1 Alai ndra'o, no timba zangozaragö bua geu ndra'odo, hulö zangezökhöi wo'uwo'u ba waneteu bua nagu: Lö'ö sa'ae bua nagu, ögu, ba lö'ö sa'ae bua ara sahulö, somasido ena'ö.[1] 2 Niha satulö tödö, ba no taya ba danö; sadölö tödö, ba lö'ö sa'ae ba niha; no dozi sanaro ira, ba wange enge'e; ilau gu'ö nawönia zamösana.[2] 3 Si lö sökhi nifa'ua dangara ba wamalua ya'ia ba wa'alio. Salaŵa, ba mangandrö ana'a, ba sanguhuku, ba itema luo, ba sebuara, ba iŵa'ö manö zomasi dödönia; si manö wamakhaira ya'ia.[3] 4 Si sökhira, ba no timba manaze, ba satulö, ba no atarö moroi ba göli hao mbitaha. Baŵa zanaro andrö khöu, fangotu'ö ya'ugö, ba no ahatö! 5 Ba si tokea dania ira! Böi sa'ae abe'e dödömi khö zi fahuwu khömi! Böi manötöna ami ba zi no ha sara tödö khömi mege! Faigi-faigi mbawandruhö mbawau, he ba khö nitalaguimö andrö.[4] 6 I'o'aya sa'ae namania ono matua, ba ilaŵa ninania ono alawe, ba böli gana'a, ba ilaŵa ninania sowöli ya'ia: Si fa'udu ba niha, ba ya'ia zoroiyomonia fefu![5]
II. Fangandrö
edit7 Ba ya'odo, ba utöngötöngöni khö Yehowa, manötöna ndra'o khö Lowalangi andrö, sangorifi ya'odo. Ifondrondrongo sa ligu Lowalangigu. 8 Böi omuso dödöu ba khögu andrö ya'ugö si fa'udu khögu! Na no alau ndra'o, ba ufuli maoso; na ba zogömi-gömi so ndra'o, ba haga khögu Yehowa. 9 Fönu Yehowa andrö, ba ulu'i, me no molalö ndra'o khönia, irege ifondrondrongo huhuogu andrö, ba irege i'ohe ba lala. I'ohe ba haga dania ndra'odo, ba fangokafu dödögu dania wa'atulönia andrö.[6] 10 Ba akha ifaigi-faigi dania udugu andrö, ba ya tehawu fa'aila! Ya'ia andrö, sanofu khögu: Heza so Yehowa, Lowalangimö andrö? Wa'omasi hörögu dania wamaigi-maigi ya'ia. Ba tehundra-hundra dania ia, timba dambu baewali.[7]
11 Irugi baŵa dania, ba la'a'azökhi gölimö; na luo da'ö, ba aröu to'ese misa nolamö andrö.[8] 12 Na luo da'ö, ba la'ondrasi'ö si oroi danö Ndrawa Asiria, irugi danö Miserayi, ba i'otarai zui danö Asiria, numalö ba mboto Oifarati, ba i'otarai nasi si sambua, numalö ba zi sambua, ba hili si sambua, numalö ba zi sambua, la'otarai sangondra.[9] 13 Ba tobali tanö si mate guli danö, börö zowanua yaŵa, bua-buara andrö.[10] 14 Kubaloi mbanuamö andrö si'ou, timba mbiri-biri, okhötamö, ena'ö ba zi lö niha-niha monahia ira, ba gatua, yaŵa ba hili Garemeli. Akha ba Mbazana ba ba danö Gileadi la'alui göra, si mane ba götö föna.[11] 15 Fa'ila'ö khöra zahöli-höli dödö, si mane me luo la'otarai danö Miserayi. 16 Akha la'ila niha baero, ba akha aboto ba dödöra, wa no si lö boto wa'abölöra andrö; hana na la'okhö dania mbawara ba hana na afiso ira.[12] 17 Lafelai gawu-gawu dania, si mane ulö; si mane sanana ba danö tou; laheta ira ba mbini-mbini andrö khöra, manizi-nizi, ata'u ira, ba lanehegö Lowalangida Yehowa ba la'ata'ufi ia![13] 18 Heza so Lowalangi si mane ya'ugö, same'e aefa horö ba zi tosai tana khönia, ba sangosilömilagö olalöŵa; si tenga si fadoro mofönu, somasi a'i wamatörö fa'ahakhö dödö.[14] 19 Ifuli dania ihakhösi tödö ita, ba ihöndrögö tou golalöŵada andrö. Horöma andrö, ba ötibo'ö ba namö ba nasi![15] 20 Si lö faröi ndra'ugö khö Yakobo ba öhakhösi tödö Gaberahamo, nifabu'umö khö ndra tuama, ba götö föna sa'ae, we'amöi ba hölu khöra.[16]
Famotokhi ba gahe
editFabaliŵa lala
editOlayama Mikha: 1 • 2 • 3 • 4 • 5 • 6 • 7
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö