Wb/nia/Halöŵö Zinenge/5/Anania ba Safira

< Wb‎ | nia‎ | Halöŵö Zinenge‎ | 5
Wb > nia > Halöŵö Zinenge > 5 > Anania ba Safira
FAZA 5

1 I. Ba iʼamawa mbenua khönia si samösa, Anania döinia, ba awönia woʼomonia,

2 Safira, ba ihalö khönia ösa, mbölinia, foʼomonia göi zangila, ba iʼohe ösa, ibeʼe ba danga zinenge. [1]

3 Ba imane Fetero: He Anania, hana wa no fahöna ba dödöu Zatana, fa ölimo Geheha niʼamoniʼö ba öhalö khöu ösa, mböli mbenua andrö? [2]

4 Tenga khöu, na lö muʼamawa ia menaʼö, ba me no muʼamawa, ba tenga ba dangau manö so? Ba hana wa öfaʼamöi ba dödöu wolau si manö? Tenga niha nilimou, no Lowalangi ölimo.

5 Ba me irongo niŵaʼönia andrö, ba alau tou ia, ba aetu noso. Ba ihawui faʼataʼu dozi samondrongo daʼö.

6 Ba maoso nono matua, laheta ia, laʼohe baero ba lakoʼo. [3]

7 Ba so mato tölu za gotalua, ba so woʼomonia, lö nirongonia daʼö no mege.

8 Ba imane khönia Fetero: Ombakhaʼö khögu, na si manö waʼebua mböli mbenua andrö khömi? Ba imane: E, si manö. [4]

9 Ba imane khönia Fetero: Hana wa mamagölö ami, ba wanandraigö Eheha Zoʼaya? Hiza, so saʼae moroi tou zogoʼo foʼomou mege, ba laʼohe baero ndraʼugö göi.

10 Ba iʼanemaʼö alau tou ia, fönania, ba aetu noso. Ba me möi yomo nono matua, andrö, ba laʼila, no mate ia, ba laʼohe baero, lakoʼo ba ngai woʼomonia.

11 Ba ihawui faʼataʼu sebua mbanua fefu, awö dozi samondrongo daʼö.


(Halöŵö Zinenge 5:1-11)


Famotokhi ba gahe edit

  1. (F. 4, 35)
  2. (Luk. 22, 3. Yoh. 8, 44)
  3. (Moz. III. 10, 5)
  4. (Yos. 7, 19)


Faza 5: Anania ba Safira (1-11) | Tandra nifazökhi zinenge (12-16) | Lakuru zui zinenge ba teʼefaʼö dania (17-33) | Gamalieli (34-42)


Fabaliŵa lala edit

Fanolo ba wanura: Lala wanuraFama'oli nösiNgawalö templatNgawalö kategori

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö