A Radler is a Gedrängg, des wou as an helln Bier (in manche Deile vo Middlfrangng sachd ma a „Bäier“) un Zidronalimonadn, massdns zu gleiche Deile, gmischd wärrd. In Frangng un Bayan dringd mers dradidionell ausn Halblidderseidla, des is dann a suu gnannde Radlerhalme („Radlerhalbe“). In Norrddaidschland wärrds Alsderwasser gnennd. Seidem dass 1993 des Bierschdeiergsedz g´änderd worrn is, derf a Radler scho ferdich gmischd in Flaschn odder Dosen verkaffd werrn. Wenn der Frangge im Wärrdshaus däi Variandn miid an helln Weiznbier un Limo bschdelln doud, sachd er: „Iich gräicherd an Russn“.
Radler un Russ sin vuur allm im Summer, wenn´s richdich haaß is, beliebde Erfrischungsgedrängge. Ieberhabds schbilld es Bier in Frangng a grouße Rolln. Oberfrangng is däi Rechion miid der grässdn Brauereidichdn weldweid und miid mehr wäi 1000 verschiedne Biere miid der grässdn Villfalld. Deshalb hassds a „Bierland Oberfrangng“
Im Nedz
edit