اللي ممكن يتم التدوير عنها أو الربط معها بأسماء مختلفة (متل تهجئات مختلفة أو أسماء سابقة). بالمقابل, إذا كان الاسم ممكن يشير لمقالات مختلفة, ممكن يتطلب توضيح.
استخدام الأسماء المعروفة بشكل شائع
editبوكيبيديا, عنوان المقالة هو كلمة أو عبارة باللغة الطبيعية اللي بتدل على موضوع المقالة; و بهالشكل, عنوان المقالة غالباً بيكون اسم الشخص أو المكان أو أي شي تاني متعلق بموضوع المقالة. لكن شوية مواضيع إلها أكتر من اسم, و شوية أسماء بتتعلق بأكتر من موضوع; هالشي ممكن يسبب اختلاف بخصوص أي اسم لازم يتم استخدامه كعنوان للمقالة. ويكيبيديا ما بالضرورة تستخدم الاسم الرسمي للموضوع كعنوان للمقالة; بشكل عام بتفضل الاسم اللي بيتم استخدامه بشكل أكتر شيوعاً (بناءً على مدى انتشاره بالأغلبية الكبيرة من المصادر المستقلة و الموثوقة باللغة الشامية) لأن هالأسماء غالباً بتناسب أكتر المعايير الخمسة المذكورة فوق. لما ما يكون في اسم واضح و واحد هو الأكتر شيوعاً لهالموضوع بهالمصادر, المحررين لازم يتوصلو لتوافق لاختيار أفضل عنوان بناءً على هالمعايير مباشرةً.
بالنسبة للحالات اللي بيختلف فيها الاستخدام بين البلدان الناطقة الشامية, شوف كمان قسم التنوعات الوطنية بالشامية أدناه.
المحررين لازم كمان ياخدو بعين الاعتبار كل المعايير الخمسة لعناوين المقالات اللي تم شرحها فوق. الأسماء الغامضة أو المو دقيقة لموضوع المقالة, حسب ما تحدده المصادر الموثوقة, غالباً بيتم تجنبها حتى لو كانت أكتر شيوعاً بالمصادر الموثوقة. الحياد كمان بياخد بعين الاعتبار; شوف قسم الحياد بعناوين المقالات تحت. عناوين المقالات لازم ما تكون لا مبتذلة (إلا إذا كان ما في مهرب) و لا كتير معقدة. لما يكون في أكتر من اسم لموضوع, و كلها معروفة بشكل شائع, و الاسم الأكتر شيوعاً فيه مشاكل, من الطبيعي تماماً اختيار واحد من الأسماء التانية.
مع إنو الأسماء الرسمية, العلمية, الأصلية, أو المسجلة كعلامات تجارية غالباً بتستخدم كعناوين مقالات, الاسم أو المصطلح اللي عادةً بيتم استخدامه بالمصادر الموثوقة هو اللي بيكون مفضل بشكل عام. الموسوعات التانية من ضمن المصادر اللي ممكن تكون مفيدة بتحديد شو هي العناوين المناسبة بالسياق الموسوعي, و كمان شو هي الأسماء الأكتر استخداماً.
الأمثلة التالية بتوضح كيف بيتم تطبيق مفهوم الأسماء المستخدمة بشكل شائع لدعم وضوح العنوان:
الأشخاص
- المهاتما غاندي (مو: موهانداس كرامتشاند غاندي)
- مانسا موسى (مو: موسى الأول)
- بيل كلينتون (مو: ويليام جيفرسون كلينتون)
- جي كي رولينغ (مو: جوان رولينغ)
- بونو (مو: بول هيوسون)
- مارك أنطوني (مو: ماركوس أنطونيوس)
- شيرلي تمبل (مو: شيرلي تمبل بلاك)
الأماكن
- ألمانيا (مو: دويتشلاند)
- الهرم الأكبر بالجيزة (مو: هرم خوفو)
- كوريا الشمالية (مو: جمهورية كوريا الديمقراطية الشعبية)
- دير ويستمنستر (مو: الكنيسة الجماعية للقديس بطرس في ويستمنستر)
المواضيع العلمية والتقنية
- الأسبرين (مو: حمض أسيتيل الساليسيليك)
- محرك الديزل (مو: محرك الاشتعال بالضغط)
- خنزير غينيا (مو: كافيا بورسيلوس)
- شلل الأطفال (مو: التهاب سنجابية النخاع)
- الإنفلونزا الإسبانية (مو: جائحة إنفلونزا 1918)
أسماء المنتجات والشخصيات الخيالية
- ويندوز XP (مو: ويندوز NT 5.1)
- سايلور مون (الشخصية) (مو: أوساغي تسوكينو)
