Wp/tzm/ⵇⵙⵏⵟⵉⵏⴰ

< Wp‎ | tzm
Wp > tzm > ⵇⵙⵏⵟⵉⵏⴰ

ⵇⵙⵏⵟⵉⵏⴰ edit

 
ⵜⵉⵖⵔⵎⵜ ⵏ ⵇⵙⵏⵟⵉⵏⴰ

ⵇⵙⵏⵟⵉⵏⴰ ⴷ ⵜⵉⵖⵔⵎⵜ ⵜⵍⵍⴰ ⴷⵉ ⵡⴳⵎⵓⴹ (ⵛⵛⵔⵇ) ⵏ ⴷⵣⴰⵢⵔ, ⵜⵣⴳⴰ ⵖⴰⴼ ⵢⵉⵔⴰⵏ ⵏ ⵢⵉⵡⵏ ⵏ ⵡⵛⵕⵓⴼ ⴷ ⴰⵄⵍⴰⵢⴰⵏ, ⵜⴰⵎⴰ ⵏ ⵡⴰⵙⵉⴼ ⵏ ⵔⵓⵎⵍ. ⵏⵜⵜⴰⵜ ⴷ ⵜⴰⵎⴰⵏⴰⵖⵜ ⵏ ⵜⵡⵉⵍⴰⵢⵜ ⵏ ⵇⵙⵏⵟⵉⵏⴰ. ⵣⴷⵖⵏⵜ ⵓⴳⴰⵔ ⵏ 438.000 ⵏ ⵉⵎⵣⴷⴰⵖⵏ.

  • ⵇⵙⵏⵟⵉⵏⴰ ⴷ ⵜⵉⵖⵔⵎⵜ ⵜⴰⵎⵇⵇⵔⴰⵏⵜ ⴳ ⵉⴳⵔ ⵏ ⵜⴰⵙⴱⴱⴰⴱⵜ (ⵜⵜⵉⵊⴰⵕⴰ) ⴷ ⵜⵎⴳⵓⵔⵉ , ⵜⵍⵍⴰ ⴷⵉⵙ ⵢⵉⵡⵜ ⴳⵔ ⵜⵙⴷⴰⵡⵉⵢⵉⵏ ⵜⵉⵎⵇⵔⴰⵏⵉⵏ ⴰⴽⴽ ⵏ ⴷⵣⴰⵢⵔ. ⵣⵉⴽⴽ, ⵇⵙⵏⵟⵉⵏⴰ ⴷ ⵢⵉⵡⵏ ⵙⴳ ⵜⵖⵔⵎⵉⵏ ⵏⵏⴰ ⵖⵓⵔ ⵜⴷⴷⵓⵏ ⵎⴻⴷⴷⵏ ⴱⴰⵛ ⴰⴷ ⵍⵎⴷⵏ.
  • ⴳ ⵜⴰⵍⵍⵉⵜ ⵏ ⵉⴼⵉⵏⵉⵇⵉⵢⵏ, ⵇⵙⵏⵟⵉⵏⴰ ⵜⵍⵍⴰ ⴷ ⵢⵉⵡⵏ ⵙⴳ ⵉⴳⴰⴷⴰⵣⵏ ⵏⵏⵙⵏ. ⴳ ⵡⴰⴽⵓⴷ ⵏ ⵉⴳⵍⵍⵉⴷⵏ ⵉⵎⴰⵣⵉⵖⵏ, ⵜⵍⵍⴰ ⴷ ⵜⴰⵎⴰⵏⵖⵜ ⵏ ⵜⴰⴳⵍⴷⵉⵜ ⵏ ⵏⵓⵎⵉⴷⵢⴰ ⵇⵇⴰⵔⵏ ⴰⵙ ⵙⵉⵔⵜⴰ. ⴰⴳⵍⵍⵉⴷ ⵢⵓⴱⴰ ⴰⵎⵣⵡⴰⵔⵓ ⵢⴱⵏⴰ ⴳ ⵢⵉⵡⵏ ⵏ ⵍⵇⵚⵔ ⴳ ⵇⵙⵟⵏⵜⵉⵏⴰ ⵙ ⵓⵖⴰⵏⵉⴱ (style) ⴰⴳⵔⵉⴳⵉ ⴳ ⵍⵇⵔⵏ ⴰⵎⵣⵡⴰⵔⵓ ⵇⴱⵍ ⵜⴰⵍⴰⵍⵉⵜ ⵙⵉⴷⵏⴰ ⵄⵉⵙⴰ. ⴰⵙⵎⵉ ⵜⴽⵛⵎⵏ ⵕⵕⵓⵎⴰⵏ, ⵊⵓⵍⵢⵓⵙ ⵇⵉⵚⵔ ⵢⵔⴰ ⵜⴰⵎⴷⵉⵏⵜ ⴰⴷ ⴷ ⵜⴰⵀⵔⵙⵜ (colonie) ⵜⴰⵕⵓⵎⴰⵏⵉⵜ. ⴰⵙⵎⵉ ⵢⵇⵇⵍ ⵎⴰⵅⵏⵜⵢⵓⵙ ⴰⴷⴰⴱⵓ ⴳ ⵔⵓⵎⴰ, ⵢⵥⴷⵎ ⴷ ⵖⴼ ⵜⴼⵔⵉⵇⵜ ⴱⴰⵛ ⴰⴷ ⵜ ⵢⵟⵟⴼ ⵢⵔⵏⴰ ⵉⵀⵓⴷⴷ ⵇⵙⵏⵟⵉⵏⴰ ⴳ 311. ⵎⴰⵛⴰ ⵛⵓⵏⵙⵜⴰⵏⵜⵉⵏⵓⵙ ⵉⵄⴰⵡⴷ ⵢⴱⵏⴰⵜ ⵉⵙⵎⵎⵓ ⴰⵙ ⵙ ⵢⵉⵙⵎ ⵏⵏⵙ ⵏⵜⵜⴰ. ⴳ ⵡⴰⴽⵓⴷ ⵏ ⵉⵄⵜⵎⴰⵏⵉⵢⵏ, ⵇⵙⵏⵟⵉⵏⴰ ⵜⵇⵇⵍ ⴷ ⵜⴰⵎⴰⵏⵖⵜ ⵏ ⵢⵉⵡⵜ ⵙⴳ ⵜⵎⵏⴰⴹⵉⵏⵜ ⵜⵉⵄⵜⵎⴰⵏⵉⵢⵉⵏ ⵏ ⴷⵣⴰⵢⵔ. ⴳ 1837, ⵜⵍⵍⴰ ⴳⵔ ⵢⵉⴼⴰⵙⵙⵏ ⵏ ⵉⴼⵕⵏⵙⵉⵙⵏ ⴰⵔ ⴰⵙⴳⴳⵯⴰⵙ 1962.


ⵉⵣⴷⴰⵢⵏ ⵏ ⴱⵕⵕⴰ edit