Des Zebbelinfeld im Siidosdn vo Nämberch hodd sein Noma vo der Landung vom Lufdschiff 1909, damals is „Zebbelinwiesn“ gnannd worn. Däi Nadionolsozialisdn hams nachherd umgschdalded un ab 1933 als Aufmarrschglände fier Veranschdaldunga vo der NSDAP, der Wehrmachd un vom Reichsärberdsdiensd gnudzd.
Endschdand is nach däi Bläne vom Archidegdn Albert Speer (1905 – 1981) a Haubddribüna samd Rednerganzl, 6,50 m houche Zouschauerwäll, däi wou durch 34 Dürm gliederd sin un a offne Halln miid insgsamd 144 Bfeiler. Däi Olaach is miid 312 x 298 m fasd quadradisch. Bei däi Reichsbardeidooch soll ´es Zebbelinfeld ungfähr 250.000 Agdöre un 70.000 Zouschauer Bladz bodn ham. Nach´n Zwaadn Weldgriech bis 1996 ham däi Ameriganer des Glände als Schborddbladz gnudzd, nu heid douds als Veranschdaldungsglände diena, z.B. fier des jährliche Musiggfesdiwäl „Rogg im Barrg“ oder däi Dribüna fier des Deidsche Duurnwaangrenna af´n Norisring.
Im Nedz edit