- دارث فيدر (مو: أنكين سكاي ووكر)
مواضيع تانية
- تشيلو (مو: فيولونسيلو)
- فيفا (مو: الاتحاد الدولي لكرة القدم أو Fédération Internationale de Football Association)
- تقرير مولر (مو: التقرير عن التحقيق بالتدخل الروسي بانتخابات 2016)
- بروكسيما سنتوري (مو: V645 سنتوري أو ألفا سنتوري سي)
بتحديد أي اسم من بين أسماء كتيرة بديلة هو الأكتر شيوعاً, مفيد إنو نلاحظ الاستخدام عند المنظمات الدولية الكبيرة, وسائل الإعلام الرئيسية, الموسوعات الموثوقة, خوادم أسماء الأماكن الجغرافية, الهيئات العلمية المهمة, و المجلات العلمية البارزة. ممكن استخدام محرك بحث لجمع هالمعلومات; و لما تستخدم محرك بحث, لازم تقتصر النتائج على الصفحات المكتوبة بلشامي, و تستبعد كلمة "ويكيبيديا". لما تستخدم غوغل, من الأفضل إنو تبدأ بالبحث في Google Books و News Archive قبل البحث على الويب, لأنهم بيركزو على مصادر موثوقة (استبعد الأعمال اللي من "Books, LLC" لما تبحث في Google Books). نتائج محركات البحث بتكون أحياناً متأثرة بانحيازات معينة و قيود تقنية; لمعلومات تفصيلية عن استخدام محركات البحث و كيفية تفسير النتائج, شوف Wikipedia:Search engine test.
تغييرات الأسماء
editأحياناً بيصير تغيير باسم موضوع المقالة. بهيك حالات, بيعطى وزن إضافي للمصادر المستقلة و الموثوقة المكتوبة بالشامي("المصادر الموثوقة" اختصاراً) اللي انكتبت بعد إعلان تغيير الاسم. إذا كانت هالمصادر بعد التغيير بتستخدم الاسم الجديد بشكل روتيني, ويكيبيديا لازم تعمل نفس الشي و تغيّر العناوين المرتبطة لتتناسب مع الاسم الجديد. أما إذا كانت المصادر الموثوقة بعد إعلان التغيير بتستمر باستخدام الاسم القديم لما تناقش موضوع المقالة حالياً, ويكيبيديا لازم تستمر باستخدام الاسم القديم كمان, متل ما تم ذكره قبل هيك.
ويكيبيديا مو آلة تنبؤ. ما فينا نعرف شو المصطلحات أو الأسماء اللي رح تُستخدم بالمستقبل, بس منعرف شو كان و يلي مستخدم حالياً, و هالشي هو اللي مألوف للقراء. مع هيك, ممكن نستخدم المنطق السليم – إذا صار تغيير باسم موضوع المقالة, من المعقول إنو نعتبر الاستخدامات اللي صارت بعد التغيير بالمصادر الموثوقة المكتوبة بالشامي. هالقاعدة كمان بتنطبق على الأسماء اللي بتكون جزء من العناوين الوصفية.
الحيادية بعناوين المقالات
editكتير مرات بيصير خلاف إذا كان عنوان المقالة متوافق مع سياسة الحياد بويكيبيديا. حل هيك نقاشات بيعتمد على إذا كان عنوان المقالة اسم مأخود من مصادر موثوقة, أو عنوان وصفي اخترعه محررين ويكيبيديا.
الأسماء غير المحايدة لكنها شائعة
editلما يتم الإشارة لموضوع المقالة غالباً باستخدام اسم واحد شائع، متل ما بتبين الاستخدامات بالمصادر الموثوقة المكتوبة بالشامي، ويكيبيديا عموماً بتتبع هالمصادر وبتستخدم هالاسم كعنوان للمقالة (مع مراعاة باقي معايير التسمية). أحياناً هالاسم الشائع بيحتوي على كلمات مو محايدة اللي ويكيبيديا عادةً بتتجنبها (مثلاً: الإسكندر الأكبر، أو فضيحة قبة الشاي). بهيك حالات، شيوع الاسم، أو إنو الوصف المعين صار فعلياً اسم علم (و هالاسم صار الاسم الشائع)، غالباً بيتغلب على القلق إنو ويكيبيديا ممكن تظهر و كأنها بتأيد طرف معين بقضية. عنوان المقالة اللي بيستخدم مصطلحات مو محايدة ما لازم يكون مجرد اسم كان شائع بالماضي؛ لازم يكون الاسم الشائع المستخدم حالياً.
