Däi Nämbercher Burch is es Woarzeing vo der Schdadd Nämberch. Sie lichd af an Sandschdaafelsn 50 Meder oberhalb vo der Sebalder Aldschdadd, nörrdlich vo der Bängerds. Ofd wärrds a „Kaiserburch“ gnannd, in der wou zwischa 1050 un 1571 alle Kaiser vom Heilichn Römischn Reich zeidweis residierd un ihr Reigsdooch abghaldn hom. Allerdings is däi Kaiserburch blouss a Deil vo den ganzn gomblexn Gebillde. Eingdli bschdäid däi Burch as mehrere Deile: vuugloocherd däi schbädmiddlalderlichn reigsschdäddischn Baudn, dann kummd däi Burggrafenburch, däi wou blouss nu deilweis erhaldn is. Ieber däi Freiung glangd mer erschd in däi Vuurburch un dann in däi Habdburch vo der Kaiserburch. Der Wehrdurm im Vurhuuf vo der Kaiserburch (Sinwelldurm) is im 13. Joarhunnerd errichd worn un bieded an herrlichn Rundbligg ieber däi Aldschdadd vo Nämberch.
Däi erschde urgundliche Erwähnung vo der Burch is vo 1050. Beim verheernden Bombnogriff vom 2. Januar 1945 is däi Burch zu an groußn Deil zerschdörd und vo 1945 bis 1981 widderhergschdelld worrn. Heid zillds zu däi wichdigsdn Durisdnaddragdsiona vo Nämberch.
Im Nedz
edit