Wikimedia Incubator

Wn/shn/ၸွမ်ၽွင်းလူင် ဢိင်းၵလဵတ်ႈ ၵေႃႉမႂ်ႇ လႄႈ ၸွမ်ၸိုင်ႈယူႇၶရဵၼ်း ႁူပ်ႉထူပ်းၵၼ် ၼွၵ်ႈၸုမ်း NATO

< Wn | shn
Wn > shn > ၸွမ်ၽွင်းလူင် ဢိင်းၵလဵတ်ႈ ၵေႃႉမႂ်ႇ လႄႈ ၸွမ်ၸိုင်ႈယူႇၶရဵၼ်း ႁူပ်ႉထူပ်းၵၼ် ၼွၵ်ႈၸုမ်း NATO

ဝၼ်းသုၵ်း၊ ၸူႇလၢႆႇ 12၊ 2024

ၶၢဝ်ႇ ၸိူဝ်းၵဵဝ်ႇၵပ်း
ၼေႇတူဝ်း တီႈ ဝီႇၶီႇၶၢဝ်ႇ
ၸွႆႈသၢင်ႈ!
ၸွမ်ၽွင်းလူင် ဢိင်းၵလဵတ်ႈ ၵေႃႉမႂ်ႇ လႄႈ ၸွမ်ၸိုင်ႈယူႇၶရဵၼ်း ႁူပ်ႉထူပ်းၵၼ်

ၸွမ်ၽွင်းလူင်မႂ်ႇ ဢိင်းၵလဵတ်ႈ ၶီႇယႃႇသတႃႇမႃႇ (Keir Stanmar) လႄႈ ၸွမ်ပွင်ၸိုင်ႈ ယူႇၶရဵၼ်း ဝေႃႇလေႃႇတီးမႃးရ် ၸႄးလႅၼ်းသၵီး ႁူပ်ႉထူပ်းၵၼ် ၽၢႆႇၼွၵ်ႈပၢင်ၵုမ်လူင် ၸုမ်းၼေႇတူဝ်း တီႈဝဵင်းဝႃႇသျိၼ်ႇတၢၼ်ႇ တီႇသီႇ မိူဝ်ႈဝၼ်းပုတ်ႉၼၼ်ႉယဝ်ႉ။

သတႃႇမႃႇ လၢတ်ႈဝႃႈ မၼ်းၼႄႉၼမ်းဝႃႈ ပိၵ်ႉသမ်ႉဝႃႈ လူင်ပွင်ၸိုင်ႈ မိူင်းဢိင်းၵလဵတ်ႈ လႅၵ်ႈလၢႆႈၵႂႃႇသေတႃႉ လွင်ႈၵမ်ႉထႅမ် မိူင်းယူႇၶရဵၼ်းၼႆႉ တေဢမ်ႇလႅၵ်ႈလၢႆႈသင် ၼႆယဝ်ႉ။ ပၢင်ၵုမ်လူင်ၼႆႉ ၽွင်းလူင်ၽၢႆႇၵႅတ်ႇၵင်ႈ မိူင်းယူႇၶေႇ ၵျွၼ်ႇႁီႇလီႇ လႄႈ ၽွင်းလူင်ၽၢႆႇၼွၵ်ႈမိူင်း တေးဝိတ်ႉလႅမ်ႇမီႇ ဢိၵ်ႇပႃး ၽူႈမီးပုၼ်ႈၽွၼ်း မိူင်းယူႇၶေႇ လႄႈ မိူင်းယူႇၶရဵၼ်း တၢင်ႇၸိူဝ်း ၶဝ်ႈႁူမ်ႈၸွမ်း။ ၸွမ်ၽွင်းလူင် ဢိင်းၵလဵတ်ႈ လၢတ်ႈဝႃႈ ၶႂ်ႈသူင်ႇၶေႃႈၵႂၢမ်းၸူး ၸွမ်ပွင်ၸိုင်ႈရတ်ႈသျႃး ပူႇထိၼ်ႇဝႃႈ ၵဵဝ်ႇၵပ်းလွင်ႈ ပၢင်ၵုမ်လူင် ၸုမ်းၼေႇတူဝ်းၼၼ်ႉ မၼ်းၶိုၼ်းၵပ်းသိုပ်ႇ ၽူႈဢွၼ်ႁူဝ်လုမ်ႈၾႃႉ ၶိုၼ်းယဝ်ႉၼႆယဝ်ႉ။

ဢႅၼ်ႇထူဝ်ႇၼီႇ ပလိၼ်ႇၵႅၼ်ႇ ၶုၼ်ၽွင်းၼွၵ်ႈမိူင်း ဢမႄႇရိၵၢၼ်ႇ လၢတ်ႈဝႃႈ မိူင်းယူႇၶရဵၼ်းၼႆႉ တိုၵ်ႉမီးဝႆႉ သဵၼ်ႈတၢင်း ဢၼ်ဢမ်ႇၸၢင်ႈၶိုၼ်းမႄးလႆႈ တႃႇတေၶဝ်ႈပႃးၼႂ်း ၸုမ်းၼေႇတူဝ်းၼၼ်ႉယူႇ။ ၵူၺ်းၵႃႈ ပလိၼ်ႇၵႅၼ်ႇတႄႉ လၢတ်ႈဝႃႈ ပေႃးသိုၵ်းတင်း ရတ်ႈသျႃးယဝ်ႉတူဝ်ႈၵႂႃႇယဝ်ႉ ၸင်ႇတေပၼ်ၶႂၢင်ႉၶဝ်ႈပဵၼ်လုၵ်ႈၸုမ်းၼႆယဝ်ႉ။ ၽူႈၶဝ်ႈၸုမ်းမႂ်ႇ သုၺ်ႇတိၼ်ႇၵေႃႈ ၶဝ်ႈႁူမ်ႈပၢင်ၵုမ်လူင် ပွၵ်ႈဢွၼ်တၢင်းသုတ်း။


ငိူၼ်ႈငဝ်ႈၶၢဝ်ႇ

Retrieved from "https://incubator.wikimedia.org/w/index.php?title=Wn/shn/ၸွမ်ၽွင်းလူင်_ဢိင်းၵလဵတ်ႈ_ၵေႃႉမႂ်ႇ_လႄႈ_ၸွမ်ၸိုင်ႈယူႇၶရဵၼ်း_ႁူပ်ႉထူပ်းၵၼ်_ၼွၵ်ႈၸုမ်း_NATO&oldid=6321853"