الظروف اللي غالباً ويكيبيديا بتتجنب فيها اسم شائع لعدم حياديته:
edit- الشعارات الرائجة و الألقاب اللي شكلها مؤقت و ما رح يتم تذكرها أو ربطها بقضية معينة بعد فترة.
- المصطلحات اللي فيها بدائل موسوعية أوضح.
عناوين المقالات و الروابط لازم تتوقع شو رح يكتب القارئ كأول تخمين، و توازن بين هالشي و شو القارئ بيتوقع إنو يوصله. مثلاً:
- كتابة "أوكتوموم" بتوجه بشكل صحيح لصفحة ناديا سليمان، و هاد بيتماشى مع النقطة التانية فوق.
- كتابة "أنتيناغيت" بتوجه القارئ لقسم معين من مقالة آيفون 4، و هاد بيتماشى مع النقطة الأولى و التانية فوق.
- كتابة "القفزة الكبرى لقدام" ما بتوجه القارئ لصفحة مختلفة، و هاد بيتماشى مع المبدأ العام.
العناوين الوصفية المحايدة
editأحياناً بيكون عنوان وصفي (متل "استعادة إيفرغلاديس") هو الأفضل كعنوان. هي العناوين غالباً بتكون مختلقة خصيصاً للمقالات، و لازم تعكس وجهة نظر محايدة، و ما تقترح آراء أي محرر. لازم تتجنب الكلمات اللي فيها حكم أو مو محايدة؛ مثلاً، كلمة "ادعاء" أو "مزاعم" ممكن تعني إشارة لخطأ، أو بمفهوم مو جنائي ممكن تعني ادعاء "مع أو بدون أي دليل"، و هاد لازم يتم تجنبه كعنوان وصفي. (استثناء: المقالات اللي موضوعها اتهام حقيقي بعدم قانونية الشيء حسب القانون، و مناقش من مصادر موثوقة حتى لو ما ثبت بالمحكمة بعد. بهي الحالة ممكن يتم وصفه بـ"ادعاءات").
مع هيك، الأسماء المو المحايدة لكنها شائعة (متل ما إنذكر بالقسم السابق) ممكن يتم استخدامها ضمن العناوين الوصفية. حتى العناوين الوصفية لازم تكون مبنية على مصادر، و لهيك ممكن تحتوي على أسماء و مصطلحات مستخدمة بشكل شائع بالمصادر. (مثال: لأنو "مجزرة بوسطن" هو عنوان مقبول لحاله، العنوان الوصفي "التأثير السياسي لمجزرة بوسطن" كمان بيكون مقبول).
القواعد الصريحة
editويكيبيديا عندها كتير قواعد تسمية مرتبطة بمجالات موضوعات محددة. بحالات نادرة، هالقواعد بتنصح باستخدام عناوين ما بتكون بالضرورة الأسماء الشائعة (متل القواعد الخاصة بالطب). هالممارسة لاستخدام أسماء متخصصة بتكون غالباً مثيرة للجدل، و ما لازم يتم اعتمادها إلا إذا كانت بتوفر فوائد واضحة بتتجاوز استخدام الأسماء الشائعة.
لما يتم اعتمادها، العناوين اللي بتنحط لازم تتبع قاعدة محايدة و عامة خاصة بهالمجال المحدد، و لازم تلتزم كمان بالمبادئ العامة لتسمية المقالات بويكيبيديا.
الدقة
editبالعادة، عناوين المقالات لازم تعرّف نطاق الموضوع بشكل واضح و ما يكون أكتر دقة من اللازم. مثلاً، عنوان القديسة تيريزا من كالكوتا دقيق أكتر من اللازم، لأن الأم تيريزا بيكفي لتحديد نفس الموضوع تماماً. بالمقابل، عنوان كولومبيا ما بيكون دقيق كفاية ليحدد بوضوح نهر كولومبيا.
استثناءات لمعيار الدقة ممكن تصير أحياناً نتيجة تطبيق معايير تسمية تانية. معظم هالاستثناءات موضحة بتوجيهات ويكيبيديا الخاصة أو مشاريعها، متل المواضيع الأساسية، الأسماء الجغرافية، أو أسماء الملوك والنبلاء. أمثلة:
- بوتيل دقيق كفاية ليكون مو غامض، لكن بنستخدم بوتيل، واشنطن (شوف الأسماء الجغرافية)، لنختار عنوان أكتر طبيعية و شهرة، و متناسق مع معظم المقالات التانية عن المدن الأمريكية.
