Wikimedia Incubator

Wb/nia/Mikha/3

< Wb | nia | Mikha
Wb > nia > Mikha > 3

I. Fama'ele'ö nitandrösaigö ba zalaŵa Ndraono Gizeraeli

edit

1 Ba no umane: Mifondrondrongo ae, ya'ami högö ma'uwu Yakobo ba ya'ami samatörö nga'ötö Gizeraeli. Hadia, tenga sangila huku ami ena'ö?[1] 2 Laböhöli zi sökhi, ba ebua dödöra ba zi lö sökhi, labo'ai guli nawöra, ba lafaefa nagole ba döla.[2] 3 Öra nösi mbanuagu andrö, labo'ai guli ba nösi ba lafatö döla; latatawi, si mane nibe'e bawu, si mane nagole ba mbalanga.[3] 4 Awena dania mangarö-ngarö ira khö Yehowa, ba lö'ö sa ifondrondrongo lira, ba ibini'ö mbawania khöra, na luo da'ö, börö me no lalau zi lö sökhi.[4]

II. Nitandrösaigö ba zama'ele'ö andrö

edit

5 Da'ö niŵa'ö Yehowa ba zama'ele'ö andrö, si no molohe ba lala elungua banuagu, sanguma'ö: "Ya ahowu!" na so göra; ba si lö mame'e göra, ba lasuwö.[5] 6 Andrö wa itörö ami si bongi, lö angilata, ba fa'ogömi-gömi, lö fangombakha lala; aekhu luo ba zama'ele'ö andrö ba ogömi-gömi khöra ba zi ma'ökhö.[6] 7 Ba tobali si lö boto zangi'ila andrö, ba saila zama'ele'ö; dozi dania labalugö gambira, me lö itema lira Lowalangi![7] 8 Ba ya'odo, ba si no fahöna fa'abölö, Eheha Yehowa ba huku satulö ba fa'abe'e, ba wangombakha ba ma'uwu Yakobo fangerogöra Lowalangi, ba ba Ndraono Gizeraeli horöra.[8]

III. Börö zalaŵa ba ere ba sama'ele'ö andrö wa göna famakiko Yeruzalema

edit

9 Mifondrondrongo, ya'ami högö ma'uwu Yakobo, ba ya'ami samatörö nga'ötö Gizeraeli, sanuzu tödö ba huku satulö ba samila'ö sadölö fefu:[9] 10 Fange'enge'e wanaru'ö Ziona khöra ba horö wanaru'ö Yeruzalema.[10] 11 Manga gana'a zalaŵa, ba wolohe ba lala hadia ia, ba ere khöra, ba latema luo ba wamahaöra; sama'ele'ö khöra, ba no sama'ele'ö nifoluo, ba ladöna-döna khö Yehowa lamane dödöra: So sa atö ba khöda Yehowa, tebai göna famakao ita![11] 12 Andrö wa lafaku nowi dania Ziona, börö ami, ba Yeruzalema, ba si tobali adudula, ba hili satua eu dania hili gosali andrö![12]

Famotokhi ba gahe

edit
  1. ↑ Yer 5:5; Faigi 6:8
  2. ↑ Yes 5:20
  3. ↑ Sin 14:4
  4. ↑ Yob 27:9; Amaed 1:29; Hez 8:18
  5. ↑ Faigi 2:11; Mat 7:15
  6. ↑ Yes 8:22; Amos 8:9
  7. ↑ Sakh 8:4 b.t.
  8. ↑ Yes 50:4; 58:1
  9. ↑ Amos 5:7
  10. ↑ Hez 22:27; Nga'ötII 28:3
  11. ↑ SamI 8:3; Yes 1:23; Hos 4:18
  12. ↑ Sin 79:1; Yer 26:18; Luk 19:43

Fabaliŵa lala

edit

Olayama Mikha: 1 • 2 • 3 • 4 • 5 • 6 • 7

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Mikha/3&oldid=6229603"