Wikimedia Incubator

Wb/nia/Timoteo II/4

< Wb‎ | nia‎ | Timoteo II
Wb > nia > Timoteo II > 4

Famarou ba wohaogö wangai halöŵö edit

I. 1 Uŵa'ö sibai khöu, föna Lowalangi, ba föna Keriso Yesu, sanguhuku dania niha sauri, awö zi no mate, ba wa'ato'elenia, ba ba mbanuania andrö:[1] 2 Ombakha'ö daroma li, böi bulö'ögö, he baŵa, ba he tenga baŵa, otu'ö ira, farou dödöra, ba feta'u ira, ba ya'a'oi so wa'ebolo dödöu, awö wamahaö.[2] 3 Irugi sa dania baŵa, si tebai lataha wamahaö si ndruhu andrö, ba lahöna dania khöra zamahaö somasi ira, si maoso mbörö dalingara,[3] 4 ba la'erogö zi duhu, lö lafondrondrongo, ba la'otahögö waya-faya andrö.[4]

5 Ba ya'ugö andrö, ba böi fawuka dödöu, gofu hadia ia ngawalö, taha wamakao, halö halöŵöu, halöŵö zangombakha turia somuso dödö andrö; fo'ahonoa nibaya-bayau andrö,[5]

Arakhagö mofanö Waulo edit

II. 6 Ya'odo sa, ba nibe'e sumange sa'ae, ba lö ara tö, ba irugi baŵa wangefagu andrö.[6] 7 Fasöndrata si sökhi andrö, ba no ulau, ba töröŵa andrö, ba no u'o'ozui, lö niböhöligu famati andrö.[7] 8 Ba iada'e sa'ae, ba no muföfö'ö khögu dakula ba wa'atulö dödö andrö, nibe'e Zo'aya andrö, sangatulö'ö fanguhuku, khögu dania, na luo safuria andrö, ba tenga ha khögu, idozigö göi zangomasi'ö fa'ato'elenia andrö. [8]

Fangombakha edit

III. 9 Ta'i-ta'i, ena'ö alio möi'ö khögu. 10 Noa sa iröido Dema andrö, me no omasi ia götö da'e, ba no möi ia ba Desalonika; Kereke andrö, ba no möi ba Galatia, ba Tito, ba no isaŵa Dalamatia;[9] 11 ha Luka nawögu; ohe awöu Mareko andrö, moguna sa ia khögu, ngoni-ngonigu.[10] 12 Tikhiko andrö, ba no ufatenge ba Nefeso.[11]

13 Baru sebua andrö, niröigu ba Deroa, khö Garafo, ohe, na möi'ö ba da'e, ba sura andrö, oföna guli geu andrö.

14 No oya ilau khögu zi lö sökhi Alesandro, siambu andrö; isulöni dania khönia So'aya mbua-buania andrö;[12] 15 ba ya'ugö göi, angelama khönia; noa sa iforege wamadaö niŵa'öma andrö.

16 Me tesekhegö ndra'o, si föföna andrö, ba samösa lö sango'awögö ya'o, noa sa ahori laröi ndra'o; böi yatebe'e ömöra! 17 Ba no fa'awö khögu Zo'aya, ba no i'abölö'ö ndra'odo, ena'ö u'asiwai wangombakha andrö, ba ena'ö larongo fefu soi; ba no te'efa'ö ndra'o ba mbawa zingo.[13]

18 Ba i'efa'ö dania ndra'o So'aya, ba nifakhai dödö andrö, si lö sökhi, fefu, ba i'orifi ndra'o, i'ohedo ba mbanuania andrö, ba zorugo. Ya khönia lakhömi, götö-götö wa'ara! Yaduhu.[14]

Fango'ozui zura edit

IV. 19 Owai Werisa andrö ba Akila, ba si samba omo ndra Onesiforo andrö.[15] 20 No toröi ba Gorindro Geraso; Terofimo andrö, ba no uröi ba Mileti, mofökhö.[16]

21 Ta'i-ta'i we'amöi, fatua lö baŵa deu. La'owai ndra'ugö ira Oibulo Fudeo ba Lino ba Kalaudia ba talifusö andrö, fefu. 22 Ya awö dödöu Zo'aya! Yafalukha ami wa'ebua dödö![17]

Famotokhi ba gahe edit

  1. ↑ TimI 6:13; HalZin 10:42
  2. ↑ TimI 4:13; 5:20
  3. ↑ Yer 5:31; Mikh 2:11
  4. ↑ Tit 1:14
  5. ↑ Faigi 2:3 Kol 4:17
  6. ↑ Fil 2:17
  7. ↑ TimI 6:12; HalZin 20:24
  8. ↑ KorI 9:25; Yak 1:12; Fam 2:10
  9. ↑ Kol 4:14
  10. ↑ Kol 4:10
  11. ↑ Kol 4:7
  12. ↑ TimI 1:20; Sin 28:4; KorII 11:15
  13. ↑ HalZin 27:24; 9:15
  14. ↑ Faigi 3:11; Mat 6:13
  15. ↑ Faigi 1:16; HalZin 18:2
  16. ↑ HalZin 19:22; 20:4–15
  17. ↑ Gal 6:18

Fabaliŵa lala edit

Olayama Zura Timoteo II: 1 • 2 • 3 • 4

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Timoteo_II/4&oldid=6229845"