- الطاقة ما بتكون دقيقة كفاية لتحديد الخاصية الفيزيائية. و مع هيك، بتتفضل عن "الطاقة (فيزياء)" لأنها أكتر اختصار و دقة كفاية ليفهمها معظم الناس (شوف المواضيع الأساسية، و معايير الاختصار و التعرف).
- ليدز نورث ويست دقيق كفاية ليكون مو غامض، لكن قواعد تسمية دوائر برلمان المملكة المتحدة بتحدد إضافة الوصف بتسمية ليدز نورث ويست (دائرة برلمانية بريطانية) مع إعادة توجيه من ليدز نورث ويست.
- M-185 دقيق كفاية ليكون مو غامض، لكن قواعد تسمية الطرق السريعة بالولايات المتحدة بتحدد إضافة الوصف بعنوان M-185 (طريق ميشيغان السريع) مع إعادة توجيه من M-185.
التوضيح
editأحياناً ما بيكون ممكن استخدام العنوان الدقيق اللي ممكن يكون مطلوب للمقالة، لأن هالعنوان ممكن يكون عنده معاني تانية، و لهيك ممكن يكون مستخدم بالفعل لمقالات تانية. حسب معيار الدقة، لازم يكون فيه تفاصيل كفاية لتمييز موضوع عن التاني بس، بدون زيادة. مثلاً، ما في داعي نسمي المقالة "كوين (فرقة روك)"، لأن كوين (فرقة) دقيق كفاية ليحدد فرقة الروك عن باقي استخدامات كلمة "كوين". هالشي ممكن يأدي لعدم تناسق مقبول؛ مثلاً المقالة عن القاهرة موجودة بعنوان القاهرة، بينما المقالة عن فيلم بعنوان القاهرة (فيلم) لتوضيح الفرق بينها و بين الفيلم.
القاعدة العامة للتوضيح، لما يكون العنوان المفضل لموضوع معين ممكن يشير لمواضيع تانية بويكيبيديا:
- إذا كانت المقالة عن الموضوع الأساسي اللي بيرجعله الاسم الغامض، العنوان ممكن يكون الاسم بدون تعديل، بشرط يكون متوافق مع السياسات التانية.
- إذا ما كانت المقالة عن الموضوع الأساسي للاسم الغامض، لازم يتم توضيح العنوان.
لما نقرر عن أي طريقة توضيح نستخدم، بنوازن بين كل معايير تسمية المقالات.
التوضيح الطبيعي
editممكن نستخدم اسم بديل الموضوع معروف فيه بمصادر موثوقة بالشامي، حتى لو ما كان بنفس الشهرة متل الاسم المفضل الغامض. بس لازم نتجنب الأسماء الغريبة أو المصطنعة.
أمثلة:
- كلمة "فرنسي" ممكن تعني الشعب أو اللغة. لنتجنب الغموض، منستخدم عناوين بديلة و مألوفة متل اللغة الفرنسية و الشعب الفرنسي.
- كمان، مروحة يدوية أحسن من مروحة (أداة).
- أحياناً ممكن نحتاج نغير حسب الإختلاف المستخدم؛ متل مثلاً صفحة المصعد بدل اسانسير، لأن الأولانية أكتر شيوعاً بهيك سياق.
التوضيح بالفواصل
editلما يكون العنوان بيتضمن أسماء أماكن، إذا الكلمة اللي بتوضح تشير لمنطقة إدارية أكبر، بنفصلها بفاصلة بدل الأقواس، متل وندسور، بيركشاير (راجع الأسماء الجغرافية)، العناوين المفصولة بالفواصل بتنستخدم كمان بحالات تانية، متل ديانا، أميرة ويلز، لإنها جزء من اتفاقية أسماء الملوك و النبلاء مو توضيح إضافي، بس مع هيك، العناوين متل توني بلير و معركة واترلو مفضلة أكتر من بلير، أنتوني تشارلز لينتون أو واترلو، معركة، لأن الفاصلة بتغير ترتيب الكلمات الطبيعي.
التوضيح بالأقواس
editبنضيف كلمة توضيحية جوا أقواس بعد الاسم الغامض، و هاي الطريقة المعتمدة بالتوضيح بوكيبيديا لما ما تكون الحلول التانية مناسبة.
أمثلة:
- كلمة "زيبق" إلها معاني كتيرة، و ما فيه أسماء بديلة معروفة كفاية. لهيك، بنستخدم التوضيح بالأقواس: الزيبق (عنصر)، و الزيبق (مسلسل).
العنوان الوصفي
editلما ما يكون فيه اسم محدد و معروف للموضوع، و بيصير لازم نخترع عنوان وصفي و مميز، عادي نعطي حرية أكتر بهيك حالة.
