Dschechien odder amdlich Dschechische Rebubligg (dschechisch: Česko / Česká republika, daidsch: Tschechien odder Tschechische Republik) is demogradischer Schdood in Middleuroba un umfassd däi drei hisdorischn Länder Behmen, Mährn und Dschechisch-Schlesien. Es hodd ca. 11 Milliona Eiwohner und a Flächn vo 78.866 Quadradgilomeder. Die Amdssprooch is dschechisch, däi Habdschdadd is Brach (Praha).
Däi Dschechische Rebubligg is am 1. Januar 1993 durch die Deilung vo der Dschechoslowagei endstandn. 1999 — achd Joahr nach der Aflösung vom Waschauer Bagd — is Miidglied vo der NATO worn un is am 1. Mai 2004 der Eurobäischen Union beidredn.
Däi Dschechische Rebubligg grenzd an Daidschland (810 km) im Wessdn un Norddwessdn, an Booln (762 km) im Norddn, die Slowagei (252 km) im Ossdn un Östreich (466 km) im Siidn. An der Siidwesdgrenzn vo Dschechien lichd der Behmerwald, im Norddwessdn des Erzgebirch un im Norddn däi Sudedn, däi wou im Riesngebirch miid der Schneekobbn a Häich vo 1602 Meter erreing. Siidösdlich vom Erzbebirch breid si auf beide Seidn vo der Elbn das Behmische Middlgebirch aus.
Af die Gibfl vom Behmerwald, vom Behmischen Middlgebirch, die Besgiden un dem erschdn Aslaifer vo die Garbadn verleffd die Eurobäische Wasserscheidn. Die Beggnlandschafdn sin sehr fruchboar. In Böhmen wärd vill Hobfn, in Mährn wärd Wein obaud.
Dschechien lichd in der gemäßichdn Demperadurzone vo der Erdn. Däi Jahresdurchschniddsdemperadur bedrächd 7,9 °C bei millde Winder (Februar: 0,5 °C) und kühle Summer (Juni: 18,6 °C). Däi Jahresniederschlaachssumme in Brag bedrächd 508 Millimeder; wos a reladiv niedricher Werd is.
Gallerie edit
-
-
Garlsbad (Karlovy Vary) -
De Schneekobbn is de hechste Berch vo Dschechien
Im Nedz edit
