Wikimedia Incubator

Wb/nia/Timoteo I/4

< Wb‎ | nia‎ | Timoteo I
Wb > nia > Timoteo I > 4

Sanandrösa ba zamaelungu edit

I. 1 Noa sa iŵa'ö sibai Eheha, so ba götö dania ösa zondröi famati andrö, solo'ö ba geheha samaelungu, ba solo'ö famahaö mbekhu,[1] 2 börö wamini tödö zolau faya andrö, si no falemba tandra ba dödöra,[2] 3 sanenaŵa fangowalu ba femanga gö, nifazökhi Lowalangi, ba wemanga ya'ia, na fao wangandrö saoha gölö, ba zamati andrö, si no aboto ba dödö si duhu.[3] 4 Si sökhi sa fefu nifazökhi Lowalangi, ba lö hadia ia nitimba, na fao wangandrö saoha gölö, ba wangoguna'ö ya'ia;[4] 5 ba daroma li Lowalangi ba ba wangandrö te'amoni'ö sa'ae ia.

Guna wolo'ö edit

II. 6 Na öŵa'ö da'ö ba dalifusö, ba enoni Keriso ndra'ugö, si sökhi, ba fangabölöu daroma li ba wamati andrö ba famahaö si ndruhu, ni'o'ömö andrö.[5] 7 Ba böi tehe gamaedola si lö boto andrö, faya-faya andrö; ba famaha ndra'ugö ba wolo'ö khö Lowalangi.[6] 8 Lö'ö sa börö moguna wamamaha boto andrö; ba folo'ö khö Lowalangi andrö, ba moguna manö, gofu heza ia, ba no tefabu'u khönia wa'auri iya'e ba fa'auri dania.[7] 9 Si ndruhu daroma li andrö, ba no si nangea tafonaha manö. 10 Ba da'ö sa ma'eregeisi dödöma, ba fasöndraga, me no madöna-döna khö Lowalangi sauri andrö, sangorifi niha fefu, ba oföna zamati andrö.[8] 11 Da'ö ŵa'ö khöra, ba ba da'ö fahaö ira.

Famarou khö Dimoteo edit

III. 12 Böi yamu'ositengagö ndra'ugö niha, me ono matua na ndra'ugö; ya duma-duma ndra'ugö ba zamati, ba huhuo, ba ba mbua-bua, ba ba wa'omasi, ba ba wamati, ba ba wa'ohau-hau.[9] 13 Irege so ndra'o, ba böi bato wombaso sura, ba böi bato wamarou tödö ba famahaö. 14 Böi ositengagö game'ela andrö, si so ba dödöu, nibe'e khöu, ba wama'ele'ö andrö, me latufa högöu tanga satua andrö.[10] 15 Da'ö törö-törö tödöu, da'ö fatou-tou, ena'ö oroma wa'atedoumö, ba khöra fefu. 16 Faigi-faigi he wisa ndra'ugö, ba he öwisa wamahaö andrö; böi böhöli da'ö. Na ö'o'ö da'ö, ba ö'orifi ndra'ugö, awö zamondrongo andrö khöu.[11]

Famotokhi ba gahe edit

  1. ↑ TimII 3:1 b.t.; FetII 3:3; YohI:2–18; TesII 2:9 b.t.
  2. ↑ TimII 3:5
  3. ↑ KorI 7:28; 36:38; Kol 2:16; 20:23
  4. ↑ KorI 10:30–31
  5. ↑ TimII 3:15
  6. ↑ Faigi 1:4; Tit 1:10 b.t.
  7. ↑ Faigi 6:6 b.t.; Sin 34:10; 37:4; Mat 6:33
  8. ↑ Faigi 2:3–4
  9. ↑ Tit 2:7–15; KorI 16:11
  10. ↑ TimII 1:6
  11. ↑ HalZin 20:28

Fabaliŵa lala edit

Olayama Zura Timoteo I: 1 • 2 • 3 • 4 • 5 • 6

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Timoteo_I/4&oldid=6229839"