Wikimedia Incubator

Wb/nia/Timoteo II/2

< Wb‎ | nia‎ | Timoteo II
Wb > nia > Timoteo II > 2

Fango'ou ba wasöndrata edit

I. 1 Ba ya'ugö onogu, ba ya'abe'e ndra'ugö, ba wa'ebua dödö andrö, ba khö Keriso Yesu.[1] 2 Ba hadia nirongou khögu, ba zi no ato ba mbörö, da'ö fa'ema ba niha si lö faröi, si tola mamahaö dania niha bö'ö göi.[2]

3 Yafao ndra'ugö wanaha famakao, amaedola zi möi manuwö, awö Keriso Yesu, si sökhi.[3] 4 Fefu, ha niha zi möi manuwö, ba lö ihalö rörönia wangalui balazo, afunia i'omasi'ö ia solohe ya'ia andrö.[4] 5 Ba he no si fasöndra niha, ba lö'ö sa lafotakula ia, na si lö göna wasöndratania andrö. 6 Da'ö zi föföna mangoguna'ö bua nowi, sonowi andrö, sohalöŵö.[5]

7 Tanö ba dödöu hadia niŵa'ögu; ibotokhi sa dania ba dödöu So'aya, fefu hadia ia.[6] 8 Törö-törö tödöu Yesu Keriso, nisusugi moroi ba ngai zi mate, ma'uwu Dawido andrö, dali duria somuso dödö andrö khögu;[7] 9 da'ö mbörö, wa utaha wamakao, irege rate andrö, hulö zamarukhu; ba lö'ö sa mufesu daroma li Lowalangi andrö.[8] 10 Andrö utaha fefu, hadia ia, börö nitutuyu andrö, ena'ö lakhamö göi wangorifi andrö, ba khö Keriso Yesu, awö lakhömi andrö, si lö aetu.[9]

11 Si ndruhu daroma li andrö: na no fao ita ba wa'amate, ba fao göi ita ba wa'auri;[10] 12 na tataha wamakao, ba awö göi ita dania, ba wa'asalaŵa; na ya'ita mangosilö'ögö, ba ya'ia göi mangosilö'ögö ya'ita dania;[11] 13 na faröi ita, ba lö'ö sa faröi ia; tebai sa i'osilö'ögö ia.[12]

Famangelama ba wamaelungu edit

II. 14 Da'ö fasugi ba dödöra; öŵa'ö sibai khöra, föna Lowalangi, fa böi fagua-gua ira, si lö guna, si ha sambalö famakuyu samondrongo.[13] 15 Forege wangalui, ena'ö si nangea khö Lowalangi ndra'ugö, sohalöŵö si lö aiŵö, sangehaogö fangoguna'ö taroma li si duhu andrö.[14]

16 Timba wamakhai mbewe andrö, si lö boto; tedou-dou manö sa khöra, wa lö la'o'ö khö Lowalangi[15]

17 ba manana-nana dania lira andrö, hulö mbou auri. Ya'ia ndra Himenaio Fileto,[16] 18 si no elungu, si no mondröi si duhu, wanguma'ö no aefa wemaoso zi mate andrö, ba so ösa nifawukara famati.[17] 19 Ba lö'ö sa atö tebulö dane-dane saro andrö khö Lowalangi, ba da'ö dandronia: "No aboto ba dödö Zo'aya dana khönia andrö" ba: "ndramuröi zi lö atulö dozi sanötöi töi Zo'aya andrö." [18]

20 Ba ba nomo sebua ba tenga ha gama-gama balaki ba gama-gama firö, so sa göi gama-gama eu ba gama-gama tanö, ba nifake ba zoadu ösa, ba ba zi lö moadu ösa.[19] 21 Ba na so zi no mangeheta ya'ia ba zi manö, ba fakake ba zoadu ia dania, ni'amoni'ö, ba soguna ba zokhö omo, nihaogö, ba ngawalö mbua-bua si sökhi, fefu.[20]

Famangelama ba wagua-guasa edit

III. 22 Erogö wangisö nono matua andrö, ba gohi wa'atulö dödö ba famati ba fa'omasi ba fefao dödö ba zangaröfi li So'aya andrö, soroi ba dödö si no ohau-hau.[21]

Ba wagua-guasa ba zi lö boto edit

IV. 23 Ba amadöniŵa faya andrö, si lö göna, ba timba, me no ö'ila, ha fasosota zi tumbu ba da'ö.[22] 24 Ba enoni Zo'aya, ba böi yafasoso, yamuhaogö linia, ba niha fefu, ya'enahöi wamahaönia, ya'ebolo dödönia ba niha si lö sökhi,[23] 25 yamuhaogö-haogö wanegu samadaö andrö, ma atö ibe'e khöra Lowalangi wamalalini era-era, fa aboto ba dödöra zi duhu.[24] 26 fa tokea ira, ba wangefa'ö ya'ira ba dandraŵa Gafökha andrö, si no mama'ala ya'ira, ba wolo'ö nilau dödönia andrö.[25]

Famotokhi ba gahe edit

  1. ↑ Efes 6:10
  2. ↑ Faigi 1:13
  3. ↑ Faigi 1:8
  4. ↑ KorI 9:25 b.t.
  5. ↑ KorI 9:10
  6. ↑ Amaed 2:6
  7. ↑ Rom 1:3; KorI 15:4–20
  8. ↑ Faigi 1:8–12; HalZin 28:30–31
  9. ↑ Kol 1:24
  10. ↑ Rom 6:5–8
  11. ↑ Rom 8:17; Mat 10:33
  12. ↑ Rom 3:3
  13. ↑ TimI 6:4–5
  14. ↑ TimI 4:6
  15. ↑ TimI 6:20
  16. ↑ Faigi 3:13; TimI 1:20
  17. ↑ TimI 6:21; KorI 15:19
  18. ↑ Yoh 19:14–27; Mat 7:22; Fam 2:13
  19. ↑ Rom 9:21
  20. ↑ KorII 6:17 b.t.
  21. ↑ TimI 6:11
  22. ↑ Faigi 2:14–16
  23. ↑ Tit 1:7–9
  24. ↑ TesI 5:14
  25. ↑ Efes 5:14

Fabaliŵa lala edit

Olayama Zura Timoteo II: 1 • 2 • 3 • 4

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Timoteo_II/2&oldid=6229843"