Wb/nia/Esitera/7

I. I'ombakha'ö khö razo dödö Hamano andrö Esitera

1 Ba so razo, awö Hamano, ba wemanga khö Gesitera. 2 Ba isofu khö Gesitera, me luo da'ö göi, me labadu-badu nagu, imane: Hadia ni'andröu fo'omo razo, Esitera, ena'ö labe'e khöu? Hadia zomasi'ö? He irege zi matonga gamatöröŵagu, ba latehe khöu. 3 Ba itema linia fo'omonia Esitera, imane: Na no falukhado wa'ebua dödö wamaigiu, ya'ugö, razo, ba na atulö khö razo, ba alakha la'orifi ndra'o, börö wangandrögu andre, ba he iwama, börö zomasido andrö. 4 Noa sa mu'amawa ndra'aga, ya'odo andre ba iwama, ba wangohori ya'aga, ba wamunu, ba wamakiko. Na ni'amawa sawuyu ira matua ba sawuyu ira alawe na ato ndra'aga, ba lö hede-hedegu ena'ö; tenga sa si nangea nuduma andrö, wa te'ala razo ibe'e. 5 Ba humede razo Ahasiwero, imane khö wo'omonia Gesitera: Ha niha da'ö ba heza so ia, sama'amöi ba dödönia folau da'ö? 6 Ba imane Esitera: Uduma anrö si fatiu tödö khöma, ba ya'ia Hamano andre, si lö sökhi! Ba tokea sibai Hamano khö razo ba khö wo'omonia.

II. Fönu razo. Ifataŵi'ö Hamano ba gatunga andrö nitaru'önia

7 Ba maoso razo, ba wönunia, iböhöli wamadu agu, möi ia ba kabu, ba ngai gödo; ba toröi Hamano, ba wakaosa khö Gesitera, ena'ö lö labunu ia; aboto sa'ae ba dödönia, wa no i'etu'ö hukunia razo, huku famunu. 8 Ba me mangawuli yomo ba naha wemanga no mege razo, moroi ba kabu, ba no ibalöduhini gaso andrö, dadaoma Gesitera, Hamano. Ba imane razo: Hadia, ibunu wo'omo razo ba da'e yomo khögu? Ba ha si'aikö iŵa'ö da'ö razo, ba labalugö sa'ae mbawa Hamano. 9 Ba imane Herebona, enoni yomo khö razo, sangai-ngai hadia ia khönia: Hiza gatunga andrö, ba ngai nomo Hamano, 50 hela wa'alaŵa, nifalau'ö Hamano khö Morodokhai, si no mama'ema fangorifi khö razo. Ba imane razo: Mitaŵi ia ba da'ö! 10 Ba lataŵi Hamano ba gatunga andrö, nifalau'önia khö Morodokhai. Ba awena alö wönu razo.

Famotokhi ba gahe

Fabaliŵa lala

Olayama Esitera: 1 • 2 • 3 • 4 • 5 • 6 • 7 • 8 • 9 • 10

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö