ဝၼ်းသဝ်၊ ၸုၼ်ႇ 8၊ 2024
.svg)
တပ်ႉၸုမ်းပလိၵ်ႈႁွင်းၵွင်းလၢတ်ႈဝႃႈ ၶဝ်လႆႈတိၺွပ်းဝႆႉ ၵူၼ်းသၢမ်ၵေႃႉ ဢၼ်ဢမ်ႇလုၵ်ႉၸုၵ်း ၽွင်းမိူဝ်ႈပိုတ်ႇ ၵႂၢမ်းၸိုင်ႈမိူင်းၶႄႇ မိူဝ်ႈပႆႇတႄႇပၢင်ပွႆးမၢၵ်ႇၼင် ဢၼ်ႁွင်းၵွင်း လႄႈ ဢီးရၢၼ်း လႆႈလဵၼ်ႈ တွၼ်ႈတႃႇပွႆးၸၢမ်းတိၼ် တႃႇမၢၵ်ႇၼင်လူၵ်ႈၼၼ်ႉယဝ်ႉ။
တီႈၼႂ်း ၶေႃႈပိုၼ်ၽၢဝ်ႇပလိၵ်ႈၶဝ်လၢတ်ႈဝႆႉဝႃႈ မိူဝ်ႈဝၼ်းသုၵ်း မိူဝ်ႈပႆႇတႄႇပွႆးလဵၼ်ႈ တီႈပၢင်ႇလဵၼ်ႈႁွင်းၵွင်းၼၼ်ႉ ၽွင်းပိုတ်ႇၵႂၢမ်းၸိုင်ႈမိူင်းၶႄႇၼၼ်ႉ ၼၢင်းယိင်းၵေႃႉၼိုင်ႈ လႄႈ ၵူၼ်းၸၢႆးသွင်ၵေႃႉ ဢမ်ႇလုၵ်းၸုၵ်းသေဢမ်ႇၵႃး ၵွင်လင်တေႃႇ ပၢင်ႇလဵၼ်ႈ ဝႃႈၼႆယဝ်ႉ။ ၼႂ်းၶေႃႈပိုၼ်ၽၢဝ်ႇတပ်ႉၸုမ်းပလိၵ်ႈ ဝႆႉလွင်ႈၼၵ်းၼႃသေ လၢတ်ႈဝႆႉဝႃႈႉတႄ ၽူႈဢၼ်တင်ႈၸႂ်လူလၢႆ ၵႂၢမ်းၸိုင်ႈမိူင်း ၼႂ်းၵႄႈၵၢင်ၵူၼ်းၼႆႉ ပဵၼ်လွင်ႈႁဵတ်းၽိတ်းၽိင်ႈမိူင်း ဝႃႈၼႆယဝ်ႉ။
တီးႁွင်းၵွင်းၼႆႉ ယွၼ်ႉဢမ်ႇႁၢၼ်ႉၸႂ်ၼိူဝ် မိူင်းၶႄႇလူင် မႃးၵုမ်းၵမ်ၼႆသေ ၵူၼ်းပၼ်ႁႅင်းပွႆးမၢၵ်ႇၼင်ၶဝ်ၼႆႉ ပေႃးဝႃႈ ၵႂၢမ်းၸိုင်ႈမိူင်းမႃးၼႆ ၵႆႉလႄႇႁွင်ႉသဵင်ဢမ်ႇႁၢၼ်ႉၸႂ်သေ ၼႄၵၢင်ၸႂ်ယဝ်ႉ။ ၵူၺ်းၵႃႈဝႃႈ တႄႇဢဝ် ပီ 2020 မႃးသေ လူင်ပွင်ၸိုင်ႈႁွင်းၵွင်း လႆႈဢိုတ်းႁၢမ်ႈမႃး လွင်ႈၼႄၵၢင်ၸႂ် ၸိူင်ႉၼႆယဝ်ႉ။
တီႈႁွင်းၵွင်းၼႆႉ ၽွင်းတိုၵ်ႉ တိၺွပ်း ၵူၼ်းၸိူဝ်းၶဝ်ႈပႃးၼႂ်း လွင်ႈတူင်ႉၼိုင်လွင်ႈတီႇမူဝ်ႇၶရေႇသီႇ ဢၼ်ဢွၼ်ၵၼ်ႁူႉဝႃႈ Umbrella Movement ယူႇၼၼ်ႉ လွင်ႈတိၺွပ်းလႃႈသုတ်းၼႆႉ ပဵၼ်လွင်ႈတိၺွပ်း ၵူၼ်းၸိူဝ်းၼႄၵၢင်ၸႂ် ၵႂၢမ်ႈၸိုင်ႈမိူင်းၼႆႉယဝ်ႉ။
ၵူၼ်းၸိူဝ်းၺႃးၺွပ်းၼႆႉ ပဵၼ်သႅၼ်း ဢႃႇယု ၼႂ်းၵႄႈ 18 တေႃႇ 31 သေ သင်ၸိူဝ်ႉဝႃႈ လုမ်းတတ်းသိၼ် တႅပ်းတတ်းဝႃႈ မီးတၢင်းၽိတ်းၼႆၸိုင် တေၸၢင်ႈၺႃး တၢမ်ႇၶွၵ်ႈ သၢမ်ပီ လႄႈ တေႃႇလႃႇဢမႄႇရိၵၢၼ်ႇ 6400 ဢၼ်ၵိုင်ႇငိုၼ်းတေႃႇလႃႇႁွင်းၵွင်း ႁႃႈမိုၼ်ႇၼၼ်ႉယဝ်ႉ။
တီႈပၢင်ပွႆးၸၢမ်းတိၼ်း မၢၵ်ႇၼင်လူၵ်ႈ ဢၼ်လဵၼ်ႈမိူဝ်ႈဝၼ်းၼၼ်ႉ ႁွင်းၵွင်း လႆႈသုမ်း ဢီႇရၢၼ်း 4 ၵူဝ်းလ် 2 ၵူဝ်းလ်ယဝ်ႉ။
ငိူၼ်ႈငဝ်ႈတိုၼ်း
- Agence France-Presse. "Three arrested in Hong Kong for ‘insulting’ Chinese anthem at World Cup qualifier" — The Guardian, JUNE 7, 2024
- Kelly Ho. "3 arrested in Hong Kong over allegedly insulting China’s national anthem during World Cup qualifier" — Hong Kong Free Press, JUNE 7, 2024
- Cna. "Hong Kong arrests three for 'insulting' anthem at World Cup qualifier" — CNA, JUNE 7, 2024