أمثلة:
- قائمة طيور نيكاراغوا
- تاريخ الحملات العسكرية الرومانية
- مرت بيلاطس البنطي
الدمج بين الأساليب
editهاد استثناء، و بالأغلب منحاول نتجنبه، متل ما مذكور بسياسة العناوين المختصرة.
مثال:
- الدمج بين الفاصلة و الأقواس: التهويدة، د 498 (شوبرت).
رموز الفصل
editالفواصل (،) و الأقواس (()) هنّ الرموز الوحيدة اللي بنقدر نستخدمها بحرية لفصل الكلمات التوضيحية بعناوين المقالات. أما النقطتين (:)، فممكن نستخدمهن بحالات محدودة متل العناوين الفرعية لشوية أعمال فنية و القوائم الطويلة.
لما يدل الاختلاف الإملائي على موضوع مميز
editلما بتختلف كتابة كلمة وحدة و كل كتابة بتدل على معنى مختلف، هيدا الشي بيخلق لبس. مثلاً، كلمة "آيرون مايدن" ممكن تكون أغنية أو نوع من أنواع التعذيب القديم. الحل العام هون إنه شو ما كان الكلمة اللي المستخدم بدو يكتبها، لازم يوصل لأسرع ما بيقدر للموضوع اللي بدو ياه، و هيدا بيصير عن طريق شغلات متل "هات نوتس" أو صفحات التوضيح. لما يكون هالنوع من الشغلات موجود، شوية تفاصيل بتكون كافية لنفرق بين المواضيع.
الإختصار
editالهدف من الإختصار هو إنك توازن بين القصر و توفير المعلومات الكافية لحتى الشخص اللي بيعرف المجال العام يقدر يتعرف على الموضوع.
مثال:
الاسم الرسمي لولاية رود آيلاند، اللي كان يُستخدم بمختلف المنشورات الحكومية، كان "ولاية رود آيلاند و مزارع بروفيدنس". الاتنين دقيقين و واضحين، بس "رود آيلاند" كان هو العنوان الأكتر إيجاز ليعرفو الموضوع.
الاسم الكامل لألبوم فيونا آبل لعام 1999 كان متكون من 90 كلمة و 444 حرف، بس تم اختصاره بالمصادر (و كمان بعنوان ويكيبيديا) لـ "لما يكون البيدق...".
فيه استثناءات للمقالات اللي بتتعلق بالأشخاص. يعني مثلاً، الأسماء الشخصية و أسماء العيلة بالغالب ما بينحذفو أو بينختصرو. فمثلاً لازم تكتب "أوبرا وينفري" (مو "أوبرا") و "جان بول سارتر" (مو "ج. ب. سارتر"). شوف ويكيبيديا:قواعد التسمية (للأشخاص).
التناسق
editفيه شوية أمثلة على ممارسات ويكيبيديا بخصوص التناسق بعناوين المقالات.
بقدر ما هو عملي، لازم تكون العناوين متناسقة بين المقالات اللي بتغطي مواضيع متلها. بس، بتاريخ من التوافق بين المحررين بخصوص شوية مجالات اللي ما بيحكم فيها التناسق لما تنحط العناوين:
- التمييز: مثلاً، استخدام مميز بين قوسين في "جورجيا (بلد)" ما بيدعم حجة إنو كل مقالات الدول لازم تستخدم نفس الأسلوب، متل "أذربيجان (بلد)" أو "أرمينيا (بلد)". و كمان نفس الشي بالنسبة للتمييز الطبيعي: وجود "مدينة كويريتارو" و "مدينة شيواوا" ما بيعني إنه لازم نكتب "مدينة جوادالاخارا" بدل "جوادالاخارا".
- التهجئات اللي بتختلف بين أنواع اللغة الشامية: ممكن يتواجدو مع بعض عادي.
- ما بيعتبر مهم إنو عناوين المقالات بويكيبيديا شامي تتوافق مع العناوين المستخدمة بالمقالات المقابلة بنسخ لغات تانية من ويكيبيديا.
عناوين بالشامي
editبويكيبيديا شامي، عناوين المقالات بتنكتب بالشامي. بس لازم نفكر إنو الشامي فيه كلمات و عبارات كتير مستعارة من لغات تانية. إذا كانت كلمة أو عبارة (أصلا من لغة تانية) مستخدمة بشكل كبير بمصادر الشامي، منقدر نعتبرها كلمة أو عبارة شامية.
أسماء المواضيع بالشامي ممكن تختلف حسب إتحولت الأسماء للشامي من لغات تانية، أو حسب أنواع الشامي المختلفة (مثلا دمشقي، بيروتي، إلخ).
