Dit is 'n 'ulpblad, bedoeld vo korte achtergrondinformatie over 'n taele. Deze informatie is bedoeld vo de gebruker t'elpen bie vraegen die 'n drôge vertaelienge nie zòmae beantwoorde kan.
|
Oudvries is de vroegste faose van de Vriese taelen: Westerlauwers Vries, Saotervries, Noôrdvries en nog zò wat uutgesturve taelen/dialecten. 't Loôp zò'n bitje toet 1500.
Wat-a je wete moete
edit't Oudvries is vaneiges van 't groôste belang vò de Vriese taelen die-an d'rvan afstamme, mae ok vò 't Nederlands en 't Nederduuts is 't intressant. Vroeger wier d'r naemenlijk in 'n groôt gebied an de Noôrdzeê Vries gesproke. Vanaf d'n achtsten eêuw, as de Franken de Vriezen onderwierpe, goeng de taele vromme, mae dat is mae vreêd langzaem gegae. Toet diep in de middeleêuwen kloenk t'r in Zeêland nog Vries; in 'Olland dierde dat zelfs nog langer. Ku je begriepe dat 't Oudfries vee invloed ao op 't Zeêuws en 'Ollands. 'n 'Andjevol veegebruukte woôrden bin van Vriesen afkomst of bin deu 't Vries beïnvloed.
't Oudfries loôp deu toet ongeveêr 1500. Daemee dierde de "Oud"-faose van 't Vries vee langer as die van aore Germaonse taelen. 'n 'Middelvries' is t'r nie echt gewist, awast noeme sommigen d'n tied van 1500 toet 1800 wè zò. De lange teksten die me nog è komme aollemaele uut de laete middeleêuwen, mae de taele trek nog vreêd vee op Oudnederlands, Oudiengels, Oudsakisch etc. van rond 't jaer 1000.