Wp/wls/Papālagi

Ko he Papālagi ko he tagata pe fafine matāpule kili hina mai Eulopa, Amelika, 'Ositalalia, Niusila pe ko he tahi atu fenua.

Pātele papālagi mo fanau 'ako 'uvea i Lano i te ta'u 1890

Ha'u'aga

Ko te kupu ko palagi pe papālagi e tatau tona faka'aoga'i i te 'atu motu o Polinesia 'uesite (Ha'amoa, Toga, Tuvalu, Tokelau, Niue, 'Uvea mo Futuna) talu te 'u ta'u 1700 kae mole kei ilo'i papau tona ha'u'aga pe ne'e feafea'i tona fa'u.

E 'ui e 'ihi tagata fai fekumi i te 'u lea mo aga'ifenua o hage ko Serge Tcherkezoff, ko te kupu ne'e faka'aoga'i e te kau Polinesia i tanātou 'uluaki sio ki te 'u vaka papālagi. Ne'e sio ki te 'u fo'i pou lahi o te 'u vaka lā o higoa'i ko te 'u papa mai lagi.

Faka'aoga

Kua toe faka'aoga'i te kupu mo'o fakakehe'ia te ma'uli fakapālagi mai te ma'uli fakafenua āfea o 'Uvea mo Futuna:

• Kava papālagi: Fo'i hina kava mai tu'a pule'aga e fakatau i te 'u fale koloa
• Gaue papālagi: Gaue pilo
• Fia papālagi: fakatatau ki te ma'uli a te kau papālagi
• Folau ki papālagi: 'alu ki he fenua e ma'uli ai te kau papālagi o hage ko Falani

I 'ihi atu fenua

Ko te kupu ko papālagi e tatau mo te 'u kupu 'aeni:

• Vāvālagi i Fisi
• Haole i Havai'i
• Pākehā i Niusila
• Papa'a i Lalotoga
• Popa'a i Tahisi

Hoko atu

• Bergendorf, Steen; Hasager, Ulla; Henriques, Peter (1988), Mythopraxis and History: On the Interpretation of the Makahiki, Journal of the Polynesian Society, pp. 391–408
• Campbell, Ian C. (1994), European-Polynesian Encounters: A Critique of the Pearson Thesis, Journal of the Polynesian Society, pp. 222–231
• Kennedy, Gavin (1978), The Death of Captain Cook, London: Duckworth
• Obeyesekere, Gananath (1992), The Apotheosis of Captain Cook: European Mythmaking in the Pacific, Princeton, N.J: Princeton University Press
• Quanchi, Max (1993), Being Discovered: Perceptions and Control of Strangers, Cambridge: Cambridge University Press, pp. 45–56
• Quanchi, Max; Adams, Ron, Culture Contact in the Pacific: Essays on Contact, Encounter and Response, Cambridge: Cambridge University Press
• Tcherkezoff, Serge (1999), Who Said the 17th–18th Centuries Paplagi/"Europeans" Were "Sky-Bursters"? A Eurocentric Projection onto Polynesia, Journal of the Polynesian Society, pp. 417–425
• Tent, Jan; Geraghty, Paul (2001), Exploding Sky or Exploded Myth? The Origin of Papalagi, Journal of the Polynesian Society, pp. 171–214
• Tuiteleleapaga, Napoleone A. (1980), Samoa: Yesterday, Today and Tomorrow, New York: Todd & Honeywell