Wb/nia/Halöŵö Zinenge/5/Lakuru zui zinenge ba teʼefaʼö dania
17 III. Ba maoso gere sebua ba awönia fefu, si faehu huku andrö, sadukaio, mofönu dödöra. [1]
18 Laraʼu zinenge, ba lakuru, ba gurunga gumandru.
19 Ba ba zi bongi, ba ibokai mbawandruhö gurunga malaʼika Lowalangi, iʼohe baero ira ba imane: [2]
20 Miʼae miʼoromaʼö ami ba miʼombakhaʼö ba gosali ba niha sato daroma li fangorifi andrö fefu. [3]
21 Ba me no larongo daʼö, ba möi ira ba gosali, me moluo sibai, mamahaö ira. Ba me so gere sebua ba awönia, ba lafakaoniʼö zalaŵa rafe sebua ba satua ba Ndraono Gizeraëli fefu, ba lafatenge, ba wangai yaʼira.
22 Ba me möi genoni, ba lö lasöndra ba gurunga. Ba lafuli ira, laʼombakhaʼö,
23 lamane: Noa sa muhaogö wokusi kurunga, me soga, no so ba zinga mbawandruhö zanaro, ba me no mabokai, ba lö niha bakha.
24 Ba me larongo niŵaʼöra andrö kumandra ba gosali ba ira ere sebua, ba abu dödöra, ba khöra andrö, he wisa daʼö dania.
25 Ba so zangombakha khöra: Hiza, niha andrö, nibeʼemi ba gurunga, no so ba gosali, mamahaö niha.
26 Ba möi gumandra, awö genoni andrö, lahalö ira. Tenga niʼanösöʼö, ataʼu sa ira niha sato, fa lö latebu kara ira. [4]
27 Ba laʼohe ira ba rafe sebua.
28 Ba isofu, khöra ere sebua, imane: No mahaogö wangumaʼö khömi, böi mamahaö ami, wangombakha töi andrö, ba hiza, anönö Yeruzalema famahaömi mibeʼe, ba edöna ami miʼohe ba huluma ndro niha andrö. [5]
29 Ba latema linia Fetero ba ira sinenge, lamane: Niʼoʼö khö Lowalangi, moroi ba woloʼöda ba niha. [6]
30 No isusugi Lowalangi ndra tuada Yesu andrö, nibunumi, nifanaŵa ba döla geu. [7]
31 Daʼö niʼalaŵaʼö Lowalangi yaŵa, tangania kambölö, solohe ba sangorifi, ba wameʼe famalalini eraʼera ba Ndraono Gizeraëli, ba fangefa horö. [8]
32 Ba yaʼaga zi so ba mbörö, ba niŵaʼö andre, awö Geheha niʼamoniʼö, nibeʼe Lowalangi ba zoloʼö khönia.
33 Ba me larongo daʼö, ba afökhö sibai ba dödöra, ba mamagölö ira, ba wamunu yaʼira. [9]
Famotokhi ba gahe
edit- ↑ (F. 4, 1; 3, 6)
- ↑ (F. 12, 7 b. t.)
- ↑ (Yoh. 6, 68; 17, 3)
- ↑ (F. 4, 21)
- ↑ (F. 4, 18. Mat. 27, 25)
- ↑ (F. 4. 19 b. t.)
- ↑ (F. 3, 13 b. t.; 10, 39)
- ↑ (F. 2, 33. 36)
- ↑ (F. 7, 54)
Faza 5: Anania ba Safira (1-11) | Tandra nifazökhi zinenge (12-16) | Lakuru zui zinenge ba teʼefaʼö dania (17-33) | Gamalieli (34-42)
Fabaliŵa lala
editFanolo ba wanura: Lala wanura • Fama'oli nösi • Ngawalö templat • Ngawalö kategori
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö