In däi middlalderlichn Nämbercher Luuchgfängnisse ham seid´n 14. Joahrhunnerd zur Verwahrung vo däi Häfdling bis hi zum Urdeilsschbruch odder bis zur Urdeilsvollschdreggung diend. Sie sin´ fast vollschdändig derhaldn un´ lieng under däi Kellergwölbe vom aldn Radhaus in der Nähe vom Haubdmargd in Nämberch. Däi Hafdbedingunga in däi damols 15 Zelln woarn grausam. Däi Häfdling ham beischbillsweis ofd mehrere Dooch in anner winzich glanna Zelln in dodaler Dunglheid verbringa mäin.
In der Folderkammer, däi wou weecha ihrer Gräiß a „Gabelln“ gnannd worn is, sin´ däi Gfangana verhörd un` gfolderd worn. Däi Luuchgfängnisse woarn a Undersuchungsgfängnis, als Hafdanschdald ham däi Gfängnisdürm diend, z.B. der Schulddurm, der Wasserdurm odder der Luginsland. Fier die Besichdichung vo däi Luuchgefängniss´ wern Führunga obodn.
Im Nedz
edit