Wp/vmf/Kadllschburch

Der Adigl is in Nämbercherisch gschriim.

Kadllschburch (offiziell: Cadolzburg, umgangssprachlich: Schborch) is a Margd im Landgrais Färdd im im bayrischn Regierungsbezirrg Middlfrangng. Er hodd a weng mehr wäi 10.000 Eiwohner un 16 Orddsdeile. Den Noma hodds vo der Cadolzburg, däi wou zirrga 15 km wesdlich vo Nämberch lichd un 1157 erschdmols erwähnd worrn is. Es wärrd vermud, dass des vo „Burch des Kadolt“ kummt. Der Margd selbsd is 1388 zum erschdn Mol erwähnd worrn. Bsondres sehnswerd is der hisdorische Orddskern un däi ehemoliche Schdaddmauer, däi wou zu grouße Deile nu goud erhaldn is.

Gwellnbeleech

Herbert Maas: Mausgesees und Ochsenschenkel. Kleine Nordbayerische Ortsnamenkunde. Verlag Nürnberger Presse.1. Auflage: 1969; 3. aktualisierte Auflage 1995. ISBN 3-920701-94-1

Indernedsaidn

Indernedsaidn fo Kadllschburch