أسامي أجنبية و شامية
editالاختيار بين التسميات الأجنبية و الشامية لازم يتبع المتعارف عليه بين اللي بيحكو شامي، لو ما فيه كتير مصادر شامية موثوقة لتكون استخدام معتمد, اختار اللغة المناسبة للموضوع، و ممكن تحط الموضوع للنقاش بنقاش المجتمع/اللغات، متل هيك نقاشات ممكن تستفيد من آراء المستخدمين لما يكون فيه صراع على أي لغة نتبع.
التنوعات الوطنية بالشامية
editلو مقالة على ويكيبيديا شامي اختارت طريقة معينة لتسرد فيها المعلومات لازم تضل على نفس الطريقة، و ما لازم كل شوي ننتقل بين أسلوب مدينة و أسلوب تاني، و المفضل دائماً و اللي فيه عليه توافق إنو لغات كل المقالات بويكبيديا شامي تكون باللهجة الدمشقية لأنها أكتر وحدة معروفة بين كل اللي بيحكو شامي و بنفس الوقت معروفة بباقي الدول اللي بيحكو عربي كمان.
معالجة الأسماء البديلة
editبسبب تصميم برنامج ويكيبيديا، المقال بيكون إلو اسم واحد بس. لما يكون هالاسم اسم شخص، الأسامي البديلة المهمة للموضوع لازم تنذكر بالمقال، عادةً بالجملة أو الفقرة الأولى. إذا كان في تلات أسامي بديلة أو أكتر - بما فيهن كتابات مختلفة، أشكال أطول أو أقصر، أسامي قديمة، و أسامي مهمة بلغات تانية - أو إذا كان في شي مميز بالأسامي نفسها، بننصح ينعمل قسم خاص للأسامي. ممكن نستخدم الأسامي البديلة بنص المقال لما يكون مناسب أكثر من اسم المقال. مثلاً، المدينة اللي بنسميها اليوم غدانسك كانت بتتسمى دانزيغ بأوقات قديمة، و هيك كان مناسب أكثر.
كل الأسامي البديلة المهمة أو أشكال الأسامي اللي بتنطبق على مقال معين لازم توجّه على هالمقال. إذا كانت الأسامي غامضة، لازم نتأكد إنه المقال ممكن نوصل لو من صفحة توضيح للكلمة البديلة.
تنسيق عنوان المقال
editالنقاط الجاي بتساعد باتخاذ القرارات بالنسبة للأسئلة اللي ما غطتها المبادئ الخمسة؛ التناسق بهالنقاط بيساعد لتجنب تكرار المقالات:
حركات التشكيل
editما تستخدم الحركات (التشكيل) بعناوين المقالات: لما نستخدم الحركات بيصير صعب نلاقي المقالات بدون حركات. مثلاً، لما نعمل مقال عنوانه مُحَمَّدٌ، هالمقال ما رح يتلاقى لما ندور عن "محمد". كمان الوصلات لهالمقال رح تكون صعبة. لو كانت الحركة ضرورية كتير لما يحصل لبس مع كلمة تانية بنفس الحروف بس بحركات مختلفة متل "عَمّان" و"عُمان" أو غيرو، (ممكن نستخدم التشكيل جوا المقالات).
استخدم الصيغة المفردة
editعناوين المقالات بشكل عام بتكون بصيغة المفرد، مثلاً: حصان، مو خيول.
الاختصارات الغامضة
editالاختصارات بتكون غامضة بكتير حالات، فلازم تتجنبها إلا إذا الموضوع معروف أساساً بالاختصار و مرتبط فيه بشكل كبير (مثلاً: ناتو). كمان مو ضروري تحط اختصار جنب الاسم بالعناوين.
ال التعريف
editما تحط مقالات معرفة أو مو معرفة (ال) ببداية العناوين إلا إذا كان جزء من اسم خاص (مثلاً: العجوز و البحر) أو إذا غيرو المعنى (مثلاً: التاج). هالشي بيطوّل العناوين بشكل مو ضروري و بيعيق الترتيب و التدوير.
بوادئ و لاحقات
editما تحط بوادئ للعناوين متل كتاب كذا أو مدينة كذا أو فيلم كذا أو كوكب كذا...الخ، مثلاً: لندن مو مدينة لندن، البرازيل مو دولة البرازيل، إلا إذا كان الاسم نفسه مركب أو جزء من الاسم متل: مدينة الكويت و أغنية الجليد و النار و كتاب حقائق العالم.
