2 noyabr 2011, Çərşənbə
- 4 July 2022: Wn/az/Mövlud Çavuşoğlu Ermənistandakı ekstremist qruplar haqqında danışıb
- 15 August 2019: Wn/az/Türkiyə Liviyada pilotsuz döyüş təyyarəsini lazer silahı ilə vurub
- 2 July 2019: Wn/az/Türkiyədə Petkim limanında partlayış baş verib
- 7 May 2019: Wn/az/Türkiyə və ASO Suriyanın Təl Rəfat nahiyəsində hərbi əməliyyat həyata keçirib
- 7 May 2019: Wn/az/PKK lideri Abdullah Öcalan YPG silahlı birləşməsinə səslənib
- 10 May 2019: Wn/az/Suriya Silahlı Qüvvələri Kalat-əl-Mudik şəhərinin nəzarətini ASO-dan alıb
- 7 May 2019: Wn/az/Türkiyə və ASO Suriyanın Təl Rəfat nahiyəsində hərbi əməliyyat həyata keçirib
- 7 May 2019: Wn/az/PKK lideri Abdullah Öcalan YPG silahlı birləşməsinə səslənib
- 11 March 2019: Wn/az/Suriyanın Əl-Bağuz Fəvkani qəsəbəsində döyüşlər baş verib
- 5 March 2019: Wn/az/Suriyanın Kəlcibrin kəndində ASO və XQB arasında döyüşlər baş verib (mart 2019)
Türkiyənin Baş naziri Rəcəb Tayyib Ərdoğan Suriya müxalifətinə dəstək bildirərək, xalqın müqavimət hərəkatının uğur qazanacağına inandığını deyib. Bu gün Ədalət və İnkişaf partiyasının parlament qrupu qarşısında çıxışı zamanı cənab Ərdoğan Suriya administrasiyasını kəskin tənqid edib.
Baş nazir Ərdoğan Türkiyə və Suriya arasında dostluq əlaqələrinə toxunaraq deyib ki, Suriya hakimiyyəti bu münasibətləri düzgün qiymətləndirə bilməyib. “Suriya liderləri bizim xəbərdarlıqlarımıza əhəmiyyət verməyib. Biz bu prosesdə səssiz qala bilmərik. Biz mövqeyimizi bildirməyə davam edəcəyik” deyərək cənab Ərdoğan bildirib.
Suriyanın bir zamanlar yaxın müttəfiqi olan Türkiyə Suriya rejiminin hökumət əleyhinə nümayişləri qəddarcasına dağıtmasını getdikcə daha artıq tənqidlərlə qarşılayır. Keçən ay çıxışlarının birində cənab Ərdoğan prezident Əsədi kəskin tənqid edərək, Suriyanın ərəb baharını yaşayan növbəti ölkə ola biləcəyini və Bəşar Əl-Əsədin son nəhayətdə öz xalqı tərəfindən devrilə biləcəyini demişdi. “Suriyada öz xalqını əzənlər davam gətirə bilməyəcək. Avtokrat rejimlərin vaxtı artıq keçib. Totalitar rejimlər yox olur. Xalqın hakimiyyəti onun yerinə gəlir”-deyə cənab Ərdoğan bildirmişdi. Bugünkü çıxışında Türkiyənin Baş naziri Əsəd tərəfdarı qüvvələr tərəfindən qətlə yetirilən suriyalıları şəhid hesab etdiyini dilə gətirib. Cənab Ərdoğan Suriya administrasiyasının xalqın iradəsi deyil, gücə arxalandığını deyib.
Baş nazir Ərdoğan Suriyada əsl demokratiyanın bərqərar olacağına, Suriya xalqının isə öz hüquqları və azadlıqlarına qovuşacağına inandığını bildirib.
