Däi originol Nämbercher Bradworschd gidds woahrscheins scho seid goud 700 Joahr. Sie is grod amol siem bis neun Zendimeder lang un ungfähr 25 Gramm schwer. Am 13. Sebdember 1313 soll der Nämbercher Rad fesdglechd hom, dass blouss a Bräd vo der Schweinslendn verärrberd wern derf. Bei der Wörzn mou dradidionell a Majoran dominiern. Däi Nämbercher Bradworsch is seid Augusd 2003 vo der EU geografisch gschüdzd un derf blouss im Schdaddgebied vo Nämberch nach fesdgschriemner Rezebdur hergschdelld wern. Damiid reihd si däi Nämbercher Bradworschd in weldberiehmde gschüdzde Schbezialidädn ei, wäi zum Beischbill Schambanjer odder Barmaschinggng.
Worum dass däi Nämbercher Bradworsch asu glaa is, hodd der Legendn nach sein Grund im Middlalder. Damols hodds a Schberrschdundn geem. Damiid dass däi Nämbercher Wärdsleid ihre Gäsd a nach der Schberrschdundn nu versorng ham könna, hom däi Wörschdla durchs Schlissluuch bassn mäin. In däi glassischn Bradworschdkichn in Nämberch werns am Rosd grilld, miid Sauergraud odder an Bodaggnsalod un miid Meerreddich oder an Senft af an Zinndeller servierd. Dazou gidds immer aa a Graubrod. Zum Miidnehma gidds an däi Bradworschdbudn a "Drei im Weggla" af die Händ. A weidere dybbisch fränggische Schbezialidäd sin Bradwörschdla in an Essich-Zwiefl-Sud, sugnannnde "Blaue Zibfl“.
Im Nedz
edit