Wikimedia Incubator

Wn/az/PKK lideri Abdullah Öcalan YPG silahlı birləşməsinə səslənib

< Wn | az
Wn > az > PKK lideri Abdullah Öcalan YPG silahlı birləşməsinə səslənib

7 may 2019, Çərşənbə axşamı

PKK lideri Abdullah Öcalan 2011-ci ildən sonra ilk dəfə öz vəkilləri ilə görüşüb. Bu görüş 2 may 2019-cu il tarixində, 810 rədd edilmiş görüş təklifindən sonra gerçəkləşmişdir.

Onun vəkillərindən bəri Rəzan Sarıca 6 may 2019-cu il tarixində İstanbul şəhərində keçirilən mətbuat konfransında bunu demişdir: "Bu, onun öz vəkilləri ilə 2011-ci ildən bəri ilk dəfə görüşməsidir. Görüş təxminən bir saat davam etmişdir".

Həbs edilmiş PKK terrorçu silahlı qruplaşmasının lideri Abdullah Öcalan PKK-nın Suriyadakı qolu YPG ilə yaxından əlaqələri olan Suriya Demokratik Qüvvələrini (SDQ və ya SDF) Suriyada çözümləri sülh yolu ilə tapmağa çağırmışdır.

Türkiyə hökuməti Abdullah Öcalanı 1999-cu ilin fevral ayında yaxalamış, İmralı adasında həbs etmişdir.

PKK-nın Türkiyəyə qarşı istiqamətləndirdiyi otuz illik terror fəaliyyəti qruplaşmanın Türkiyə, ABŞ, eləcə də Avropa İttifaqı tərəfindən rəsmən terror təşkilatı olaraq tanınmasına gətirib çıxarmışdır. PKK 40,000-dən çox insanın ölümünə səbəb olmuşdur.

İraq Şam İslam Dövlətinin qüvvələrini Suriyanın şimal-şərqindən qovan SDQ demək olar ki, Fərat çayının sağ sahilindəki bütün Suriya torpaqlarına nəzarət edir.

Mənbə

edit


 

Xəbərləri dostlarınla bölüş:             

Retrieved from "https://incubator.wikimedia.org/w/index.php?title=Wn/az/PKK_lideri_Abdullah_Öcalan_YPG_silahlı_birləşməsinə_səslənib&oldid=5293424"