Wn/shn/ၵူၼ်းထိူၼ်ႇႁူႇတီႇ ယႄႇမႅၼ်ႇ တိၺွပ်း ၵူၼ်းႁၢပ်ႇၵၢၼ်ယူႇဢႅၼ်ႇ ၵမ်ႈၽွင်ႈ

ဝၼ်းသဝ်၊ ၸုၼ်ႇ 8၊ 2024 

ၸုမ်းယိပ်းၵွင်ႈၵၢင်ႁူႇတီႇ ယႄႇမႅၼ်ႇ (ၶႅပ်းႁၢင်ႈၵဝ်ႇ)

ၽူႈမီးၸၼ်ႉ လူင်ပွင်ၸိုင်ႈယႄႇမႅၼ်ႇ၊ ၸုမ်းသုၼ်ႇလႆႈသုၼ်ႇပဵၼ်ၵူၼ်း Mayyun တီႈယႄႇမိၼ်ႇ လႄႈ MOHR ၶဝ်မွၵ်ႇလၢတ်ႈဝႃႈ ၵူၼ်းထိူၼ်ႇႁူႇတီႇ တီႈယႄႇမႅၼ်ႇ လႆႈတိၺွပ်းဝႆႉ ၵူၼ်းႁၢပ်ႇၵၢၼ် ၸုမ်းၸၢတ်ႈၸိုင်ႈလုမ်ႈၾႃႉ 9 ၵေႃႉ လႄႈ ၵူၼ်းႁၢပ်ႇၵၢၼ်ၸွႆႈထႅမ် ၵူႈမိူင်းမိူင်း မွၵ်ႈ 18 ၵေႃႉ ဝႃႈၼႆယဝ်ႉ။

ၸုမ်း MOHR ဝႃႈ ၵူၼ်းထိူၼ်ႇႁူႇတီႇ လႄႈ ၽူႈမီးၸၼ်ႉၽၢႆႇၸွပ်ႇၶဝ် လႆႈယိပ်းၶိူင်ႈလၢၵ်ႈၼၢၵ်ႈသေၵေႃႈ ဢွၼ်ၵၼ်ၶဝ်ႈၺွပ်း ဢွင်ႈတီႈၸုမ်းပၼ်တၢင်းၸွႆႈထႅမ် ၸုမ်းၸၢတ်ႈၸိုင်ႈလုမ်ႈၾႃႉ ဢၼ်မီးတီႈ ဝဵင်းလူင် Sanaa လႄႈ ႁူဝ်ၻႄးတ၊ ꧢႃႇၻႃႇ လႄႈ ဢမ်ႇရႅမ်ႇ ၸိူဝ်းၼၼ်ႉ ဝႃႈၼႆယဝ်ႉ။

ၵူၼ်းထိူၼ်ႇၸိူဝ်းၼၼ်ႉ ၶဝ်ဝႆႉယိူင်းမၢႆ ၵူၼ်းယႄႇမႅၼ်ႇ ၸိူဝ်းႁၢပ်ႇၵၢၼ် တီႈ ၸုမ်းၸၢတ်ႈၸိုင်ႈလုမ်ႈၾႃႉ လႄႈ ၸုမ်းပၼ်တၢင်းၸွႆႈထႅမ်ၼၼ်ႉသေ ၶဝ်လႆႈၶဝ်ၺွပ်းတီႈႁိူၼ်း ၵူၼ်းႁၢပ်ႇၵၢၼ်ၶဝ်ယူႇသေဢမ်ႇၵႃႈ လႆႈၵူတ်ႇထတ်းတွင်ႈထၢမ်သေ မိူဝ်ႈၶဝ်ပႆႇတိၺွပ်းသေတၢင်ႇၵႃးသိုၵ်းၵႂႃႇၼၼ်ႉ ၶဝ်သိမ်းၵႂႃႇ ၸိူဝ်းပဵၼ် ၽူၼ်း လႄႈ ၶွမ်းၸိူဝ်းၼႆႉၵႂႃႇ ဝႃႈၼႆယဝ်ႉ။

