A Kärwa is a Fesd, des wou in frängische Orddschafdn jeds Joahr gfeierd wärd. Der Dermin is vo Orrd zu Orrd verschiedn, massdns finds am Dooch eem vo der "Kirchweihe" odder am Dooch vom jeweilichn Schutzheilichn schdadd, weils eingdli a religiöses Fesd is, des wou seidn Middlalder gfeierd wärrd. Miid der religösn Bedeidung hodds heidzdooch aber nimmer vill zum dou un ähnld ofd a weng an Volgsfesd.
.jpg)
Däi Kärwa wärd massdns vo däi Kärwaboum organisierd, dabei werrn dradionelle Braich bflechd. Am Samsdooch wärd der Kärwabaam – massdns a Fichdn – afgschdelld un gschmüggd. Nachds mäin däi Kärwaboum Wache schäim, damiid dass er ned vo däi Burschn asn Nachboarorrd gschdulln wärd. Sunsd mäins nern daier – in der Reechel fier a boar Fässla Bier – widder aslösn. Am Sunndoch wärd der Kärwabam asdanzd. Dabei danzn däi Bärla as Kärwaboum un Kärwamadla um än Kärwabam drumrum un in jeder Rundn wärrd a Blummaschdrauß weidergeem. Wenn der afgschdellde Wegger schelld, is des Bärla, des wou grod `n Blummaschdrauß hodd, es Oberkärwabärla. Am Oomd wärrd in däi Gasdschdäddn Regionoldybbisches serwierd wäi Schaiferla, Broodwörschd odder a die beriehmdn Käichla. Derzou schbilld a Musiggggabbeln zum Danz.
Massdns wärd in där Nähe vom Kärwabaam a nu a Zeld afgeschdelld, wo Bier ausgschengd wärd. Außerdem ghärn Buudn, wäi zum Baischbill Sschießbuudn zu annär dybbischn Kärwa. Bei grässere Kärwas gibds a Audoscuudär und annäre Fohrgschäfde.
Im Nedz
edit