Des Fränggische Seenland (deidsch: Fränkisches Seenland) is a günsdlich oogleechds Seengebied in Middlfrangng im Bundesland Bayan miid anner Wasserflächn vo insgsamd fasd 20 km². Es lichd zirrga 50 km siidlich vo Nämberch un derschdreggd si ieber däi Landgraise Ansbach, Rood un Weißnburch-Gunzahausn.
Däi Seen sin urschbrüngli fier wasserwärdschafdliche Zwegge ooglechd worrn, nämli um däi Wasserverdeilung zwischa Nordd- un Siidbayan auszugleing. Dazou hodd si´s Fränggische Seenland zu anner addragdivn Urlaubs- un Naherholungsrechion endwiggld un der Dourismus is a wichdicher Wärdschafdsfagdor worrn. Däs Bauvurham hodd vo Juli 1974 bis zur Einweihung vom Groußn Brombachsee im Juli 2000 dauerd.
Des Fränggische Seenland bschdäid aus siem Seen: groußer un glanner Brombachsee, Rothsee, Altmühlsee, Igelsbachsee, Hahnakammsee un Dennenloher See, wobei däi zwa ledzderen nix miidn wasserwärdschafdlichn Zwegg zum dou ham. Af däi Seen vergehrn a Ausfluuchsschiffe, däi MS Altmühlsee und dai MS Brombachsee. Däi MS Brombachsee is der grässde Drimaran, der wou in Euroba af an Schdausee greizn doud.
Im Nedz
edit