Wb/nia/Timoteo I/6

< Wb‎ | nia‎ | Timoteo I
Wb > nia > Timoteo I > 6

Oroisa ba zawuyu

edit

I. 1 Ha wa'ato zawuyu andrö, solu'i kalo mbagi andrö, ba ndramu'oigö dödöra wamosumange sokhö ya'ira, fa böi tetandraŵaisi döi Lowalangi, awö wamahaö andrö.[1] 2 Ba si so sokhö samati, ba böi ndramu'ositengagö, me no talifusö; mendrua manö sa lahaogö wangai halöŵöra, me no samati ba ni'omasi'ö zoguna halöŵö si sökhi andrö. Ba da'ö fahaö ira, ba da'ö farou dödöra.[2]

Ngawalö mene-mene

edit

II. 3 Na so zi tenga si manö famahaö, si lö molo'ö si ndruhu andrö, niŵa'ö Zo'aya ya'ita, Yesu Keriso, ba famahaö si faudu ba wolo'ö andrö, khö Lowalangi,[3] 4 ba si fayaŵa da'ö, lö saboto ba dödönia hadia ia, no mofökhö ia, ni'alu-alui dödö andrö ba fagua-guasa wökhönia, ba ba da'ö tumbu dania wa'afökhö dödö, ba fasosota, ba famaudu dödö, si lö sökhi,[4] 5 ba fagua-guasa, si lö aetu, ba niha si no tekiko era-era, si no taya si duhu, sanguma'ö tödöra fangalui ana'a wolo'ö andrö, khö Lowalangi.[5]

6 Ba si ndruhu, fangalui sebua wolo'ö andrö, na fao wa'ahono dödö ba zi no so,[6] 7 Lö'ö sa hadia ia ni'oheda ba guli danö andre, me awena so ita, me tebai göi ta'ohe hadia ia, na taröi guli danö.[7] 8 Ba na so khöda mbalazo, awö nukha, ba noa khöda da'ö.[8]

9 Ba sedöna mangebua ana'a, ba göna fanandraigö, ba tandraŵa, ba oya wangisö faya-faya ba fangisö fama'ala, sangahanigö niha ba wa'atekiko, ba ba wa'amate.[9] 10 Noa sa baya ngawalö hadia ia zi lö sökhi fefu wa'omasi gana'a andrö, ba no elungu ösa, no laröi wamati, wangalui da'ö, ba no oya nifoböröra khöra fa'afökhö.[10]

Famarou tödö

edit

III. 11 Ba ya'ugö, niha Lowalangi, ba timba zi mane da'ö; ba alui wa'atulö dödö, ba folo'ö andrö, khö Lowalangi, ba famati, ba fa'omasi, ba fanaha tödö, ba fa'ebolo dödö.[11] 12 Lau fasöndra, fasöndrata si sökhi andrö, fasöndrata wamati; ra'u wa'auri si lö aetu andrö, ba nikaoni ya'ugö, ba ba nilaumö famaduhu'ö si sökhi andrö, ba zi no ato ba mbörö.[12] 13 Uŵa'ö khöu föna Lowalangi, sangorifi fefu hadia ia, ba föna Keriso Yesu, si no molau famaduhu'ö si sökhi andrö, föna Wondrio Filato andrö:[13] 14 O'ö goroisa andrö, böi göna hadia ia, böi falukha zinegu, irugi wa'ato'ele Zo'aya ya'ita andrö, Yesu Keriso,[14] 15 ni'oroma'ö Zamatörö andrö dania, na inötönia, Samatörö andrö, sohahau tödö, si ha samösa, razo razo andrö, ba So'aya sokhö,[15] 16 si so fa lö mate, si ha khönia, si so ba haga andrö, ba zi tebai möi niha, si lö irai i'ila niha, ba si tebai göi i'ila. Ya khönia zumange ba fa'abölö si lö aetu. Yaduhu.[16]

17 Ba zi so ana'a, ba guli danö andre, ŵa'ö, böi fayaŵa ira, böi ndramudöna-döna ba gana'a, si lö aro andrö, khö Lowalangi ndramudöna-döna, si lö mangambösi khöda, wame'e hadia ia, ba wangoguna'ö ya'ia;[17] 18 ndramutolo nawöra, yafahöna khöra mbua-bua si sökhi, böi atali ira, ya'ahakhö dödöra nawöra;[18] 19 ba wangöhöna khöra girö-girö dane-dane si sökhi, ba götö dania, ena'ö lakhamö zi ndruhu fa'auri andrö.[19]

20 He Timoteo! irö-irö'ö nibe'e khöu andrö, böi babaya huo-huo andrö si lö boto, si lö guna andrö, ba amadöniŵa wa'atua-tua faya andrö;[20] 21 so ösa zi no molo'ö da'ö, ba no elungu, no laröi wamati. — Yafalukha'ö wa'ebua dödö![21]

Famotokhi ba gahe

edit
  1. Efes 6:5; b.t.; Tit 2:9–10
  2. Filem 16
  3. Gal 1:6 b.t.; TimII 1:13
  4. Faigi 1:4–7; TimII 2:14
  5. TimII 3:5; 7:8
  6. Faigi 4:8; Sin 37:16; Heb 13:5
  7. Yob 1:21; Sin 49:18
  8. Amaed 30:8 b.t.
  9. Amaed 23:4 b.t.; 28:20; Mat 13:22
  10. Luk 12:15 b.t.
  11. TimII 2:22
  12. Faigi 1:18; TimII 4:7 b.t.; Fil 3:12 b.t.
  13. Faigi 5:21; Mat 27:11; Yoh 18:37
  14. TesI 3:13
  15. Fam 19:16
  16. Yoh 5:26; MozII 33:20
  17. Yob 31:24; Mat 10:24; Luk 12:20
  18. Heb 13:16; Yoh 3:21
  19. Mat 6:20; Luk 16:9
  20. TimII 1:14; 2:14–16
  21. Faigi 1:6–19; TimII 4:22

Fabaliŵa lala

edit

Olayama Zura Timoteo I: 123456

Amabu'ulali Sibohou: MataioMarekoLukaYohaneHalöŵö ZinengeRomaKorindro IKorindro IIGalatiaEfesoFilifiKoloseTesalonika ITesalonika IITimoteo ITimoteo IITitoFilemoHeberaioYakoboFetero IFetero IIYohane IYohane IIYohane IIIYudaFama'ele'ö

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö