Wɛra (Latini: Liquidambar styraciflua; Ingrasa: sweetgum; Pilanchi: copal)
Wɛra rihku uhktɛrashki patakuku. Yusawanahku uhktɛrashki hotushi utu sinku na’ara. Eluwihch, uhkelu tolu, yuhki. Uhktɛrashki likahta, amayisahkushtohku. Sap’aratohku yukatihch, uhkkosu likahta namu yakati. Wɛra tihikashtihki rakuku, ɔshta hishtahahki kal'u'ura. Wɛrakachu rina shirikati.
Tachahtaku, Tahumaku, Tachalakiku wɛra ɔshkahta wishiyimohku mashukata. Oni uhktahkishi yasha yatihch, hɛwishiyimohku mashu uhkyuwaku. Oni uhkshrukatotihch, Tachalakiku wɛra uhktahkishihta wishiyimohku mashu uhkyuwaku. Oni uhkwanatihch, Tahumaku rihkumohtu wɛra uhkyahoni hayihta rakuku chukuman, wishiyimohku mashu uhkyuwaku.