ဝၼ်းၸၼ်၊ မေႇ 13၊ 2024
_-_Crimea_disputed.svg)
.jpg)
ဝၢႆးသေ ၸဝ်ႈၸွမ်ၸိုင်ႈရတ်ႈသျႃး ဝလႃႇၻီႇမီႇရ် ပူႇထိၼ်ႇ မၼ်းႁပ်ႉဢဝ် တႃၶုၼ်ၸဝ်ႈၸွမ်ၸိုင်ႈမၼ်း ဢၼ်ပဵၼ် ပွၵ်ႈၵမ်း 5 ၼၼ်ႉယဝ်ႉၵေႃႈ မၼ်းတႄႇႁဵတ်း လွင်ႈလႅၵ်ႈလၢႆႈတႃၶုၼ်ႈ တီႈ ၸုမ်းလူင်ပွင်ၸိုင်ႈမၼ်းၼၼ်ႉ မႃးယူႇယဝ်ႉ။
မၼ်းတၢင်ႇလၢတ်ႈၶႆႈၸႂ်ဝႆႉ တႃႇလႅၵ်ႈလၢႆႈတႅၼ်းတီႈ ၽွင်းလူင် ၵၢၼ်တႅတ်ႇၵင်ႈ သႄႇရၵျေး သျွႆးၵူႇ ၼၼ်ႉယဝ်ႉ။ ၸွမ်းလူၺ်ႈ ပၵ်းပိူင်ရတ်ႈသျႃး မီးဝႆႉယူႇၼၼ်ႉ တီႈဝၼ်းဢင်းၵၢၼ်း ဢၼ်ပဵၼ်ဝၼ်း ၸဝ်ႈၸွမ်ၸိုင်ႈပူႇထိၼ်ႇ ၵိၼ်ႇၵျၢမ်းၼၼ်ႉ ၸိူဝ်းပဵၼ် ၽွင်းလူင်တင်းသဵင်ႈ လႆႈထွၼ်တူဝ်ဢွၵ်ႇယဝ်ႉ။ ၽွင်းလူင်ၵမ်ႉၼမ်တႄႉ ဢွၼ်ၵၼ်မုင်ႈမွင်းဝႆႉဝႃႈ ၶဝ်တေၶိုၼ်းထုၵ်ႇပၼ်ပုၼ်ႈၽွၼ်းတႃၶုၼ်ၶဝ် မိူၼ်ၵဝ်ႇယူႇ ဝႃႈၼႆယဝ်ႉ။
ၽူႈမီးပုၼ်ႈၽွၼ်း လူင်ပွင်ၸိုင်ႈရတ်ႈသျႃးၶဝ် လၢတ်ႈဝႃးတႄႉ မိူဝ်ႈဝၼ်းဢႃးတိတ်ႉၼၼ်ႉ ပူႇထိၼ်ႇ လႆႈလူင်းလၢႆးမိုဝ်း ၶေႃႈပိုၼ်ၽၢဝ်ႇ ဢၼ်မွပ်ႇဢၢပ်ႈ သျွႆးၵူႇ ပဵၼ် ၽူႈၼမ်းၼႂ်း ၶွင်ႇသီႇၵၢၼ်ပၢႆးႁူမ်ႇလူမ်ႈ မိူင်းရတ်ႈသျႃး ဝႃႈၼႆယဝ်ႉ။ ၶေႃႈပိုၼ်ၽၢဝ်ႇဢၼ်ၼႆႉ ဢွၵ်ႇမႃး ဝၢႆးသေ ၶေႃႈပိုၼ်ၽၢဝ်ႇဢွၵ်ႇမႃးဝႃႈ ၸဝ်ႈၸွမ်ၸိုင်ႈပူႇထိၼ်ႇ လႆႈပၼ်တၢင်းၶႆႈၸႂ် တၢင်ႇလၢတ်ႈ တႃႇဢဝ် ဢႅၼ်တရေ ပႄလူသွၾ်ႉ တႅၼ်းတၢင်တီႈ သျွႆးၵူႇ ဝႃႈၼႆယဝ်ႉ။ မိူဝ်ႈလိူၼ်ပူၼ်ႉၼၼ်ႉၵူၺ်း ဢၼ်ပဵၼ် ၽူႈၵႅမ် သျွႆးၵူႇ ၵေႃႉၼိုင်ႈ လႆႈထုၵ်ႇဢဝ်လိူင်ႈလူၺ်ႈ လွင်ႈၵိၼ်သူးၵိၼ်လၢပ်ႈသေ လႆႈထုၵ်ႇၶမ်ဝႆႉ ၽွင်းတိုၵ်ႉပႂ်ႉ တႃႇႁဵတ်းၵၢၼ်ၵူတ်ႇထတ်းပဵၼ်တၢင်းၵၢၼ်ၼၼ်ႉယူႇ။
ပႄလူသွၾ်ႉ ဢၼ်တၢင်ႇသဵၼ်ႈၸိုဝ်ႈ ပဵၼ် ၽွင်းလူင် ၵၢၼ်ၵႅတ်ႇၵင်ႈၼၼ်ႉ လုၵ်ႉတီႈ သၽႃးၼိူဝ် ရတ်ႈသျႃး၊ ၶွင်ႇသီႇ ၾႅတ်ႇတရႄႇ ၸိူဝ်းၼႆႉ လူဝ်ႇလႆႈ ယိုၼ်ယၼ်ပၼ်ၵွၼ်ႇ။ ၸဝ်ႈၸွမ်ၸိုင်ႈပူႇထိၼ်ႇ လႆႈသိုပ်ႇမိုတ်ႈတၢင်ႇလၢတ်ႈၼႄ တွၼ်ႈတႃႇ ဢွင်ႈတီႈ ၽွင်းလူင်တၢင်ႇၸိူဝ်းၵေႃႈ မီးမႃးသေ ၼႂ်းၵႃႈၼၼ်ႉတႄႉ သျွႆးၵူႇၼႆႉ ပဵၼ် ၽွင်းလူင်ၵေႃႉလဵဝ်သုတ်း ဢၼ်ထုၵ်ႇတၢင်ႇၸိုဝ်ႈ တႃႇလႅၵ်ႈလၢႆႈၼႆ ၶၢဝ်ႇလႆႇဢွၵ်ႇမႃး မီးၼင်ႇၼၼ်ယဝ်ႉ။
ငိူၼ်ႈငဝ်ႈတိုၼ်း edit
- Associated Press. "Putin in Cabinet shakeup moves to replace defense minister as he starts 5th term in office" — VOA News, May 12, 2024
- Robert Plummer. "Vladimir Putin removes Sergei Shoigu from Russian defence ministry" — BBC News, May 12, 2024
- The Associated Press. "Putin replaces Shoigu as Russia’s defense minister as he starts his 5th term" — THE ASSOCIATED PRESS, May 13, 2024
- Guy Faulconbridge and Andrew Osborn. "Putin taps civilian economist to run defense, replacing Shoigu in surprise move" — Reuters, May 13, 2024
- Anna Chernova and Helen Regan. "Putin replaces Russia’s defense minister with a civilian as Ukraine war rages and defense spending spirals" — CNN News, May 13, 2024
- Pjotr Sauer. "Putin removes Sergei Shoigu as Russia’s defence minister" — The Guardian, May 13, 2024