MOHR လၢတ်ႈဝႃႈ ၼႂ်းၸိူဝ်းထုၵ်ႇၺွပ်းၵႂႃႇၼၼ်ႉ ပႃး ၽူႈႁၢပ်ႇၵၢၼ်ယႄႇမႅၼ်ႇ ၸိူဝ်းတိုၵ်ႉႁၢပ်ႇၵၢၼ်ယူႇတီႈ လုမ်းၸၢတ်ႈၸိုင်ႈလုမ်ႈၾႃႉ ဢၼ်ၵဵဝ်ႇၵပ်းလွင်ႈၸွႆႈထႅမ်ၵူၼ်း၊ UNDP၊ WFP ၸုမ်းၶဝ်ႈၼမ်ႉတၢင်းၵိၼ်ၸၢတ်ႈၸိုင်ႈလုမ်ႈၾႃႉ လႄႈ လုမ်းၽွင်းတၢင်ၶိုၵ်ႉတွၼ်း ၸွမ်ၽူႈၼမ်းၼႂ်း ၸုမ်းၸၢတ်ႈၸိုင်ႈလုမ်ႈၾႃႉ ဢၼ်ၵဵဝ်ႇၵပ်းမိူင်းယႄႇမႅၼ်ႇ ၼၼ်ႉ ဝႃႈၼႆယဝ်ႉ။

လိူဝ်သေၼၼ်ႉဢမ်ႇၵႃး ၸိူဝ်းပဵၼ် ၵူၼ်းႁၢပ်ႇၵၢၼ် Save the Children၊ ၸုမ်းၽူတ်ႇၸွႆႈ လႄႈ ႁုၼ်ႈမုၼ်းၶိုၼ်ႈယႂ်ႇယႄႇမႅၼ်ႇ၊ ၸုမ်းငိုၼ်းၵွင်ၵၢင် တူင်ႇၵူၼ်းၶိုၼ်ႈယႂ်ႇမႂ်ႇသုင် လူင်ပွင်ၸိုင်ႈယႄႇမႅၼ်ႇ၊ ၸုမ်းပၼ်တၢင်းၸွႆႈထႅမ် Oxfam လႄႈ CARE America ၸိူဝ်းၼႆႉ လႆႈထုၵ်ႇၺွပ်းၵႂႃႇဝႃႈၼႆယဝ်ႉ။ ၽူႈမီးၸၼ်ႉ လူင်ပွင်ၸိုင်ႈ ဢၼ်ဢမ်ႇၶႂ်ႈမွၵ်ႇၸိုဝ်ႈ လၢတ်ႈဝႃႈတႄႉ ၶေႃႈပိုၼ်ၽၢဝ်ႇ MOHR မၼ်းပဵၼ်ဢၼ်မၢၼ်ႇမႅၼ်ႈမၼ်းယူႇ ဝႃႈၼႆယဝ်ႉ။

ၵဵဝ်ႇၵပ်းလူၺ်ႈ ပိူင်ပဵၼ်ဢၼ်ၼႆႉသေ မီး ၸုမ်း Save the Children ဢၼ်လဵဝ်ၵူၺ်း လႆႈႁဵတ်းဢွၵ်ႇ ၶေႃႈပိုၼ်ၽၢဝ်ႇဝႃႈ လႆႈမႆႈၸႂ် လွင်ႈႁူမ်ႇလူမ်ႈ လႄႈ ပၢႆးယူႇလီ ၵူၼ်းႁၢပ်ႇၵၢၼ်ၶဝ် ဝႃႈၼႆယဝ်ႉ။ ၸိူဝ်းပဵၼ် သိုဝ်ႇၶၢဝ်ႇ ဢၼ်ၵဵဝ်ႇၵပ်း ၵူၼ်းထိူၼ်ႇႁူႇတီႇၶဝ်ၼၼ်ႉတႄႉ ၵဵဝ်ႇၵပ်းလူၺ်ႈ လွင်ႈတိၺွပ်းသေ ဢမ်ႇပႆႇမီးလွင်ႈမွၵ်ႇလၢတ်ႈဢွၵ်ႇသေၸိူဝ်ႉသေလွင်ႈၼင်ႇၵဝ်ႇ။

ငိူၼ်ႈငဝ်ႈတိုၼ်း

• Jon Gambrell and Baraa Anwer. "Yemen’s Houthi rebels detain 11 UN staffers as well as aid workers in sudden crackdown" — AP News, JUNE 8, 2024
• Euronews with AP. "Yemen's Houthi rebels detain at least 9 UN staff members in sudden crackdown" — Euronews, JUNE 7, 2024
• CBS News. "Yemen's Houthi rebels detain at least 9 U.N. staffers, officials tell AP" — CBS News, JUNE 7, 2024
• ON GAMBRELL Associated Press and BARAA ANWER Associated Press. "Yemen's Houthi rebels detain at least 9 UN staffers and others in sudden: Officials" — ABC News, JUNE 7, 2024