الألقاب
editبعناوين مقالات الأشخاص ما تستخدم الألقاب أو البادئات و أسماء المقامات و الديباجات و التفخيمات متل "الدكتور (د.)" أو "الملك" أو "فخامة" أو "الرئيس" أو "الشيخ" أو "الأمير" أو "القديس" و غيره، و كمان لاحقات الأسماء متل "حفظه الله" و "المعظم" و "رضي الله عنه"، و هالشي لنلاقي المقالة بسهولة و لما يكون فيه تكرار للمقالة بأكتر من صيغة.
الحروف الخاصة
editفيه قيود فنية على استخدام شوية الرموز بأسامي الصفحات، بسبب طريقة تخزين و تطابق أسامي الصفحات بميدياويكي. ما منقدر نستخدم الرموز هي نهائياً: # < > [ ] | { } _
في قيود على أسامي الصفحات اللي فيها نقطتين أو نقط و رموز تانية، ممكن نحلها باستخدام قالب:Correct title.
من الناحية الفنية، كل رموز يونيكود ممكن نستخدمها بأسامي الصفحات. بس، فيه شوية رموز لازم نتجنبها أو نتعامل معها بطريقة خاصة:
- رموز ما موجودة على لوحة مفاتيح قياسية: أحياناً الاسم المناسب بيكون فيه علامات تشكيل أو خطوط أو حروف و رموز تانية ما موجودة على معظم لوحات المفاتيح. هالشي ممكن يصعب الوصول للمقال مباشرة. بهالحالات، عمول توجيهات لإصدارات الاسم اللي بتستخدم بس حروف لوحة المفاتيح القياسية. (و بنفس الطريقة، لما بنقرر إنو الاسم المناسب هو اللي بيستبعد علامات التشكيل و الخطوط و الحروف التانية اللي ما موجودة على معظم لوحات المفاتيح، عمول توجيهات لإصدارات الاسم اللي بتحتوي عليها). بس، لا تدمج علامات التشكيل، لأنها صعبة الكتابة و بتتداخل مع الحروف اللي جنبها.
- علامات الاقتباس: علامات الاقتباس المزدوجة ("...") و الواحدة ('...'), و الأنواع المختلفة متل علامات الاقتباس المطبعية (“...”)، علامات الاقتباس "المنخفضة-العالية" („...“)، و علامات الاقتباس الزاوية أو العكسية (
...) لازم نتجنبها بأسامي الصفحات. الاستثناء لما تكون جزء من الاسم الصحيح. - رموز: رموز متل "♥"، متل ما بنشوفها أحياناً بالإعلانات أو الشعارات، ما لازم نستخدمها بأسامي الصفحات.
- رموز ما مدعومة بكل المتصفحات: إذا كان فيه بديل مناسب، ما تستخدم الرموز اللي مو شائعة لدرجة إنو ما كل تركيبات المتصفحات و أنظمة التشغيل بتعرضها.
- الكسور: شوف MOS:FRAC. ما بنقدر نستخدم القوالب و ترميز LaTeX بأسامي المقالات.
الخط المايل و التنسيقات التانية
editبنستخدم الخط المايل لما نحتاجو بنص عادي؛ مثلاً، أسامي التصنيفات، أسامي السفن، عناوين الكتب و الأفلام و الأعمال الإبداعية التانية، و العبارات الأجنبية بتكون بخط مايل بنص عادي و بأسامي المقالات.
عناوين المقالات و الفصول و الأغاني و الحلقات و قصص الأفلام و أوراق البحث و الأعمال القصيرة التانية بتاخد علامات اقتباس مزدوجة. ما بنستخدم الخط المايل للأعمال الدينية الكبيرة (الإنجيل، القرآن، التلمود). كتير من هالأسامي لازم تكون بأسلوب كتابة العناوين.
ما بيقدر يكون تنسيق الخط المايل جزء من العنوان الحقيقي (المخزن) للصفحة؛ إضافة علامات اقتباس واحدة لعنوان صفحة بتخلي هالعلامات جزء من الرابط، بدل ما تأثر على شكله. عنوان أو جزء منو بنخليه يظهر بخط مائل باستخدام الكلمة السحرية DISPLAYTITLE. بالإضافة، شوية قوالب، بما فيهن قالب Template:Infobox book، قالب Template:Infobox film، و قالب Template:Infobox album، بتخلي عناوين الصفحات اللي بيظهرو عليها بخط مايل بشكل تلقائي؛ شوف صفحات هالقوالب للوثائق.
أنواع التنسيق التانية (متل الخط السميك و الأعلى) ممكن نستخدمها بنفس الطريقة من الناحية الفنية، بس ما لازم نستخدمها عادةً بأسامي مقالات ويكيبيديا (إلا لمقالات الرياضيات). علامات الاقتباس (متل حولين أسامي الأغاني) ما بتحتاج تقنيات خاصة للعرض، بس كمان بتتجنب بأسامي المقالات.
أسامي المقالات بتتبع تنسيق نص اللغة الشامية القياسي بحالة العلامات التجارية، إلا إذا كانت كتابة العلامة التجارية هي الاستخدام الأكتر شيوعاً بشكل واضح بالمصادر المستقلة عن صاحب العلامة التجارية.
العناوين الي فيها "و"
editأحياناً فكرتين مرتبطين أو متكاملين ببعض بيكون أفضل شي تغطيهم مقال واحد. لما منقدر، استخدم عنوان بيغطي كل الحالات. لما ما يكون في عنوان شامل مناسب، ممكن نعمل عنوان مقال باستخدام "و"، متل الصعود و الهبوط.
عادةً أفضل شي نرتب المواضيع أبجدياً، خاصةً اللي بتتعلق بدول أو ثقافات مختلفة، متل الحدود بين الولايات المتحدة و كندا. بس، لما يكون فيه ترتيب تقليدي أو منطقي أكثر، لازم نستخدمو بدالو، متل ين و يانغ. إذا كان فيه مفهوم واحد أكتر شيوع من التاني، ممكن نكتبو الأول، متل المقاومة الكهربائية و الموصلية. عناوين بديلة باستخدام الترتيب العكسي (متل الهبوط و الترقية) لازم تكون توجيهات.
عناوين بتحتوي على "و" غالباً بتكون علامات تحذير إنه المقال فيه مشاكل حيادية أو بيعمل بحث أصلي: ما تستخدام "و" بطرق بتظهر متحيزة. مثلاً، استخدم الإرهاب الإسلامي ، مو "الإسلام و الإرهاب"؛ بس، "الربط الإعلامي بين الإسلام و الإرهاب" ممكن تكون مقبولة. ما تستخدام "و" لدمج مفاهيم ما بتندمج عادةً بالمصادر الموثوقة.
النظر بالتغييرات
editتغيير عنوان واحد مثير للجدل لعنوان تاني من دون مناقشة بتوصل لإجماع ممنوع بشدة. إذا كان عنوان مقال ثابت لفترة طويلة، و ما في سبب جيد لتغييره، ما لازم يتغير. الإجماع بين المحررين بيحدد إذا كان في سبب جيد لتغيير العنوان. إذا ما كان ثابت أبداً، أو كان مو ثابت لفترة طويلة، و ما ممكن يتوصل لإجماع على شو لازم يكون العنوان، رجع للعنوان اللي كان للمقال لما كانت المساهمة الرئيسية الأولى بعد ما صار المقال مو مقال قصير.
أي اقتراح مثير للجدل لتغيير عنوان لازم ينشر على Wikipedia:Requested moves، و يوصل لإجماع قبل أي تغيير. مناقشة العناوين المثيرة للجدل غالباً ما بتكون مو منتجة، و فيه طرق تانية كتير لتحسين ويكيبيديا.
بمناقشة العنوان المناسب لمقال، إتذكر إنو اختيار العنوان ما بيعتمد على إذا كان الاسم "صح" من الناحية الأخلاقية أو السياسية. و لا استخدام اسم بعنوان مقال واحد بيطلب إنو كل المقالات المرتبطة تستخدم نفس الاسم بعناوينها؛ غالباً فيه سبب للتعارضات بالاستخدام الشائع. مثلاً، ويكيبيديا فيها مقالات عن معركة ستالينغراد و فولغوغراد، اللي هو الاسم الحالي لستالينغراد.
مع أنو عناوين المقالات بتخضع للإجماع، ما تخترع أسامي أو تستخدم أسامي مو شائعة كتير كوسيلة لتسوية بين وجهات نظر متعارضة. ويكيبيديا بتوصف الاستخدام الحالي بس ما بتقدر توصف استخدام معين أو تخترع أسامي جديدة.
مقترحات قواعد تسمية و إرشادات
editالمقترحات لقواعد تسمية و إرشادات جديدة لازم تنشر على صفحة نقاش هالصفحة، و على طلبات التعليق، و نقاش المجتمع، و أي صفحات مرتبطة. إذا تكون إجماع قوي، بيُعتمد الاقتراح و بينضاف لاصنيف قواعد التسمية.
قواعد تسمية جديدة لتصنيفات معينة من المقالات غالباً بتنجم عن مشاريع ويكيبيديا. لقائمة محدثة يدوياً للمقترحات الحالية و السابقة، شوف مقترحات قواعد تسمية و إرشادات.